Suli.gl-imik atuinermut piumasaqaatit

1. NALINGINNAASUMIK

Piumasaqaatit ukua suliffissanut paasissutissaasiviup aammalu nittartakkap suliffissanut paasissutissaasivimmut iserfissiaasup tassunga atasup atorneqarneranut atuupput, (matuma kinguliani ataatsimoortillugit taaneqarpoq suli.gl). akuersaarneqannginneranni piumasaqaatit atuaqqissaakkit. Atuisutut nalunaarsornissamut atatillugu tuugassap 'Akueraara' toorneratigut imatut iliortoqassaaq: 'Suli.gl-imik atuisutut piumasaqaatit taakkua atuarsimallugit, paasisimallugit akuerisimallugillu, aammalu suli.gl-imik atuineq tamatumunnga naapertuuttumik ingerlanneqassasoq, uppernarsarneqartarpoq nalunaarutigineqartarlunilu'.

Inatsimmi allannguuteqartitsisoqarsimasinnaanera tunngavigalugu piumasaqaatit taakkua allannguuteqartinnissaat pisariaqarsinnaavoq, taamaattumik suli.gl-imi paasissutissanut nalunaarsukkanut akisussaasuusup taakkuninnga allannguuteqartitsinissamik pisinnaatitaanini sillimaffigalugu. Allannguuteqartitsisoqarpat allakkiami allerpaani 'kingullermik nutarterineq'-mut ulluliussaq iluarsineqassaaq. Annertuunik allannguuteqartitsisoqarsimassappat suli.gl-imut isernermut atatillugu tamanna atuisunut eqqumaffigeqquneqassaaq.

Piumasaqaatit qanoq tunuliaqutaqarluni suli.gl-ip atorneqarnera apeqqutaatinnagu, kikkunnut tamanut atuupput. Tassa imaappoq inuinnaat, suliffeqarfiit, peqatigiiffiit, oqartussaasut assigisaallu suli.gl-imik atuisut, piumasaqaatit taakkua akuerineranni pineqartunut ilaalissapput.

2. INUNNUT ATAASIAKKAANUT PAASISSUTISSANIK SULIAQARNEQ

Atuisutut nalunaarsortikkaanni, paasissutissat inummut tunngasut suli.gl-imi nalunaarsorneqartut, nammineq piumassutsimik tunniunneqartarput. Paasissutissat inummut tunngasut makkuninnga siunertaqartumik tunniunneqartarput nalunaarsorneqartarlutillu

• suliffissarsiortut Kalaallit Nunaanni suliffissat inuttaqanngitsut pillugit ilisimatinnissaat.
• sulisitsisut suliffissanut inuttaqanngitsunut qinnuteqartussatut piukkunnartut pillugit ilisimatinnissaat
• suliffissaaleqinermi ikiorsiissutinik aamma isumaginninnermi ikiorsiissutinik tunniussinissamut oqartussaasut suliarinninneranni kalaallit oqartussaasuisa paasissutissanik atuisinnaanissamik periarfissaqartinnissaat
• Suliffeqarfiit avataaneersunik sulisoqarnissamut akuersissummik qinnuteqaateqarnerannut atatillugu kalaallit oqartussaasuisa paasissutissanik atuisinnaanissamik periarfissaqartinnissaat
• suliffeqarnermi naatsorsueqqissaarnernut il.il. aamma taassuma kinaassusersiisoqarsinnaanngitsumik suliarineqarneranut saqqummiunneqarneranullu paasissutissanik nalunaarsukkanik pissarsinissamik kalaallit oqartussaasuisa periarfissaqartinnissaat

Paasissutissat atuisunut inuttut tunngassuteqartut isumannaatsumik isertuussamillu inissisimatinnissaat aammalu sukkulluunniit paasissutissanik inunnut tunngasunik illersuinermut inatsimmut naapertuuttumik suliarineqarnissaat, siunertap matuma siuliani allassimasup naammassineqarnerani paasissutissanut nalunaarsukkanut akisussaasuusup qulakkiissavaa.

