sullissivik.gl
Ussassaarut taanna oqaatsini makkunani nassaassaavoq
Mittarfeqarfiit

Igasussarsiorneq Hotel Narsarsuarmi

Mittarfeqarfiit

Narsaq
Ikkunneqarpoq: 12-04-2024
Piffissaq atuuffissaa naassaaq: 31-05-2024
Suliffissamut ID normut: LJA-85431121
Suliffiup suussusaa: Tamakkiisoq
Suliassaqarfik: Akunnittarfik & neriniartarfik
Attaveqarfissamut paasissutissat

Mittarfeqarfiit

 
Oqarasuaat +299 70 16 00

Nerisassat piareersarluarsimasut sassaallernissaannik pingaartitsillutillu iganermik nuannarisaqarpit? Taamaappat Hotel Narsarsuarmi Igasoq ilinnut tulluussinnaavoq. Suleqatissatsinnik akisussaassusilimmik sungiussiasumillu piaartumik isumaqatigiinnikkulluunniit sulilersinnaasumik ujaasivugut.

 

Suliassaqarfiit

Suliffissat Hotel Narsarsuarmi ukiut tamaasa 8000 miss. pulaartoqartartumi inissisimavoq. Igaffimmi 8-10 sulisut igasullu naalagaa ullormut nerinerni qanimut suleqatigiit ipput. Suliassaqarfissatit ukuussapput:

A ‘la carte aamma qaaqqusaqarnermi nerisassat allagartaanik sananeq

Nioqqutissiornermi piareersaaneq

Toqqorsiviup nakkutiginera

Igasunngorniat ilinniartillugillu suleqatigineri

Imminut nakkutigineq

Utaqqiisaasumik suliassat

 

Piginnaasat:

Igasutut ilinniarsimaneq imaluunniit cafeteriami, igaffimmi, kantiinami nerisassiorfinni misilittagaqarneq kiisalu sullissinermi minnerpaamik ukiut 3-5 misilittagaqarneq.

Inuussutissalerinermi minnerpaamik ukiuni marlunni misilittagaqarneq kiisalu inuussutissalerinermi eqqiluisaarnermi uppernarsaateqarneq

Akuersaartuulluni, sungiussialluni, torersuunissamut tappittuullunilu suliffimmi avigasuartumik ilaannilu ulapiffiusinnaasumik avatangiisilimmi sungiusimaneq.

Nammineerluni sulisinnaaneq, kiisalu suleqatigiilluarsinnaanermik piginnaasaqarneq

Kalaallisut oqalussinnaaneq, danskisuusinnaavoq aamma tuluttut

 

Neqeroorutigaarput

Suliffik aalajangersimasoq, atorfik pissanganartoq namminersorfiusorlu unammillernartorpassualik, inuttullu sulinermi namminermullu ineriartornissamut ilinnut periarfissiisoq. Neriniartarfiup kalaallit nunat tamalaasalu nioqqutaanit siataliat aallutarai. Suliffiup piffissamik eqqorluartumik atuinissaq, eqqiluisaarlunilu torersuunissaq aammalu inuussutissiornerup iluani eqqiluitsuunermik pingaartitsinissaq annertuumik piumasaqaatigai. Qullersarissavat igasut naalagaat.

Narsarsuuttaaq avatangiisit orpippassuillu eqqaamiorisat pisuttuarfigineqarsinnaasut kangerlummilu takusassaasinnaasut allat neqeroorutigai.


 

Sulilernermut patsisit

Atorfininneq SIK-p isumaqatigiissutaani qaammammut akissarsiaqarneq malillugu ilaatigut ima ilaqartumi pisarpoq

Inatsisit atuuttu malillugit inissiaq

Inatsisit atuuttut malillugit sulilernermi akiliutsilluni angalaneq

Inatsisit atuuttut malillugit qaammatit 12-it atorfinereenerup kingorna sulinngiffeqarluni akiliutsilluni angalaneq

Sapaatip akunneranut akunnerit 40-ni sulineq

Isumaqatigiinnikkut sulilerneq

 

Isumannaallisaanermut akuersissut

Atorfimmut naatsorsuutigineqassagaanni politiininngaanniit isumannaallisaanermut akuerineqarnissaq pisariaqarpoq. Taamaattumik pinerlussimanermut allattorsimavimmiit allagaq nassiuteqatigissavat. Taanna najukkami politeeqarfimmi aaneqarsinnaavoq.

 

Paasisaqarnerugit

Atorfik pillugu paasisaqarnerorusukkuit Køkkenchef Kunuk Storch Grønvold oqarasuaatitigut: +299 580154 emailikkulluunniit: kusg@mit.gl attaviginissaanut tikilluaqqusaavutit.

Apeqqutit aalajangersimasut HR-ip immikkoortortaqarfianut mailikkut ugguuna pissapput: HR@mit.gl

 

Qinnuteqarneq

Atorfimmut naatsorsuutigineqassaguit qinnuteqaatit, sv kiisalu ilinniarsimanermut uppernarsaatit onlinekkut www.mit.gl -kkut kingusinnerpaamik ulloq 30-04-2024 nassiussavatit.

Qinnuteqaatit emailikkut tiguneqarneq ajorput.

Mittarfeqarfiit A/S, Grønlands Lufthavne, mittarfeqarfiit 13-it qulimiguullillu mittarfii 46-t ingerlappai. Ukiumut 60.000-it sinnerlugit ingerlatsinerit (angalanerit minnerillu) ingerlallugillu ilaasut 450.000-nik sinneqartut sullittarpagut. 450 miss. sulisoqarluta nunami suliffeqarfiit annersaat ilaanniippugut, aammalu sulisutta suliffeqarfiullu inerisartuarnissaat sulissutigiuarlutigit. Sullissinerit ilinniarfissallu assigiinngitsorpassuit neqeroorutigisarpagut, tamassumattaarlu inuiaqatigiinni pitsaasumik ineriartortitseqataanermut peqataasittarpaatigut.

Qinnuteqaaternut allakkianik ilanngussinngilatit. Taamaakkaluartoq qinnuteqaatit nassiunniarukku "Ok" tooruk, imaluunniit "Taamaatiguk" tooruk aammalu qinnuteqaqqilinnginnarni allakkiat ilanngutikkit.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia
Suliffissat assigusut
Mittarfeqarfiit
Narsaq