sullissivik.gl
Ussassaarut taanna oqaatsini makkunani nassaassaavoq

Sukisaarsaartitsisumik

Kommune Kujalleq

Qaqortoq
Ikkunneqarpoq: 28-05-2024
Piffissaq atuuffissaa naassaaq: 17-06-2024
Suliffissamut ID normut: LJA-85516539
Suliffiup suussusaa: Tamakkiisoq
Suliassaqarfik: Isumaginnittoqarfik, Peqqinnissaq
Attaveqarfissamut paasissutissat

Kommune Kujalleq

 
Oqarasuaat

Qaqortumi  Utoqqaat Illuat Ajarsivasik sukisaarsaartitsoq assigisaalluunniit.


Sukisaarfimmi sulisussannik pissarsiorpoq aggustip ulluisa aallaqqaataat 2024 imaluunniit isumaqatigiissusioqatigiinnikkut.


Utoqqaat Illuat  Ajarsivasik najugaqartut agguataarsimallutik 19-nut, 18-nut aamma 11-nut   kiisalu piffissami sivikitsumi innuttaasut marluk qasuersertinneqartarlutik.

 Utoqqaat Illuanni sulisut ilaatigut makkuninnga ilinniagaqarput: peqqissaanermut assistenti, peqqissaanermi ikiortit, peqqissaasut aammalu ilinniarsimanngitsut arlaqartut. Immikkoortut tallimat saniatigut aamma sammisassaqartitsiveqarpoq, errorsisarfeqarpoq, igaffeqarpoq, pedeleqarluni kiisalu biilertoqarluni.


Suliassat:

  • Isumagisariallit utoqqaallu angerlarsimaffianni najugaqartunut tamanut pitsaasumik attaveqarnissaq.
  • Najugaqartut ataasiakkaat piginnaaneri naapertorlugit sammisaqartissinnaassallugit aammalu taakku ataatsimut sammisaqartitsinermut peqataatissallugit.
  • Najugaqartut sulisullu akornanni aallarnisaasinnaassalluni.
  • Sulisut peqatigalugit illumi silamilu sammisassanik pilersaarusiortassalluni.
  • Najugaqartut naapitassallugit ataatsimoornermillu pilersitsissalluni.
  • Najugaqartut ataasiakkaat sammisassaqalersissallugit.
  • Aqutsisut pedellillu suleqatigalugit illoqarfiup avataani illoqarfiulluunniit iluani piffinni allani angalaartitsisarnissat isumagisassallugit.
  • Najugaqartut sammisassatut kissaatigisaannut tusaaniassalluni taakkulu piviusunngortittassallugit.


Naatsorsuutigaarput, illit:

  • Peqqinnissamut ikiortitut perorsaasutulluunniit ilinniarsimassasutit assingusumilluunniit
  • Utoqqarnik, sammisassaqartitsinermilu suliassanik misilittagaqartutit.
  • Utoqqarnik najugaqartunik innuttaasunillu sullissaqarusuttutit soqutiginnittutillu.
  • Suleqateqarsinnaanermik piginnaasaqartutit qiimasuusutillu.
  • Ataatsimut isiginnissinnaanermik piginnaasaqartutit, sungiussiasuusutit, tunniusimasoq, ammasoq sulerusussusilillu.
  • Pitsaasumik sullisserusuttoq, akisussaassusilik tatiginartorlu.
  • Illumi pissutsinut pitsaasumik, nutaaliornermik, isumassarsiornermik ineriartortitsinermilu sunniuteqaqataajumasutit.
  • Suliassanik nutaanik suliaqarusussuseqassasutit alapernaatsuullutillu
  • Sulineq sulinerullu avataani inuuneq immikkoortissinnaagitit
  • Pitsaassusermik tungiunermi kivitseqataasinnaasutit
  • Tunngaviusumik aqutseriaaseq aammalu naleqartitagut malissinnaassagitit ukuusut: qanilaarneq, ikioqatigiinneq, ataqqeqatigiinneq, qiimaneq, tunniusimaneq aammalu attaveqaqatigiilluarneq


Neqeroorutigaavut:

  • akisussaasuseqarneq
  • Ilisarititsineq
  • Illumi pisariaqartitsinikkut Ilinniartitsineq sungiusaanerlu
  • Illu tamakkerlugu ataqatigiinneq suleqatigiinnerlu.
  • Suliffeqarfiup iluani pikkorissarnerni peqataanissamut allatsittoqarsinnaavoq.
  •   suliffik ineriartorfiusoq


Pinerliisimannginnermut uppernarsaat:
Atorfik inuttassarsiuussarput pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommunip Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.


Atorfinititsineq qaammatini pingasuni misiliutitaqassaaq.


Sukumiinnerusumik paasissutissat ”Ajarsivasik” aqutisuugallartoq Naja Paviasen tlf 54 11 54 imaluunniit e-mail: napa@kujalleq.gl 


Qinnuteqaat siusinnerusukkut sulisimanermik paasissutissartalik ilinniagaqarsimanermillu, pillagaasimannginnermillu uppernarsaatitalik, il.il. kommunip tigoreersimassavai kingusinnerpaamik 17.  juni 2024 uungalu nassiunneqassaaq:


 Qinnuteqaat pillagaasimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat soraarummeersimanermit uppernarsaatit assilineri PDF-ilinngorlugit il.il. kommunimut tunniunneqariissapput kingusinnerpaamik juunlip ulluisa 17-iat 2024 nittartagarput aqqutigalugu.


MALUGIUK: Qinnuteqaatit pappilissatigut e-mail-ikkulluunniit tiguneq ajorpagut, inussiarnersumik qinnuteqaatit PDF-fil-inngorlugu nittartagaq aqqutigalugu nassiunniunneqassapput.


Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqarpoq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq


Qinnuteqaaternut allakkianik ilanngussinngilatit. Taamaakkaluartoq qinnuteqaatit nassiunniarukku "Ok" tooruk, imaluunniit "Taamaatiguk" tooruk aammalu qinnuteqaqqilinnginnarni allakkiat ilanngutikkit.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia
Suliffissat assigusut