Paasissutissanut nalunaarsukkanut akisussaasuusoq:
Inussutissarsiornermut, Suliffeqarnermut Niuernermullu Naalakkersuisoqarfik
Imaneq 4, Postboks 930
3900 Nuuk
Kalaallit Nunaat
Oqarasuaat: (+299) 34 50 00
E-mail: isiin@nanoq.gl

Paasissutissanik nalunaarsukkanik suliarinnittoq:
MatchWork A/S
CVR. 19 42 99 03
Gladsaxe Møllevej 26
2860 Søborg
Tlf. +45 36 95 95 95
Fax. +45 36 95 95 37
Email: matchwork@matchwork.com

3. INUNNUT PAASISSUTISSAT SUUT ATUISUTUT TUNNIUNNEQARTASSAPPAT

Suliffissarsiorluni atuisutut suli.gl-imik atuinermut atatillugu paasissutissat minnerpaamik makkua nalunaarutigineqassapput:

• Ateq
• Aqqusernup aqqa
• Postnr.
• Illoqarfik
• Nuna
• E-mail
• CPR-nr.

Sulisitsisutut suli.gl-imik atuinermut atatillugu paasissutissat minnerpaamik makkua nalunaarutigineqassapput:

• Suliffeqarfiup aqqa
• Suliffeqarfiup najugaa
• Suliffeqarfiup postnormua
• Suliffeqarfiup illoqarfia
• Suliffeqarfiup nunaa
• Suliffeqarfiup e-mail-ia
• Suliffeqarfiup oqarasuaataa
• Atuisutut taaguut
• Atuisutut e-mail
• Atuisup atuisutut taaguutaa

4. SULI.GL-IMUT ISERSINNAANEQ AAMMA PAASISSUTISSANIK NALUNAARSUINERMIK PAASISAQARTARNEQ

Suliffissarsiortoq NemID atorlugu suli.gl-imut isissaaq, taamaalillunilu suliffissarsiortutut isersinnaanissamut atuuttumik NemID-imik peqarnissaq pisariaqarpoq.
Sulisitsisut nittartagaq Business in Greenland (big.gl)-imut isertaatertik aqqutigalugu isersinnaassapput, taamaalillunilu atuuttumik big.gl-imut isertaateqarnissaq, ilanngullugu atuuttumik GER-normoqarnissaq, sulisitsisutut isersinnaanissamut pisariaqarpoq.
Atuisutut atuisutut isersinnaanermik iluarsiissuteqarnissaq, unitsitsinissaq imaluunniit piiaanissaq kissaatigigaanni, tamanna iserluni ulloq unnuarlu akunnerni 24-ini pisinnaavoq aammalu allannguutissat kissaatigineqartut suliarineqarsinnaallutik.
Atuisutut qaammatini 18-ini isersimanngikkaanni, paasissutissat ilinnut tunngasut ingerlaannartumik peerneqassapput.
Paasissutissat suut paasissutissanut nalunaarsukkanut akisussaasuusup atuisumut inuttut tunngasut suut nalunaarsorsimanerai, atuisutut aallaaviatigut paasitinneqarsinnaatitaaneq atuuppoq. Taamaattoqassappat Inuussutissarsiornermut, Suliffeqarnermut Niuernermullu Naalakkersuisoqarfimmut saaffiginnittoqassaaq. Taamatuttaaq paasissutissat inummut tunngasut suliarineqarnerannut tunngatillugu allanik apeqqutissaqaraanni, ilanngullugu paasissutissat imminut tunngasut allannguuteqartinneqarnissaat imaluunniit peerneqarnissaat kissaatigigaanni, matuma siuliani taaneqartumut saaffiginnittoqarsinnaavoq. Aallaaviatigut paasissutissani tunniunneqartuni paasissutissanut nalunaarsukkanut akisussaasuusoq imaluunniit paasissutissanik nalunaarsukkanik suliarinnittoq iluarsiinermik imaluunniit allanngortitsinermik suliaqartanngillat.

5. COOKIES

Suli.gl-imi cookies atorneqarput. Cookies tassaapput paasissutissat ataatsimoortut digitaliusut, atuisup harddisk-iani toqqorneqartartut. Cookie atuisunik ataasiakkaanik ilisarinnittanngilaq, kisianni paarlattuanik pc atuisup nittartakkamut pulaarnermini atugaa ilisarisarlugu. Cookie-p qarasaasiaq nittartakkamut isertoqaraangat atuisutut ilisarisarpaa. Cookie-nik atuinermut siunertaavoq paasissutissat naatsorsueqqissaarnernik il.il. suliaqarnissamut atorneqarnissaat. Naatsorsueqqissaarnerit taakkua assersuutigalugu suli.gl-imi paasissutissat pitsanngorsarneqarnerannut atorneqassapput. Cookies paasissutissat inummut tunngasut toqqornissaannut atorneqartanngillat.

