Allagarsiuteqqitaq: Pisiffik A/S Økonomichefissarsiorpoq / Genopslag: Pisiffik A/S søger Økonomichef
Ikkunneqarpoq: 19-09-2024
Piffissaq atuuffissaa naassaaq: 31-10-2024
Suliffissamut ID normut: 331600613
Suliffiup suussusaa: Tamakkiisoq
Suliassaqarfik: Allaffik & allaffissorneq, Aqutsineq, Pisiniarfik & sullissineq
Atorfiup taaguutaa: Økonomichef
Ilinniagaq:
Misilittakkat - Annertunerusumik: Afdeling (3) 11 - 20 medarbejdere
Oqaatsit:
| Danskisut |
Atuarneq/ oqalunneq |
| Kallaallisut |
Atuarneq/ oqalunneq |
Pisiffik Nunatsinni pisiniarfissuit annersaannut aningaasaqarnermut pisortassamik pikkorissumik pissarsiorpoq
Atorfimmit assingusumit misilittagaqareerpit suliffeqarnikkullu allamik misiliinissamut piareersimavit, aamma allanngorartunik suliaqarfiusumik atorfeqalernissat, annertuumik akissussaaffeqartitaanissat assigiinngiiaartunillu suliaqarnissat takorluugariviuk? Taava immaqa illerpiaq pisariaqartippatsigit!
Pisiffik pisiniarfeqarfissuuvoq nioqqutissanik tamalaanik inuussutissanillu nioqquteqartoq assigiinngitsorpassuarnillu pisiniarfiuteqartoq, pitsaalluinnartunik nioqquteqarluni, unammillersinnaalluartunik akigititaqarluni aammalu kiffartuussinermik qaffasilluinnartumik tunniussaqartarluni. Kalaallit Nunaanni illoqarfinni anginerni arfinilinni 52-inik pisiniarfiuteqarpugut, Pisiffik Supermarked, Spar, AKIKI, Torrak Fashion, Elgiganten, Jysk, ILVA, Pisattat kiisalu Nota Bene ingerlataralugit.
Pisiffik Kalaallit Nunaanni suliffeqarfiit anginersaasa ilagaat 600-t missaannik sulisoqarluni. Nioqqutissaarniarnerup saniatigut aamma Kalaallit Nunaat tamakkerlugu engrosimik aamma niuerneq KK Engros aqqutigalugu ingerlataraarput kiisalu aamma Sunset Boulevard ingerlataralugu.
Kalaallit Nunaanni niuertarfittut suliffeqarfittullu piujuartitsinissaq tunngavigalugu ingerlatsisut pitsaanersaattut inissisimanissarput anguniagaraarput, taamatullu anguniagaqarnerput sapinngisarput tamaat piviusunngortikkusupparput.
Atorfik
Aningaasaqarnermut pisortatut Pisiffiup naatsorsuuserisoqarfiata ulluinnarni aqunneqarnera akisussaaffigissavat, Pisiffimmilu aningaasaqarnermut pisortaaneq toqqaannartumik attaveqarfigissavat siunersiueqatigisarlugulu.
Aningaasaqarnermik suliatigut tunuliaqutaqarluarnissat suliffeqarfimmilu minnerusumi anngajaamiluunniit aqutsisutut akisussaaffeqarsimanissat pingaaruteqarpoq. Ulluinnarni annikitsunik annertunerusunillu suliassaqarfiusumi sulineq sungiusimavat.
Sulisunut aqutsisutut siunersiueqatiginnillaqqissuuvutit sulisullu pisariaqartunik ilisimasaqarnissaat suliassaminnullu paasisimasaqarluarnissaat qulakkeersinnaallugu. Namminersorlutit sulisinnaavutit suliassallu pisariusut sullissinermut allaffeqarfimmi suleqatinnut suliffeqarfiullu sinneranut oqitsumik paasiuminartumillu saqqummiunnissaat pikkoriffigalugu.
