sullissivik.gl
Ussassaarut taanna oqaatsini makkunani nassaassaavoq

Tusassimi Niuernermi Pilerisaarinermilu pisortaq

Tusass A/S

Nuuk
Ikkunneqarpoq: 18-01-2024
Piffissaq atuuffissaa naassaaq: 21-05-2024
Suliffissamut ID normut: LJA-85263617
Suliffiup suussusaa: Tamakkiisoq
Suliassaqarfik: IT & tusagassiuutit, Aqutsineq
Attaveqarfissamut paasissutissat

Tusass A/S

 
Oqarasuaat

Nioqqutinut Nittarsaassinermullu pisortamik angusaqarluarniartumik tuniniaanermillu piginnaasaqarluartumik pissarsiorpugut.
Nioqqutinut Nittarsaassinermullu pisortatut inuinnarnut suliffeqarfinnullu nioqqutinik nutaanik inerisaanissaq nioqqutigineqareersullu aallutarinissaat akisussaaffigissavat. Aammattaaq Tusassip nittarsaassinermik suliaqarnera akisussaaffigissavat.

Suliffeqarfimmi suliaminnut pikkorissunik sulisulimmi, aammalu suliatigut inuttullu unammilligassaqarfiusumi atorfik soqutiginartoq, aaqqissuussaanermilu suleqatigiinnik allanik qanittumik suleqateqarfiusoq. Suleqatigiit aqutsisuuffigisassatit ulluinnarni sulinerminni ulapaartuupput piffissaliussanillu eqquutsitsinissamik pingaartitsisuullutik. Avatangiisini ulapaarfiusuni allanngorarfiusunilu atorfimmi soqutiginartumi sulilissaatit sulisullu pikkorissut suliaminnut tunniusimalluartut suleqatigilissavatit. Nioqqutinut Nittarsaassinermullu pisortaq Niuernermut pisortamut attaveqarpoq divisionimilu aqutsisoqatigiinnut ilaalluni.

Akisiussaaffiit pingaarnerit tassaapput:

  • Inuinnarnut suliffeqarfinnullu niuerfimmi nioqqutigisat ataavartumik pitsanngorsarnissaat ukkataralugu nioqqutinut, nittartakkatigut ingerlatanut nittarsaassinermullu periusissianik pilersitsinissaq atulersitsinissarlu
  • Nioqqutinut immikkut ilisimasalittut atuuffeqarneq aamma niuerfinnik unammillertigisanillu nakkutiginninnikkut atuisartullu ussatigisaannik misissueqqissaartarnikkut nioqqutinut niuerfimmi qanoq inissisimasoqarneranik ingerlaavartumik ataatsimut isiginninnissaq
  • Missingersuutinik suliaqarneq
  • Suliniutinik aqutsineq nioqqutinullu nutaanut, sulissutigisanut najoqqutassanullu Business Casenik suliaqarneq, kiisalu nalittorsaanermut tamarmut atuuttumik isumassarseqqaarnermit saqqummiussinissamut akisussaasuuneq
  • Tusass.gl-ip sullitat pingaarnertut saaffigisartagaattut inerisarnissaa nutartertarnissaalu
  • Inuinnarnut immikkoortortap iluani tuniniaanerup aqunneqarneranut annertusarneqarneranullu akisussaasuuneq
  • Suleqatigisartakkat, sullitat nioqqutissiortullu qanittumik suleqatiginissaannik pilersitsineq pitsaasumillu atassuteqarfiginissaat

Naatsorsuutigaarput:
Suleqatigiit inuusuttut arfineq marlunnik inuttaqartut siuttuuffigisinnaassavatit. Immikkoortortaqarfiup ataatsimoorfiusumik angusanik uuttortarneqarsinnaasunik sunniuteqarluartunillu tunniussaqartarnissaa naatsorsuutigineqarpoq. Immikkoortortaqarfimmi suliarineqartartut amerlanersaat aaqqissuussaaneq akimorlugu ataqatigiissaarneqartarput, taamaattumillu attaveqaqateqallaqqissuunissat pingaaruteqarpoq.

Naatsorsuutigaarput aamma:

  • Niuernermut tunngasumik ingerlaqqiffiusumik ilinniagaqarnissat, soorlu assersuutigalugu Cand. Merc MBA-luunniit imaluunniit nioqqutinik aqutsinerup iluani aamma/imaluunniit nittarsaassinermik suliaqarnerup iluani tunuliaqutaqarluarnissat
  • Aqutsinermik misilittagaqareernissat kiisalu sulisunik tunniussimalluartunik inerisaanermik misilittagaqareernissat
  • Periusissiatigut ingerlatsinikkullu inerisaanermik atulersitsinermillu misilittagaqarnissat
  • Sullitanik pisariaqartitaannillu paasinnillaqqissuuvutit tamatumunngalu atatillugu nioqqutinik ukkatarinnilersitsisinnaallutit
  • Danskit tuluillu oqaasii qaffasissumik piginnaasaqarfigivatit. Kalaallit oqaasii allattariarsornikkut oqaluttariarsornikkullu tamakkiisumik piginnaasaqarfigigukkit iluaqutaassaaq.

Immikkut isumaqatigiissuteqarneq tunngavigalugu akissarsiat atorfeqarnermilu atugassarititaasut piginnaasatit tunngavigalugit isumaqatigiissutigineqassapput – kingornalu aamma naammassisartakkatit tunngavigalugit.

Atorfik Nuummi allaffeqarfimmi inissisimavoq.

Soqutiginartippiuk?

Atorfik pillugu apeqqutissaqaruit Flies HR-imeersup Partner Dorthe Fliesip oqarasuaatikkut +299583117-imut +4560833117 imaluunniit e-mailikkut dorthe@flieshr.dk-mut attaveqarfiginissaanut tikilluaqqusaavutit

Flies HR sulisussarsiornermik isumaginnittuuvoq, taamaammat saaffiginnissutit tamaasa tassunga ingerlateqquneqarput. Qinnuteqartunik piukkunnartunik oqaloqatiginninnissamut ingerlaavartumik aggersaasassaagut.

Atorfik pillugu allanik apeqqutissaqaruit Niuernermut Pisortaq, Nikolaj Christoffersen, +299 523614-imut sianerfigalugu saaffiginninnissamut tikilluaqqusaavutit.

Tusarfiginissat qilanaarivarput.


Tusass

Tusass pillugu uani annertunerusumik paasisaqarsinnaavutit: www.tusass.gl


Qinnuteqaaternut allakkianik ilanngussinngilatit. Taamaakkaluartoq qinnuteqaatit nassiunniarukku "Ok" tooruk, imaluunniit "Taamaatiguk" tooruk aammalu qinnuteqaqqilinnginnarni allakkiat ilanngutikkit.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia