Innuttaasut pillugit immikkut iliuuseqarusussuseqarpit, sullissineq qaffasissumik pitsaassusilerusullugu, suleqatigiillu suliaminnik pimoorussilluartut pisortaaffigerusullugit? Taava Aasianni suliassaqarfik Inuini aqutsisutut atorfik ilinnut tulluarluinnarsimassaaq!

Suliassaqarfik Inuini aqutsisutut siuttussamik pikkorissumik takorluuisinnaassuseqarluartumillu Kommune Qeqertalik ujarlerpoq, suliassaqarfiup qitiusumik susassaqarfigai isumaginninnermut, ulluunerani paaqqinnittarfinnut, atuarfinnut, utoqqarnut allanullu tunngasut. Ineriartorneq, suleqatigiinneq kommunimilu ingerlatsineq naammassisaqarfiulluartoq, Aasianni aallaaveqarlutit pingaarnertut qulakkeerniassavat.

Atorfik pillugu

Suliassaqarfik Inuini aqutsisutut suliassaqarfik assigiinngisitaartunik pissanganartunillu suliassaqarfiusoq akisussaaffigissavat, makkuninnga ilaqartunik:

·Isumaginnittoqarfik

·Suli atualinngitsunut

·Atuarfiit

·Innarluutilinnut tunngasut

·Utoqqaat Illuat

·Najugaqatigiiffiit ornittakkallu

Qaninnertut sulisitsisorissavat Aasianni bychefi, aammalu illoqarfimmi aqutsisooqatigiinni ilaalissaatit. Atorfimmi piumasaqaataavoq, immikkoortortani aqutsisut allat, avataani suleqatigisat kommunilu akimorlugu suleqatit qanittumik suleqatigisinnaanissai. Peqatigitillugu aamma suliassaqarfiup iluani aningaasatigut aqutsineq pitsaassutsimillu qulakkeerinninneq akisussaaffigissavatit Aasianni nunaqarfittaanilu ilanngullugit ukunani: Akunnaaq, Ikamiut aamma Kitsissuarsuit.

Atorfimmut pingaarutilittut ilaavoq innuttaasunik sullissinerup nukittorsarnissaa, suleqatigiiaanik ataqatigiissaarineq, aammalu inunnik isumaginninnerup iluani suliassat eqqortumik piffissarititaasullu iluani suliarineqartarnissaasa qulakkeernissai.

Akisussaaffissatit

·Suliassaqarfik Inuini aqutsineq ataqatigiissaarinerlu.

·Innuttaasunut sullissinermi neqeroorutinik nutaanik ineriartortitseqqinneq aamma pilersitsineq.

·Suliassaqarfiup iluani aningaasatigut aqutsineq aamma malinnaanermik qulakkeerinninneq.

·Inunnik isumaginninnerup iluani sulianik pisortaqarfinnullu attuumassuteqartunut suliat pitsaassusiinik qulakkeerinninneq.

·Suliassaqarfinni allani aqutsisut suleqatinillu avataaneersunik akimuilluni suleqateqarneq.

·Aasianni illoqarfimmi aqutsisooqatigiinnut peqataaneq.

Ilinnit naatsorsuutigisagut

Sulianut tunngasutigut piginnaasat

·Naleqquttumik qaffasissumik ilinniagaqarsimanissaq imaluunniit pisortat ingerlatsiviini aqutsinermik misilittagaqarluarnissaq.

·Pisortat ingerlatsiveqarfiini aqutsinermi inatsisit tunngavissat pillugit sukumiisumik ilisimasaqarnissaq, inunnik isumaginninnermut tunngasut ilanngullugit.

·Aningaasaqarneq pillugu aqutsinermik siunnerfilimmillu pilersaarusiortarnermik misilittagaqarneq.

Inuttut piginnaasat

·Nukittuumik suleqatigiinnissamut aamma attaveqaqatigiinnissamut piginnaasaqarnissaq.

·Tamakkiisumik isiginnissinnaanermik piginnaasaqarnissat aamma ulluinnarni pisoqarfiujuartumi pingaarnersiuisinnaanissat.

·Angusaqarnissamik pingaartitaqarnissaq aamma aaqqiissuteqarnissanik ukkataqarnissat.

