Ujaasinera qanoq iliorlunga siunnerfeqarnerutilersinnaavara?
ujaasisimaguit, assersuutigalugu ”sanasoq” ujarlugu, tassani sanasumut tunngasut tamaasa – aamma allagarsiissutit tassunga attuumassuteqartut – nuna tamakkerlugu nuisissavatit. Aamma ujaasiffissat talerpiatungaaniittut ujaasinerpit suli annertunerusumik siunnerfeqalersinnissaanut atorsinnaavatit, taamaalilluni assersuutigalugu taamaallaat Sermeersuumi atorfiit takutinneqassallutik. Assersuutigalugu aamma atorfiit ullumi allagarsiissutigineqartut kisiisa takuniarukkit, ussassaarut qanga allagarsiissutigineqarsimanersoq tunngavigalugu immikkoortiterisinnaavutit.
Jobagent sunaava?
Suli.gl-imi suliffissanut ussassaarutinik nutaanik allagarsiisoqaraangat, illit ujaasinerni tunngavissarititaasunut tulluartunik, jobagent-ip paasissutissittassavaatit. Jobagent-ivit atorfiit naleqquttut illit mailboks-ernut toqqaannartumik nassiunneqarnissaat isumagisassavaa.
Sumi jobagent sananeqassava?
Jobagent uani sanasinnaavat. Aamma ujaasisinnaavutit tamatumalu kingorna ujaasinerit jobagent-itut toqqorlugu.
Qanoq iliorlunga jobagent atorunnaarsissavara?
Sukkulluunniit jobagent-it atorunnaarsissinnaavat. NemID atorlugu isissaatit. ”Quppernera” ataani toqqassavat ”Jobagent-ikka”. Taava illit jobagent-itit saqqummissapput aammalu peersinnaavatit, atorunnaarsissinnaallugit, iluarsaassinnaallugit imaluunniit allatut taaguuteqalersissinnaallugit. Iserniarnerni imaluunniit jobagent-ivit atorunnaarsinniarnerani ajornartorsiuteqaruit, uunga suli@nanoq.gl e-mailimik nassiussigit, imaluunniit najukkarni suliffissarsiuussisarfik attaveqarfigalugu.
Jobagent-era aqqutigalugu atorfiit allagarsiussat naleqqutinngitsut amerlasuut pisarpakka. Qanoq iliorlunga tamanna pinngitsuussavara?
Jobagent-it sanalerukku, sumiiffiup/suliassaqarfiup, suliassaqarfiup sorliup imaluunniit suliassaqarfiup illit soqutigisaqarfigisavit naleqquttup, aammalu suliffissap qanoq ittuussusaa ujartornerlugu krydsiliisimanissat pingaaruteqarpoq. Suliassaqarfiit arlallit toqqarsimagukkit, suliffissanut ussassaarutinik ilinnut naleqqutinngitsunik tigusaqartarsinnaavutit. Taamaattumik eqqortunik toqqaanissat pingaaruteqarpoq. Aamma ujaasinerit eqqornerulersinniarlugu nammineq toqqakkamik allaffissaq atorsinnaavat. Tassani assersuutigalugu oqaatsit soorlu ”suliniummut aqutsisoq”, ”aalisartoq” imaluunniit ”sanasoq” ilanngussinnaavatit.