sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Aasiaat - Inoqarfik Sullissivik Kontorfuldmægtigissarsiorpoq

Kommune Qeqertalik

Aasiaat
Ikkunneqarpoq: 17-04-2024
Piffissaq atuuffissaa naassaaq: 08-05-2024
Suliffissamut ID normut: LJA-85439439
Atorfeqarnermi atugassarititaasut: Tamakkiisoq
Suliassaqarfik: Allaffik & allaffissorneq

Kommune Qeqertalik Aasiaat Inoqarfik, innuttaasunik sullissivimmi kontorfuldmægtigimik pissarsiorpoq. Inunnik sullissinermik nuannarisaqaruit kommunillu nutaap ineriartortinneqarneranut peqataanissamut piumassuseqaruit atorfik kontorfuldmægtig-tut 1. Juni 2024 imaluunniit isumaqatigiissuteqarnikkut inuttassarsiuunneqarpoq.


Kontorfuldmægtig-tut suliaqarnermi makku suliarineqartassapput:

·Innuttaasut saaffiginnittut eqqortumik pilertortumillu sullinneqarnissaat.

·Meeqqanut akilersuutinik suliarinninneq.

·Aalisarnermut, piniarnermut Inuussutissarsiutinullu suliassaqarfimmik suleqataaneq

·mitID-taarniartunut sullissineq.

·Sullissiviup suliassaataanik suliaqarneq, soorlu makkunannga:

  • paaqqinnittarfiit; paaqqinnittarfimmiilerneq aamma paaqqinnittarfimmiikkun-naarnermik nalunaaruteqarnerit aamma utaqqisut allattorsimaffiannik suliaqarneq.
  • allattorsimaffiat; qarasaasiami aaqqissuussamut paasissutissanik immiussuineq, nuunnerit, inunngortut aamma toqusut il.il.
  • tapii aamma inatsisit tunngaviusut malinnaatillugit nutartertarlugit.
  • akuersissutit.
  • Anartarfinnut nalunaarutinik suliaqarneq.
  • assigiinngitsunik ilisimasaqarneq; meeqqanut akilersuutit, ineqarnermut tapit, inuit allattorsimaffiinut nalunaarneq il.il.
  • Akiligassanik qarasaasiakkut suliaqarneq ERP


Piginnaasassat:

·Allaffissornermik / HK-mik ilinniagaqarsimasoq.

·www.sullissivik.gl – imik ilisimasaqarluarneq; nittartakkami paasissutissat qanoq atorneqarnissaannik ilisimaarineqassaaq.

·Naatsorsuuserivimmi misilittagaqarneq iluaqutaasinnaavoq.

·Suleqatiginnillaqqinneq, akisussaassuseqarneq kiisalu innuttaasunik sullisserusussuseqarneq.

·Marluinnik oqaaseqartutit, kalaallisut aamma danskisut.

·Aalajaatsuuneq.

·Suleriaatsinik nutaanik ilikkarusussuseqarneq.


Akissarsiat atorfeqartitaanermilu atugassarititaasut:

Akissarsiatigut atorfininnermilu atugassarititaasut isumaqatigiissut atuuttoq naapertorlugu pissapput.

Inissaq:

Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: ini@ini.gl.

Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu A-skat sulitilluni ajunngittorsianut akileraartoqartassaaq inatsit atuuttoq naapertorlugu.

IMALUUNNIIT Qaqugukkut atorfik aqqutigalugu inissamik tunisinnissaq apeqqutaalluni atorfimmi aallartinnissaq aaqqinneqarsinnaavoq. Malittarisassat atuuttut malillugit atorfininnermi angalanermut akiliussisoqassaaq aamma pequtit assartorneqarnerat akilerneqassaaq.

Atorfeqarnerup uninnerani, atorfik aqqutigalugu inissiaq qimanneqassaaq.


Pinerliisimannginnermut uppernarsaat:

Atorfik inuttassarsiuussarput pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommunip Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.


Atorfik pillugu erseqqinnerusumik paasissutissat Sullissivimmi aqutsisumut Kristine S. Gedionsenip mailianut saaffiginnilluni pissarsiarineqarsinnaapput: ksan@qeqertalik.gl –imut imaluunniit oqarasuaat: 38 70 34 atorlugu saaffiginnilluni pissarsiarineqarsinnaapput. 


Qinnuteqarneq:

Qinnuteqaatinik mail-ikkut allakkatigullu tigusineq ajorpugut.

Qinnuteqaatit nassiuguk, CV ilinniarsimanermut pikkorissarsimanermut uppernarsaatit, kiisalu oqaaseqaatit assigisaallu. 

”Atorfik una qinnuteqarfigiuk” toorlugu ikkunneqassapput.

Qinnuteqaatit nassiunnerini ajornartorsiuteqaruit hr@qeqertalik.gl attavigiuk.

Qinnuteqaatissat tigunissaanut qilanaaraarput.


Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia