sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

2 Psykologer til familiecenter Qaqortoq

Kommune Kujalleq

Qaqortoq
Ikkunneqarpoq: 11-05-2021
Piffissaq atuuffissaa naassaaq: 01-06-2021
Suliffissamut ID normut: LJA-82083555
Atorfeqarnermi atugassarititaasut: Tamakkiisoq
Suliassaqarfik: Allaffik & allaffissorneq, Isumaginnittoqarfik, Meeqqat & inuusuttut, Peqqinnissaq

Qaqortumi Ilaqutariinnut Sullissivik psykologissarsiorpoq

Meeqqat, inuusuttut angajoqqaallu ikiuinikkut iliuuseqarfiginissaannut kajumissuseqarpit?  Angusaqaqataallutit suleqataarusuppit?

 

Qaqortumi Ilaqutariinnut Sullissivik marlunnik psykologissarsiorpoq juulip aallaqqaataa 2021 aallarnerfigalugu sulilersinnaasunik imaluunniit isumaqatigiissuteqarnikkut.

 

Atorfik pillugu:

Kommune Kujallermi Ilaqutariinnut Sullissivimmi pingaarnertut nalaassinerlunnerit kingunerluutaannik (traumer) suliaqakkajuttarput, soorlu kinguaassiutitigut kanngutsaatsuliorfigitissimanerit, nakuusernerit, sumiginnagaanerit kiisalu imminut toquttoqarsimatillugu kingunerluutaannik suliaqarnerit. Pisut kingunerini Ilaqutariinnut Sullissiviup qulakkiigassaraa ilaqutariit tapersersorlugillu aqqutissiuunnissaat. Tamatuma saniatigut Ilaqutariinnut Sullissivik pinaversaartitsinernik suliaqarput, matumani ilaqutariit naartulernermiit tapersersorneqarnerat.

 

Psykologitut suliassatit:

  • Meeqqat, inuusuttut angajoqqaajusullu sullinneqarnissaat aaqqissorlugu, ilaqutariillu tamarmiullutik katsorsarneqarnissaannut tamaat isigalugu aaqqissuunneqarnissaa qulakkeerlugu.
  • Oqaloqatigiinnikkut, tarnikkut misissuinerit aammalu meeqqap inuusuttuaqqallu pinnguarnerani misigisimasaanit qanoq misigissutsikkut artorsartigineranik misissuineq.
  • Katsorsaanerit ingerlanneqarnerat, matumani attaveqaatitigut/isiginnaarutikkut katsorsaanerup ingerlanneqarnera.
  • Kommunip ikiuigasuartartuini peqataaneq, immikkut pisoqarsimatillugulu tarnikkut ikiueqqaarneq. Tamanna illoqarfinni allani imaluunniit nunaqarfinni pisinnaammat angalanissaq pisinnaavoq.
  • Sullissinermi ulluinnarni suliassanik ataqatigiissaarineq suliakkiinerlu.
  • Suleqatinik ilaqutariinnillu pikkorissaanerit.
  • Sulisunut suliamut attuumassutilinnut siunnersueqateqartitsineq.

 

Ilinnut neqeroorutigisinnaasavut:

  • Suliffik pissarsinartoq, avitseqateqarfiusoq pissanganartorlu.
  • Nalaassinerlussimanermi tarnikkut kingunerlutsitsinerit (traumer) pillugit itinerusumik paasisassarsiorneq ilisimasaqalernerlu.
  • Piginnaasaqarnerulerneq, aammalu suliassaqarfiup iluani ilinniaqqinnissamut atorfik periarfissalik, matumani oqaloqatigiinnikkut oqilisaavigitinneq (supervision).  Ukiut pingasut ingerlaneranni akuerisatut allagartartaarnissat periarfissaavoq.  
  • Suliffik ulluinnarsiorpalaartoq qiimasaarfiusorlu.
  • Suliffimmi psykologit, ilaqutariinnik katsorsaasut inuusuttunullu siunnersortit suleqatigiipput.