Cookies pillugit annertunerusumik atuarit uani.

6. PAASISSUTISSAT NALUNAARSUKKAT ISUMANNAALLISAAVIGINEQARNERAT

Paasissutissat inummut tunngasut nalunaarsukkat aamma suliffeqarfimmut paasissutissat nalunaarsukkat tamarmik atuisup taaguutaanik aamma isertaammik kode-mik illersuuteqartinneqarput. Qinnuteqartussaq imaluunniit suliffeqarfik, atuisumut taaguut aamma isertaat kode nammineq atugassani atorlugit, paasissutissanut nalunaarsukkanut imminut tunngasunut isersinnaavoq imaluunniit iluarsiisinnaalluni.

7. NALUNAARSUISARNEQ AAMMA ISERTAAT KODE

Suli.gl-imi atuisutut atuisutut paasissutissaatit, CV allallu NemID atorlugu iserluni iserfigineqarsinnaapput.
Atuisup tamarmik NemID-imik atuinerup, kiisalu inuttut kort-it isertuunnissaannut akisussaasuupput. NemID atorlugu akuerisaanngitsumik atuisoqarnera pisimappat imaluunniit tamanna aarlerinaateqarpat, paasissutissanut nalunaarsukkanut akisussaasuusoq imaluunniit paasissutissanik nalunaarsukkanik suliarinnittoq piaartumik ilisimatinneqassasoq, atuisutut ingerlaannaq akuerineqartarpoq.

8. SULIFFISSANUT PAASISSUTISSAASIVIMMIK ATUINERMI SIUNERTAASOQ

Suli.gl inuinnarnit, suliffeqarfinnit, peqatigiiffinnit, oqartussaasunit assigisaannilluunniit siunertanut inatsisinut naapertuuttunut taamaallaat atorneqaqqusaavoq, tassani ilaallutik siunertat immikkoortoq 2-imi taaneqartut.
Suli.gl paasissutissanik amigartunik, kukkusunik imaluunniit eqqoqqissaanngitsunik inissiinissamut atorneqarnianngitsoq, suli.gl-imi atuisutut uppernarsarneqartarpoq. Atuinerup suulluunniit, suli.gl-imut siunertaasunik immikkoortoq 1-imi taaneqartunik naammassinninnissamut iluaqutaanngitsup atorneqannginnissaa suli.gl-imi atuisut aamma akuersaartarpaat. Tamatuma taassumaannaanngitsulli ilaatigut kingunerisaanik, nioqquteqarnissamut isumaqatigiissuteqarnissamut qaaqqusissutinik, 'ingerlaartitsinissamik pilersaarutinik', 'klubbimi ilaasortaalernissanik' imaluunniit isumaqatiginninniarnissamut, allartitaqarluni aaqqissuussinissamut imaluunniit niuernissamut periarfissanut allanut tunngassuteqartunik aaqqissuussinernik, ataasiartumik akiliuteqarnissamik, piffissakkaartumik akiliuteqarnissamik, iluanaarutit malillugit aningaasarsiaqartitsinissamik (aalajangersimasumik annertuumik aningaasarsiaqartitsinani) piumasaqaateqarfiusunik imaluunniit ilaasortanik, pilersuisut siammarterisuinik, tuniniaasartut ataanni tuniniaasartussanik assigisaannilluunniit pissarsiornissamik piumasaqaateqarfiusunik, ikkussisoqaqqusaanngilaq.