Pineqaatissinneqarsimannginnermut meeqqanillu pinerliisimannginnermut uppernarsaatit:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu pinerluuteqarsimannginnermut meeqqanillu pinerluuteqarsimannginnermut uppernarsaat naammaginartoq kommunimit tiguneqareerpat, aatsaat atorfinittoqarsinnaavoq.

Meeqqanik pinerliisimannginnermut uppernarsaat kommunimit piniarneqassaaq pineqartup akuersissuteqarneratigut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq HR-imullu saqqummiunneqassalluni.

Neqeroorutigaagut:

·Pisortatut atorfik namminersorsinnaaffiulluartoq akisussaaffeqarfiusorlu.

·Isumaginnittoqarfimmik ineriartortitsinissamut sunniuteqarnissamut periarfissaqarluarpoq

·Suliffik pikkorissunik pimoorussisunillu sulisulik

·Aqutsisoqatigiinnut nukittuujusumut ilaalernissamut periarfissalik

·Kommunip immikkoortortaqarfiinik, suliamik ataqatigiissaarisunik immikkullu inunnik isumaginninnermut ilisimasalinnik qanittumik siunersioqateqarsinnaaneq, taakkunanngalu ikorfartorneqarsinnaaneq.

·Aqutsisutut ineriartoqqinnissamut ilitsersuisoqarnissamut periarfissalik

·Atorfik akissaatit allassimaffianni lønramme 38-mi, fagchef niveau 2-mi inissisimavoq akissarsiat tamakkiisut ukiumut 718.873 kr.-iullutik (pr. 1. april 2024).

Ineqarneq:

Inissiamik atorfimmut atasumik innersuussisoqarsinnaavoq, taavalu Namminersornerullutik Oqartussat kommunillu Kalaallit Nunaanni illuutaanik attartornermut malittarisassat qaqugukkulluunniit atuuttut naapertorlugit sillimmatinut, ineqarnermut, atuinermut il.il. akiliisoqartassalluni. Ineqarnermut, tassunga ilanngullugu atuinermut tunngasut pillugit annertunerusumik paasisaqarusukkaanni, paasissutissat uani takuneqarsinnaapput: www.ini@ini.gl Atorfininnermut atatillugu sulisorisanut inissiamik ataavartumik atugassiisoqarsinnaanngippat sulisunut utaqqiisaasumik inissiamik innersuunneqarsinnaatitaasunut utaqqiisaasumik inissiamik neqerooruteqartoqassaaq, tamatumani ineqarnermut akiliut, atuineq il.il. aamma ajunngitsorsiassat sorliit akileraarutaasarnersut, siuliani allassimasut naapertorlugit akilerneqartassallutik.

Paasissutissat sukumiinerusut:

Paasissutissanik amerlanerusunik pissarsiniarfigisinnaavat illoqarfimmi pisortaagallartoq Arrutaq (+299) 38 70 52 -mut imaluunniit arru@qeqertalik.gl-imut.

Aasiaat pillugu:

Kommune Qeqertaliup qitiusumik allaffeqarfia Aasianniippoq. Aasiaat tassaavoq Kalaallit Nunaanni illoqarfiit annerpaat tallimaattut inissisimasoq, kiisalu illoqarfik qeqertarpassuit pukkitsut akornata uummataanni qeqertatut inissisimavoq. Aasiaat Qeqertarsuup Tunuata kujasinnerusortaani qeqertamiippoq. Annertunerusumik ilinniarfeqarfittut, piorsarsimassutsikkut kiisalu nipilersornikkut Kalaallit Nunaanni sunniuteqarluartutut illoqarfiup Aasiaat tusaamaneqaatigai. Aasianniippoq Avannaani Ilinniarnertuunngorniarfik (GUX), illoqarfimmilu ukiut tamaasa aaqqissuussinerit angisuut tusaamaneqarluartut ilaat makkuupput: Midnight Sun Marathon aamma Nipiaa Rock Festival

Qinnuteqaat:

E-mail allakkalluunniit atorlugit qinnuteqaatinik tigusineq ajorpugut.

Qinnuteqaat nassiuguk, CV, ilinniarsimanermut pikkorissarsimanermullu uppernarsaatit, paasissutissallu allat pisariaqartut ilanngullugit, una toorlugu "atorfik qinnutigiuk"

Paasissutissat ilanngussassatit upload-ernissaa ajornartorsiutigigukku, taava una attavigiuk: hr@qeqertalik.gl

Qinnuteqaativit tigunissaa qilanaaraarput.