Tamatuma saniatigut inuttut ammasuuvutit attaveqarniartuullutillu, aammalu suliffeqarfimmi persuarsiorfiunngitsumik oqaloqatigiiffiusartumi qiimmassaqatigiiffiusumilu suleqataarusussaatit. Inissaqartitsilluarpugut atorfiullu imarisassaanut nammineerlutit sunniuteqarnissannut periarfissagissaassaatit. Suliffeqarfik annertusaanissamik periusissiaqarpoq angusaqarluarniarfiusumik, taamaattumillu eqaatsumik suleqatiginneriaaseqarnissaq naatsorsuutigineqarpoq. Inuttut qanoq pissuseqarnerit suliatigut tunuliaqutarisatulli pingaaruteqartigivoq, nammineerlutillu sallersaallutit ingerlatsisinnaanissat pingaartipparput, taamaaliornikkut suliassat naammassineqartarnissaat qulakkeerumallugu. Suleqatiginnillaqqissuuvutit atassuteqatigiinnernillu pitsaasunik pilersitsinissap qanoq pingaaruteqartiginera ilisimallugu. Ulapaarfiusumi suliassannik pingaarnersiuinissaq pikkoriffigivat.
Aammattaaq danskisut allallaqqissuunissat oqallorissuunissallu naatsorsuutigineqarpoq. Kalaallit oqaasiisa ilisimasaqarfiginerat Kalaallillu Nunaannit misilittagaqarneq nalinginnaasumik iluaqutaassaaq, piumasaqaataananili.
Akissussaaffeqarfigisassatit pingaarnerit tassaapput
- Suliffeqarfiup naatsorsuuserinerani pitsaassutsimik qaffasissumik assigiissaartumillu qulakkeerinninnissaq
- Naatsorsuuserisoqarfiup aqunneqarnera, tassunga ilanngullugit ukiumoortumik naatsorsuutit, qaammammoortumik nalunaaruteqartarneq, missingersuutit il.il.
- Suliffeqarfiup ERP-systemiata ineriartorteqqinneqarnerata suleqataaffiginera
- Suleriaasissanut nassuiaatinik atuisunullu ilitsersuutinik malinnaatitsineq ineriartortitsinerlu
- Nakkutilliinermik suliassat tamalaat, akilersinnaassutsimik misissueqqissaarnerit suliassallu takkussortut
- Siulersuisunut atortussanik suliaqarneq
Neqeroorutigaarput
Kalaallit Nunaanni pisiniarfissuit annersaanni atorfik soqutiginartoq unammilligassaqarfiusorlu
- Ulluinnarni sulineq allanngorarfiusoq, nammineerlutit sunniuteqarfiginissaa periarfissagissaarfigalugu
- Suleqatit pikkorissut, tunniusimasut suleriallaqqissullu, suleqatimik pisinnaasaqarfigisaannik piginnaasaqarfigisaannillu suliffeqarfik akimorlugu atorluaasartut
- Aaqqissuussaaneq tamat sunniuteqarfigisartagaat toqqaannartumik akuutitsiffiusoq pilertortumillu aalajangiiffiusartoq
- Aningaasaqarnermut pisortaanermut toqqaannartumik attaveqarneq
- Inuttut suliatigullu ineriartornissamut periarfissagissaarneq
- Sulisunut ajunngitsorsiassarpassuit, soorlu soraarnerussutisiaqalernissamut aaqqissuussineq, peqqissutsimut sillimmaserneqarneq, sulisutut pisiniarsinnaaneq, allallu.
- Nunarsuarmi nunat alianaannersaanni atorfeqarneq
- Pisiffiup suliffeqarfittut politikkia malillugu pequtit nutserneri ineqarnerlu
- Piginnaasat malillugit akissarsiaqarneq
Soqutiginartippiuk?
Qinnuteqartunik piukkunnartunik oqaloqatiginninnissamut ingerlaavartumik aggersaasassaagut, taamaattumik qinnuteqaatit cv-llu maannangaaq nassiussinnaavat.
Atorfik pillugu allanik apeqqutissaqaruit aningaasaqarnermut pisortaanerup Lars Ole Andersenip loa@pisiffik.gl-ikkut attaveqarfiginissaanut tikilluaqqusaavutit.
Tusarfiginissat qilanaarivarput.
Pisiffik pillugu uani annertunerusumik paasisaqarsinnaavutit:
www.pisiffik.gl