9. SULI.GL-IMUT PIGINNITTUSSAATITAANERIT

Suli.gl-ip imarisai, ilanngullugit oqaasertat, titartakkat, assit, logo-t, tuugassat ilisarnaatai, software il.il., piginnittussaatitaaneq, nioqqutissanut ilisarnaasiisarneq il.il. pillugit nunami namminermi aamma nunani tamalaani inatsisit naapertorlugit illersugaapput. Najoqqutassat, isumaqatigiissummi imaluunniit inatsisini allamik allassimasoqanngippat, imarisaannik atugassiisimasut pigisaraat.
Najoqqutassat akuerisaanngitsumik atorneqarneranni piginnittussaatitaaneq aamma nioqqutissat ilisarnaataat pillugit inatsimmik imaluunniit inatsisinik allanik innarliisoqarsinnaavoq. Suli.gl-imi atuisutut piginnittussaatitaanermik, nioqqutissat ilisarnaataannik, kiffartuussinermut ilisarnaatinik nalunaarutiginninnerit imaluunniit piginnittussaatitaaffinnut allanut nalunaarutiginninnerit, najoqqutassani allaqqaakkani pigineqartut, assilisani suniluunniit najoqqutassanik sananermi inatsisinut naapertuuttuni, pigineqassapput.

10. SULI.GL-IP IMARISAANNUT AKISUSSAAFFIK

Atuisut nammineq paasissutissaatiminnut aammalu taakkua suli.gl-imi inissinneqarnerisa kingunerisassaannut, akisussaaffeqarput. Paasissutissanut nalunaarsukkanut akisussaasuusoq nittartakkami siammarterinermut aamma atuisunit paasissutissanik tamanut saqqummiussinermut iliuuseqarani aqqutissatut iliuuseqartuuvoq aammalu paasissutissanut nalunaarsukkanut akisussaasuusoq imaluunniit paasissutissanik nalunaarsukkanik suliarinnittoq paasissutissat aammalu najoqqutassat suli.gl-imi atuisunit ikkunneqartut misissornissaannut sunilluunniit pisussaaffeqanngillat. Taamaattumik suli.gl-ip imarisaasa eqqortuunerat qulakkeerneqarsinnaanngilaq.
Sullissinermi tassani inunnik imaluunniit suliffeqarfinnik kinaanerminnik oqaatigisamittut inissisimasuunngitsunik attaveqarsinnaaneq eqqumaffigeqqullugu, paasissutissanut nalunaarsukkanut akisussaasuusup atuisut tamaasa kaammattorpai. Atuisutut annaasaqarsinnaaneq atuisunik allanik suli.gl aqqutigalugu attaveqarfigineqartunik ingerlatitseqateqarnermut tunngassuteqartoq, nammineerluni akisussaaffigineqarpoq.
Suli.gl-imi paasissutissanik piumasaqaatinut matumunnga naapertuutinngitsunik peqartoq paasissutissanut nalunaarsukkanut akisussaasuusup imaluunniit paasissutissanik nalunaarsukkanik suliarinnittup paasippagu, paasissutissanut nalunaarsukkanut akisussaasuusup imaluunniit paasissutissanik nalunaarsukkanik suliarinnittup ingerlaannaq paasissutissat taamaattut piissavai. Tamanna aamma atuutissaaq paasissutissat assigisaalluunniit paasissutissanut nalunaarsukkanut akisussaasuusumut imaluunniit paasissutissanik nalunaarsukkanik suliarinnittumut akisussaatitsinermik malitseqarsinnaasut, imaluunniit paasissutissanut nalunaarsukkanut akisussaasuusup imaluunniit paasissutissanik nalunaarsukkanik suliarinnittup pilersuisuminit kiffartuussinernik annaasaqarsinnaaneranik malitseqarsinnaasut, paasineqarpata.
Suli.gl nittartakkanut allanut allanit pigineqartunut link-inik imaqarpoq. Link-it taakkua atuisunut kiffartuussissutitut taamaallaat ilanngunneqarput, aammalu taakkua suli.gl-imi inissisimanerat paasissutissanut nalunaarsukkanut akisussaasuusup imaluunniit paasissutissanik nalunaarsukkanik suliarinnittup nittartakkat taakkununnga atasut imarisaannik akuersisimanerannut takussutissaanngillat. Link-inik taakkuninnga atuineq tamarmi aammalu nittartakkami tassunga atasumi misissuineq taamaalilluni nammineerluni akisussaaffigineqassaaq.

