Nuummi Aallakaatitsinermut Immikkoortortaqarfimmi teknikerissarsiorpugut

Kalaallit Nunaanni atortulersuutinik aserfallatsaaliuinermi, atuisutsinnullu attavinnik pitsaasunik qulakkeerinninnermi pingaarutilimmik inissisimanissat pilerisinnaaviuk?

Tusassi Aallakaatitsinermut immikkoortortaqarfimmi Nuummi namminersorsinnaasumik, akisussaasusilimmik suliaminullu atatillugu piginnaasaqarluartumik teknikerissarsiorpoq.

Atorfik pillugu:Aallakaatitsivik Nuummiittoq marlunnik immikkoortortaqarfeqarpoq: Teknikkikkut aallakaatitsineq Atuisunullu aallakaatitsineq. Qulinik teknikereqarpoq marlunnillu Immikkoortortaqarfinni pisortaqarluni. Immikkoortortaqarfik nuna tamakkerlugu oqarasuaateqarfinni kiisalu illoqarfinni nunaqarfinnilu oqarasuaateqarnikkut teknikkikkullu atortunik pitsaaliuilluni aserfallatsaaliuinermik, iluarsaassinermik / kukkunernik aaqqiinernik akisussaasuuvoq.

Suleqatitaarigutsigit suliffinnut atatillugu teknikkikkut pisinnaassutsinnik ineriartortitsinissannut periarfissaqarluassaatit, soorlu:

• LH-mik sakkortusaavinnilu Minilink systeminik pilersaarusiorneq ingerlatsinerlu.
• Suliniutini peqataaneq suliniutinullu minnernut aqutsisuuneq – tassani sumiiffinni sanaartornermik suliniutini sutigut tamatigut pitsaassutsimik naatsorsuutigisamik qulakkeerinninneq pingaaruteqarpoq.
• Immikkoortortaqarfiit suliamut attuumassutillit akimorlugit kukkunernik nassaarniarnermi ataqatigiissaarineq kiisalu aaqqiineq.
• Immikkoortortaqarfimmi upalungaarsimanermut aqutsinermi peqataaneq.

Angalasarnissat-, angalanerillu ataasiakkaat assigiinngitsunik sivisussuseqartarnissaat naatsorsuutigissavat. Qulimiguulimmik imaluunniit umiarsuarmik attartukkamik angalanerit ingerlanneqartassapput.

Illit:

Elektronikfagteknikeritut tunuliaquteqarnissat minnerpaamik piumasaqaatigivarput, immaqalu elektronikteknologiunissat imaluunniit assingusumik-, kiisalu atorfimmi assingusumi misilittagaqarnissat imaluunniit oqarasuaateqarnikkut teknikkimi suliassanik misilittagaqarnissat.Aaqqissuussaalluartumik suleriuseqarnissat, peqataalluarnermik takutitsinissat, akisussaassuseqarluarnissat pitsaasuunissallu, kiisalu namminersorlutit angusassanillu toraagaqarnissat pingaartipparput. Maannakkut siunissamilu suliassat pilersaarusiorsinnaassavatit pingaarnersiorlugillu, saniatigullu suliassat taakkorpiaat naammassinissaannik piginnaasaqarlutit. Kalaallisut, qallunaatut immaqalu tuluttut allassinnaallutillu oqalussinnaassaatit. Pillagaasimanermut allagartaq imaqanngitsoq takutissinnaassavat.

Neqeroorutigaagut:

Suliffik pissanganartoq unammillernartunik ulikkaartoq, avatangiisini allanngorartuni suleqatillu piginnaasallit suliassanillu naammassinnikkusuttut peqatigalugit ulluinnarni sulisassaatit. Eqqissisimasumik pitsaasumillu avatangiiseqarluta sulisarpugut qungujunnartunik nuannarisaqarpugut ataqatigiilluarlutalu. Sulinermut atatillugu inuttullu ineriartornissamut periarfissaqarluarpoq. Sulisussaq eqqortoq piginnaasat naapertorlugit akissarsiassaqarluassaaq.

Ilinnoorpa?

Immikkoortortaqarfimmi pisortaq Kim H. Zinck attavigisinnaavat, oq. +299 389494.

Qinnuteqaatit oqaloqatiginninnerillu:

Tusassip suliffissarsiortarfiani internetikkut qinnuteqarsinnaavutit, qinnuteqaat CV-lu, paasissutissassallu attuumassuteqarsinnaasut nassiullugit. Qinnuteqaatit aggeraangata suliarisassavagut. Qinnuteqaatit tiguneqaraangata suliarineqartassapput.