Aasiaat - Inoqarfik søger en områdeleder

Kommune Qeqertalik tassaavoq kommune nutaaliortoq inoqarfinni kulturikkut aamma kiffartuussinikkut pisariaqartitsinermik aallaavilik.

Suliassaqarfiup INOQARFIK-ip aaqqissuunnissaanut sapiissuseqarpit?

Innuttaasut sullinneqarnerat pitsanngorsarusuppiuk, aqutsinermik misilittagaqarpit kiisalu assigiinngitsorpassuarnik ataatsikkut ingerlataqarneq nuannaraajuk?

Ilisimasat tapertariisillugit suleqatigiinnermut innuttaasoq qitiutillugu avatangiisinik pilersitseqataarusuppit

Taava immaqa atorfik ilinnut soqutiginarpoq.

Suliassaqarfik INOQARFIK Aasianni aqutsisumik ulloq 1. januar 2024 imaluunniit isumaqatigiissuteqarnikkut atorfinittussamik pissarsiorpoq.

Illoqarfimmi pisortaq qaninnertut pisortarissavat.

Suliassat akisussaaffigisassallu ilaatigut makkuussapput:

·Suliassaqarfimmi INOQARFIK-mi ataqatigiissaarineq aamma aqutsineq

·Suliassaqarfimmi INOQARFIK-mi innuttaasunik sullissinermik eqaallisaaneq

·Kommunip teknikkeqarnikkut, ingerlatsinikkut, sanaartornikkut aamma inuussutissarsiornikkut immikkoortortaqarfii

·Suliniutinik tigussaasunik aallartisaaneq, suliarinninneq tamaallu isigalugu ataqatigiissaarisuuneq

·Sullissivimmi suleqatigiinnik nutaanik ilusilersuineq aamma pilersitsineq

·Aasianni kiisalu nunaqarfinni Ikamiut, Akunnaami Kitsissuarsunnilu suliassaqarfinni aningaasaqarnikkut aqutsineq

·Suliassaqarfinni INUIT AAMMA TIMI TARNILUMIK ilisimasat tapertariisillugit suleqateqarneq

Piginnaasassatit:

·Akisussaaffeqarfiup iluanut attuumassuteqartumik qaffasinnerusumik ilinniagaqarneq

·Pisortat suliffeqarfiutaanni aqutsinermik misilittagaqarneq

·Suliassanik arlaqarnerusunik ataatsikkut ingerlatsisinnaaneq

·Suleqatikkuminartoq

·Aalajaatsuuneq

·Suleqatinik kaammattuineq aamma ilitsersuineq

·Pisuni ulapaarfiusuni tamakkiisumik isiginnissinnaassuseqarputit

·Innuttaasunut aamma suleqatinut pitsaasumik attaveqarneq

Akissarsiat aamma atorfininnermi atugassarititaasut:

Akissarsiat atorfinitsitaanermilu atugassarititaasut atorfininnerup nalaani Naalakkersuisut kattuffiullu isumaqatigiinniartussaatitaasup akornanni isumaqatigiissutit atuuttut naapertorlugit aaqqinneqassapput.

Pinerliisimannginnermut uppernarsaat:

Atorfik inuttassarsiuussarput pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommunip Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Inissaq:

Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: ini@ini.gl.

Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu A-skat sulitilluni ajunngittorsianut akileraartoqartassaaq inatsit atuuttoq naapertorlugu.

IMALUUNNIIT Qaqugukkut atorfik aqqutigalugu inissamik tunisinnissaq apeqqutaalluni atorfimmi aallartinnissaq aaqqinneqarsinnaavoq. Malittarisassat atuuttut malillugit atorfininnermi angalanermut akiliussisoqassaaq aamma pequtit assartorneqarnerat akilerneqassaaq.

Atorfeqarnerup uninnerani, atorfik aqqutigalugu inissiaq qimanneqassaaq.

Atorfik pillugu paasissutissat sukumiinerusut illoqarfimmi pisortamut Arne Sandgreen Reimer-mut oqarasuaat 70 19 00 imaluunniit e-mailikkut asre@qeqertalik.gl attavigiuk.

Qinnuteqarneq:

Qinnuteqaatinik mail-ikkut allakkatigullu tigusineq ajorpugut.

Qinnuteqaatit nassiuguk, CV ilinniarsimanermut pikkorissarsimanermut uppernarsaatit, kiisalu oqaaseqaatit assigisaallu. 

”Atorfik una qinnuteqarfigiuk” toorlugu ikkunneqassapput.

Qinnuteqaatit nassiunnerini ajornartorsiuteqaruit hr@qeqertalik.gl attavigiuk.

Qinnuteqaatissat tigunissaanut qilanaaraarput.