11. SULI.GL-IMIK ATUINERMUT ISUMANNAALLISAANERMUT MALERUAGASSAT

Suli.gl-imi atuisutut inatsisit nalinginnaasut malinneqartussaapput, ilanngullugit maleruagassat allat pisinnaatitaaffiinik innarliinissamik inerteqquteqarfiusut.
Paasissutissanut nalunaarsukkanut akisussaasuusup pingaartumik pissutsit piumasaqaatinut taakkununnga akerliusut makkua pingaartumik erseqqissassavai. Oqaatigineqassaaq takussutissiaq tamakkiisuunngimmat aammalu inatsisit allat atorneqartussaanngitsut isumaqarani.
Atuisut suli.gl-imi isumannaassuseq innarlissanngilaat imaluunniit innarlerniarsarissanagu, assersuutigalugu:

• paasissutissanik atuisunut naatsorsuussaanngitsunik pissarsillutik, kiisalu server-imut imaluunniit konto-mut atuisut iserfiginissaanut akuerisaanani iserniarsaraluni,
• periaatsip imaluunniit nittartakkap mianernassusaa misissorlugu, assilillugu imaluunniit misilerarlugu imaluunniit isumannaallisaanermut akuersissutinullu sillimaniarnermi iliuutsit, taakkununnga sukumiisumik akuerisaanani, iserfiginiarsaralugit,
• atuisunut, isersimatitsisunut imaluunniit nittartakkanut sunulluunniit kiffartuussinermik akornusersuiniarsaraluni, ilanngullugu nittartakkamut virus-imik nassiussilluni, taanna artorsartillugu, 'qarsutsitillugu', 'nassiussivigisaqattaarlugu' imaluunniit 'qaartillugu', imaluunniit periaaseq aserortillugu,
• nittartakkap eqqortumik ingerlaneranik imaluunniit ingerlatanik nittartakkami tassani ingerlanneqartunik akornusersuiniarluni imaluunniit akornusersuiniarsariniarluni atortuinik, software-nik imaluunniit suleriaatsinik atuilluni,
• e-mail-inik kaammattorneqarani nassiussilluni, ilanngullugit tunisassianut imaluunniit kiffartuussissutinut pilerisaarutit imaluunniit ussassaarutit,
• TCP/IP-ni ataatsimoortuni allagartat imaluunniit e-mail-ini aallartinnerani allagartani paasissutissat ilai suulluunniit imaluunniit nutaarsiassaqartitsivinni ilanngussinernik, peqquserlulluni allanngortitsilluni
• najoqqutassanik paasissutissanut nalunaarsukkanut akisussaasuusumit, paasissutissanik nalunaarsukkanik suliarinnittumit, imaluunniit atuisunit allanit nittartakkami ikkunneqartunik piiaalluni imaluunniit allanngortitsilluni,
• maskiinanik, software-nik, sakkunink, agent-inik imaluunniit atortuinik allanik (assersuutigalugu browsere, robottit ujaasisartut, robotter, avatar-it imaluunniit agent-it silassorissut) sunilluunniit nittartakkami tassani misissuinermi imaluunniit ujaasinermi atuilluni. Inerteqquteqarnermi tassani ilaatinneqanngilaq maskiina ujaasisartoq imaluunniit agent-it ujaasisartut nittartakkami imaluunniit allat nittartagaasa browser-ianni nalinginnaasumik pissarsiarineqarsinnaasuni, imaluunniit (assersuutigalugu Netscape Navigator aamma Microsoft Explorer) pissarsiarineqarsinnaasut. Software-mik suli.gl-imi ilaasumi imaluunniit taassuma ilaanni MatchWork A/S-imit pigineqartuni paasinarsisitsiniarsaraluni, assiliiniarsaraluni imaluunniit killormut nutseriniarsaraluni imaluunniit killormut ilusiliiniarsaraluni,
• nittartagaq najoqqutassanik piginnittussaatitaanermut imaluunniit nioqqutissap ilisarnaataanik piginnittuusinnaanermik, ingerlatsinermi isertugaatinik imaluunniit allanik silassorissusermi piginnittuusinnaanermik allanik pigineqartumik innarliisumik nuussilluni, nassiussilluni, toqqorsilluni imaluunniit piuneerutsitsilluni, imaluunniit allat eqqissisimanerannik, pilerisaarisinnaatitaanerannik imaluunniit allanik inuttut pisinnaatitaaffeqarnerannik innarliilluni, imaluunniit kanngunarsaalluni, kusanaallisaalluni, sioorasaaraluni, sakkortusaarluni imaluunnit ersisaaraluni

Suli gl-imi tamanit pissarsiarineqarsinnaanngitsunut akuerisaasumik iseraanni, isernissamut paasissutissat allanut paasitinneqaqqusaanngillat imaluunniit avitseqatigiissutigineqarsinnaanatik, taamatullu taakkua siunertanut akuerisaanngitsunut atoqqusaanatik.