 

Pingaartipparput illit:

  • Cand.psych.-itut imaluunniit can.pæd.psych.-itut ilinniagaqarsimanissat, akuerisatut allagaqartarsinnaanissat, kisianni piumasaqaataanngilaq.
  • Saaffigiuminartuunissat, Ilaqutariinnullu Sullissivimmut saaffiginnittunut tutsuiginassuseqartumik attaviginnissinnaanissat.
  • Suleqatit akornanni suliassat tungaatigut assigiinngitsutigut avitseqatigiinnissaq pingaartikkit.
  • Ilaqutariinnut Sullissivimmi ineriartortitseqataarusussuseqartutit suliassaqarfimmillu siunnersortitut inissisimanerit ilorrisimaarutigissagit.
  • Nammineersinnaassuseqartutit suleqatigiinnilu suleqataasinnaallutit.

 

Akissarsiat atorfeqartitaanermilu atugassarititaasut:

Atorfik una inatsimmut meeqqanik pinerliisimannginnermut uppernarsaammik pissarsinissamik pisussaatitaanermut tunngasumut ilaatinneqarpoq. Inatsit naapertorlugu kommunip pinerliisimannginnermut uppernarsaatip tigunerata kingorna aatsaat atorfinititsisoqarsinnaavoq.

Atorfinitsitassamik toqqaaniarnermi meeqqanik pinerliisimannginnermut uppernarsaat kommunimi naliliinermut ilaatinneqassaaq.

 

Akissarsiat atorfinitsitaanermilu atugassarititaasut Naalakkersuisut kiisalu tarnip pissusaanik ilisimasallit danskit peqatigiiffiata akornanni isumaqatigiissutaannut naapertuuttumik ingerlassapput.

 

Atorfininnermut atatillugu inissannik tunineqarsinnaavutit, tassunga tunngatillugu inimut qularnaveeqqusissut, inimut akiliut, ilaallu ilanngullugit sukkulluunniit inatsisit atuuttut naapertorlugit akiliissallutit, soorluttaaq atorfininnermi angalanermut nuunnermullu aningaasartuutit sukkulluunniit malittarisassat atuuttut naapertorlugit kommunimit akilerneqassallutik, minnerpaamillu ukiut pingasut atorfeqareernerup kingorna atorfimmiit soraarnermi angalaneq pigisallu nuunneri sukkulluunniit malittarisassat atuuttut naapertorlugit kommunimit akilerneqassallutik.

 

Annertunerusumik paasisaqarusuppit?

Atorfik pillugu sukumiinerusumik paasisaqarusukkuit Qaqortumi Ilaqutariinnut Sullissivimmi pisortaagallartoq Sofie Hoffmeyer attavigiuk, mail soho@kujalleq.gl oqarasuaat +299 64 54 22. Imalt. psykolog Henriette Norman Hansen, mail henh@kujalleq.gl aamma oqarasuaat +299 64 54 24. Eqqaamallugu Danmarkimi nal. 12.00-inngoraangat Kalaallit Nunaanni nal. 08.00-inngortarmat.

 

Oqaloqatiginninnerit sapaatit akunnera 22-issaanni ingerlanneqarumaarpoq. 

 

Paasissutissat pisariallit:

Qinnuteqaat pinerlussimannginnermut uppernarsaammik, ilinniakkanut suliffigisimasanullu uppernarsaammik, ilinniarnermut uppernarsaatinik, sulisitsisumit oqaaseqatinik allanillu PDF-filimut immiussanik ilallugu kommunip nittartagaatigut tunniunneqassaaq kingusinnerpaamik juunip aallaqqaataat 2021 imaluunniit uunga nassiunneqassalluni:

 

Kommune Kujalleq

Sulisoqarnermut Immikkoortortaqarfik

Postboks 514

3920 Qaqortoq

job@kujalleq.gl  

 

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia