IT Supporterinik marlunnik sulisussariorpugut.
Suliassat pingaarnerit tassaapput Inussuk IT-p IT-systeminik ingerlataanik atuisunut
ulluinnarni ikiuineq ilitsersuussinerlu.

Inussuk-IT – Grønlands Fællesoffentlige IT-p akisussaaffigai pisortani
ataatsimoorullugit IT systemet ingerlanneqartut, kommunenit Nammisorlutillu
Oqartussanit atorneqartut. Uani suleqatitit peqatigalugit systeminik IT iluani
suliaqassaatit.

Illit suliassatit
Direktørimut Kontorchefimulluunniit innersuussisarlutit ilaatigut suliassat tulliutut
suliassarissavatit:

• Kommunini Namminersorlutik Oqartussanilu atuisuttinnik ikiuineq -
• ilitsersuunneqassaatit
• Suleqatitit peqatigalugit suliarisimasanik nalunaarsuineq naliginnaasoq
• Inussuk IT-p suliassaataanut allanut ikiuunneq

Illit ilisarnaatitit
Uku piginnaasaqarfigissagitit pingaartipparput:

• IT processer ilisimasaqarfiginissai iluaqataassaaq
• Atuisut allattorsimaffiini (brugeradm) suliaqareersimanissaq iluaqataassaaq
• Systemadmnistrationimik ilisimasaqarnissat iluaqutaassaaq
• Supportfunktionimi suliaqareersimanissaq iluaqutaassaaq
• Suliarisimasanik nalunaarsuineq
• Kalaallisut qallunaatullu oqalussinnaanissaq aammalu tuluttut oqaatsitilisimasaqarfiginissaat

Ilinniagaqarsimanerit
Suliamut tunngasumik naapertuuttumik ilinniagaqarsimassaatit.

Uagut pilluta
Naalakkersuisut anguniagaraat IT-mik digitaliseriinermillu annertunerusumik atuinikkut
Kalaallit Nunaanni inuiaqatigiit digitalikkut ineriartornerisa siuarsarnissaa, tassunga
ilanngullugu pisortat allaffissorneranni pisariillisaaneq.Tamanna Inussuk IT-miik
annertuumik peqataaffigaarput. Inussuk IT siulersuisoqarluni ingerlavoq, siulersuisut
Kommuneneersuullutillu Namminersorlutik Oqartussaneersuupput. Sulisut
Namminersorlutik Oqartussani atorfeqarput.

Neqeroorutigaagut
Atorfik assigiinngitsunik suliaqarfiusoq, namminersorfiusoq unammisassaqarfiusorlu
neqeroorutigaarput, suliamik ingerlatsinermi inuttullu ineriartornissamik periarfissiisoq.
Suleqatit pikkorissut tunniusimasullu peqatigalugit persuarsiorani suliffimmi
avatangiiseqarfiusumi peqataassaatit. Direktøri Kontorchefiluunniit qaninnertut
aqutsisorissavat.

Atorfik pillugu annertunerusunik paasisaqarusukkuit direktør Emil Kleemann
saaffigisinnaavat, oqarasuaatikkut +299 556368 imaluunniit emailikkut emkl@nanoq.gl
atorlugu.

Ulloq qinnuteqarfissaq kingulleq 27. februar 2025
Atorfik pillugu oqaloqateqarnerit ingerlaavartumik ingerlanneqassapput.
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput. Atorfinittussaq suliassanut naleqquttoq nassaarineqarpat, atorfinittussaq specialkonsulentitut atorfinitsinneqarsinnaavoq.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.