Isumannaallisaanermut maleruagassanik taakkuninnga imaluunniit inatsisinik allanik unioqqutitsineq inuit akornanni imaluunniit pillaasinnaatitaanermi akisussaatitsinermik malitseqarsinnaavoq. Paasissutissanut nalunaarsukkanut akisussaasuusup imaluunniit paasissutissanik nalunaarsukkanik suliarinnittup pisut isumannaallisaanermut maleruagassanik unioqqutitsisorineqartut misissussavaat, aammalu unioqqutitsinerit paasineqartut politiinut oqartussaasunullu nalunaarutigisinnaallugit.

12. AKISUSSAAFFEQARUMANNGINNEQ

Paasissutissanut nalunaarsukkanut akisussaasuusoq aamma paasissutissanik nalunaarsukkanik suliarinnittoq suli.gl-imik atuinermut qanoq ittumulluunniit atatillugu taarsiissuteqarnissamut sukkulluunniit akisussaatinneqarsinnaanngillat. Matuma kinguliani allassimasut tamatuminnga killilersuinermik kinguneqanngillat, kisianni taamaallaat pisunut il.il. paasissutissanut nalunaarsukkanut akisussaasuusup aamma paasissutissanik nalunaarsukkanik suliarinnittup akisussaatinneqarsinnaannginnerannut assersuutissaallutik.
Paasissutissanut nalunaarsukkanut akisussaasuusoq aamma paasissutissanik nalunaarsukkanik suliarinnittoq paasissutissat atuisunit tamanut saqqummiunneqartut ilumoortuunersut imaluunniit eqqortuunersut akisussaaffiginngilaat, taamatullu paasissutissanut nalunaarsukkanut akisussaasuusup aamma paasissutissanik nalunaarsukkanik suliarinnittup isummersornerusinnaasut atuisunit oqaatigineqartut akisussaaffiginagit. Atuisutut taamaalilluni akuerineqartarpoq najoqqutassat il.il. atuisunit tamanut saqqummiunneqartut atorneqarnerat, nammineq annaasaqaatigisinnaallugu akisussaaffigineqartoq.
Atuisoq imarisanut najoqqutassanullu allanut suli.gl-imi nammineq ikkussanut kisimiilluni akisussaasuuvoq. Immikkut erseqqissarneqassaaq paasissutissanut nalunaarsukkanut akisussaasuusup imaluunniit paasissutissanik nalunaarsukkanik suliarinnittup sulisitsisut suliffissamut qinnuteqartunik piviusumik neqerooruteqarsinnaanerat imaluunniit qinnuteqartussatut piukkunnaateqartut suliassamik aalajangersimasumik suliaqarsinnaanerat akisussaaffiginngimmassuk. Paasissutissanut nalunaarsukkanut akisussaasuusoq taassumalu paasissutissanik nalunaarsukkanik suliarinnittua tamatuma kingorna atorfinitsitsinerusinnaasunut suli.gl tunngavigalugu isumaqatigiissuteqarfigineqartunut tunngatillugu pissutsinut sunulluunniit akisussaasuunngillat.
Paasissutissanut nalunaarsukkanut akisussaasuusup aamma paasissutissanik nalunaarsukkanik suliarinnittup suli.gl kukkuneqanngitsumik ingerlanersoq, imaluunniit suli.gl taassumaluunniit serveriata qarasaasiami virus-eqannginnera imaluunniit allanik ajoqusiisartunik ingerlasoqannginnera qulakkeersinnaanngilaat. Suli.gl-imi, ilanngullugu najoqqutassanik suli.gl-imiittunik, atuineq, atortut imaluunniit paasissutissat nalunaarsukkat suliarisariaqalernerannik imaluunniit taarsersorneqartariaqalernerannik kinguneqarpat paasissutissanut nalunaarsukkanut akisussaasuusoq aamma paasissutissanik nalunaarsukkanik suliarinnittoq aningaasartuutinut tassunga tunngassuteqartunut akisussaasuunngillat.
Paasissutissanut nalunaarsukkanut akisussaasuusoq, paasissutissanik nalunaarsukkanik suliarinnittoq, pilersuisuusoq imaluunniit suleqataasut allat suli.gl-imut attuumassuteqartut, suli.gl-imik atuineq imaluunniit atuinissamik periarfissaqannginneq tunngavigalugit ajoqusiinernut imaluunniit annaasaqarnernut sunulluunniit taarsiissuteqarnissamut akisussaasuunngillat.

13. ANNAASAQARTITSINNGINNISSAQ

Paasissutissanut nalunaarsukkanut akisussaasuusoq aamma paasissutissanik nalunaarsukkanik suliarinnittoq taakkualu sulisui, siulersuisunut ilaasortat aamma agent-tit aningaasaqarnikkut allatigullu ajoqusiinermut, kiisalu piumasaqaateqarnissanut sunulluunniit piumasaqaateqartoqannginnissaanullu, suliakkiissutigineqarnissaannut imaluunniit allatut piumasaqarfigineqarnissaannut illersorniarlugit akisussaatinniarnagillu atuisunngornermi akuerineqartarpoq, ilanngullugit eqqartuussissuserisunut kukkunersiuisartunullu aningaasartuutit naapertuuttut akilersinniarneqartut imaluunniit suli.gl-imik atuinermut atatillugu pilersut, ilanngullugu atuisut piumasaqaatinik makkuninnga unioqqutitsinerat. Taamatut piumasaqaateqartoqarnera, suliakkiissuteqartoqarnera imaluunniit eqqartuussivikkoortumik malersuineq sunaluunniit pillugit paasissutissanut nalunaarsukkanut akisussaasuusup piaartumik atuisoq ilisimatissavaa, aammalu paasissutissanut nalunaarsukkanut akisussaasuusup, taamatut piumasaqaateqarnermut, suliakkiissuteqarnermut imaluunniit eqqartuussivikkoortumik malersuinermut atatillugu, atuisup akiligassaanik, atuisoq illersuisoqartillugu ikiussavaa.

14. NALINGINNAASUMIK

Atuisutut nunatta killeqarfiisa avataanni suli.gl-imut iseraanni aammalu atuilerluni, tamanna nammineq annaasaqaataasinnaasumik pissaaq, aammalu nunami pineqartumi maleruagassat atuuttut malinnissaannut nammineq akisussaasuussalluni.
Suli.gl-imi kiffartuussinerit ilai atuinissamut annertunerusunik piumasaqaateqarfiupput. Kiffartuussinernik taakkuninnga atuinermi, piumasaqaatinit kiffartuussinernut ataasiakkaanut atuuttunut pisussaaffeqarneq, atuisutut akuerineqartarpoq.
Isumaqatigiissut manna malillugu nammineq pisinnaatitaaffinnik imaluunniit pisussaaffinnik tuniniaanissaq imaluunniit ingerlatitseqqinnissaq inerteqqutaavoq.

15. ATORUNNAARTARNERA

Isumaqatigiissut manna atuisutut tuugassaq 'Akueraara' tooraanni atuutilissaaq, aammalu suli.gl-imi atuisutut nalunaarsorsimanermi imaluunniit imm. 1 naapertorlugu taakkua piumasaqaatinik nutaanik taarserneqarnissaasa tungaanut, atuutissalluni.
Paasissutissanut nalunaarsukkanut akisussaasuusup imaluunniit paasissutissanik nalunaarsukkanik suliarinnittup sukkulluunniit atuisup nalunaarsuineranik unitsitsisinnaapput, ilanngullugu atuisup piumasaqaatit makkua unioqqutippagit imaluunniit paasissutissanut nalunaarsukkanut akisussaasuusup imaluunniit paasissutissanik nalunaarsukkanik suliarinnittup paasissutissat atuisup suli.gl-imut ikkussai uppernarsisinnaanngippasigit imaluunniit piviusuuneri paasisinnaanagu, paasissutissat nalunaarsorsimasut peersinnaallugit. Taamaattoqarsimappat atuisup aamma paasissutissanut nalunaarsukkanut akisussaasuusup akornanni isumaqatigiissut manna atorunnaarsinneqassaaq.

16. AAQQIAGIINNGISSUTAASUT

Atuisup suli.gl-imi atuineranut tunngatillugu aaqqiagiinngissuteqartoqalissagaluarpat, aaqqiagiinngissutaasut Kalaallit Nunaanni eqqartuussivinni aalajangiiffigineqassapput.