sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Aasiaat - Timi Tarni søger en fritidsinspektør

Kommune Qeqertalik

Aasiaat
Ikkunneqarpoq: 30-11-2023
Piffissaq atuuffissaa naassaaq: 26-12-2023
Suliffissamut ID normut: LJA-85139090
Atorfeqarnermi atugassarititaasut: Tamakkiisoq
Suliassaqarfik: Eqqumiitsuliorneq, kulturi & timersorneq, Aqutsineq, Allaffik & allaffissorneq

Kommune Qeqertalik Aasianni suliassaqarfik Timi Tarni Sunngiffimmi pisortassarsiorpoq

Kommune Qeqertaliup meeqqat atugaat pingaartittorujussuuaat ingammillu peqqissuseq, peqqinnartumik sammisassaqartitsinerit aamma sunngiffimmi kulturikkut sammisasaqartitsinerit immikkut aallutaralugit. Kommunip pingaartitaraa innuttaasut soqutigisaat, pisariaqartitaat innuttaasullu amerlassusiat aallaavigalugu naapertuuttunik sunngiffimmi atortorissaaruteqarnissaq. Nammineq kajumissutsimik suliniartarneq annertusarneqassaaq, inoqarfinnilu nukiit atorluarneqarnerussallutik. Timersornikkut, kulturikkullu atugassarititaasut ineriartortinneqartuassapput, matumani illoqarfinni aamma nunaqarfinni illup iluani silamilu atortorissaarutinik ineriartortitsineq, kiisalu timersoqatigiiffinnut timersortarfinnullu tapersersuineq.

Suliniarnermi tassani Timi Tarni qitiusumik inissisimavoq, ingammik kulturikkut- aamma sunngiffimmi sammisassaqartitsinermi. Ilaatigut peqatigiiffiit, timersorneq, peqqissuuneq, sunngiffmi atuartitsineq, fritidsklubbeqarneq, nipilersorneq aamma nipilersornermik sungiusartarfiit immikkut aallutaralugit. Timi Tarni suleqatinik qaninnerpaanik, peqatigiiffinnik, eqimattanik, inunnik ataasiakkaanik kajumissutsiminnik suliaqartunik, kommunimilu immikkoortortanik aamma suliassaqarfinnik allanik, innuttaasunik, kommunit- aamma komuniunngitsut sulliviutaannik, namminersorlutik suliffiuteqartunik kiisalu minngerunngitsumik innuttaasunik suleqateqarluni sammisassaaqartitsinernik aamma aaqqissuussinernik ingerlataqarnermut akisussaavoq.

Akisussaaffimmik pingaarutilimmik aamma pissanganartumik tigusinissamut sapiissuseqaarpiit aamma kajumissuseqarpiit? Aasianni Timi Tarni-mi suleqatigiinnut ilanngukkusuppiit?

Illit pingaarnertut suliassarisassatit akisussaaffigisassatillu tassaassapput:

Kulturikkut- aamma sunngiffimmi siuarsaanerit:

  • Inatsisartut inatsisat nr. 5 6. juni 2016-meersoq naapertorlugu kulturikkut- aamma sunngiffimmi suliaqarneq siuarsassallugu, matumani sunngiffimmi atuartitsinerit, fritidsklubbit aamma Aasianni nunaqarfiinilu meeqqanut- aamma inuusuttunut suliniaqatigiiffiit ilanngullugit.


Politikkikkut suleqatigiinnerit:

  • Poltikkikkut anguniakkat pillugit sulineq Timi Tarni-p akisussaaffeqarfigisai, kiisalu anguniakkat taakku tigussaasunngortinneqarneranni aamma sammisassaqartitsinernut piviusunngortinneqarnerannut peqataaneq.

Nakkutilliineq aamma ingerlatsineq.

  • Illoqarfimmi meeqqanut inuussuttuaqqanut inersimasunullu sunngiffimmi ilinniartitsineq piareersarlugulu nakkutigisarnissaa.
  • Nunaqarfinni meeqqanut inuussuttuaqqanut inersimasunullu sunngiffimmi ilinniartitsineq nakkutigisarnissaa.
  • Ungdomsklubbi nakkutigisaralugu.
  • Aasianni nunaqarfiinilu atuakkanik atorniartarfinnik nakkutilliineq.
  • Peqatigiiffiit illuutaata ingerlanneqarneranut aamma sammisasaqartitsinermut akisussaaneq
  • Nipilersornermut sdungiusartarfiup ingerlanneqarnerannut aamma sammisasssaqartitsinernut akisussaaneq.

Sulisut aamma Aqutsisut:

  • Qulaani suliassaqarfinni pisortanik atorfinitsitsiniissamut innersuussineq kiisalu pisortanut qaninnerpaamik pisortaaneq.
  • Sunngiffimmi ilinniartitsisussat atorfinitsittarnissaat.

Pilersaarusiorneq aamma ataqatigiissaarineq

  • Aasianni nunaqarfiinilu Timi Tarni-p ukiumut suliassaanik ilusilersuineq
  • Aasiaani pigisaannilu pinaveersaartisinermut pilersaarutip ilusilersorneranut pinaveersaartitsinermut ataatsimiititaliaq aamma pinaveersaartitsinermut siunnersorti peqatigalugit akisussaaqataaneq.
  • Inuiattut ullorsiornerup pilersaarusiornerannut aamma ingerlanneqarnerannut pilersaarusiorneq.
  • Kulturikkut susassaqartitsisarnerit innuttaasunullu paasissutissiisarnerit pilersaarusiornissaat ingerlanneqartarnissaallu.
  • Aaqqissuussinissanik saqqummiinerit.

Peqatigiiffilerineq

  • Peqatigiiffiit pillugit suliaqarnermi aamma timersornerup, kulturilerinerup aamma allatigut peqatigiiffilerinermi kajumissutsiminnik suliaqartunik aallussineq.
  • Suliassanik ingerlatsineq matumani ilaatigut peqatigiiffinnik nalunaarsuineq kiisalu peqatigiiffiit naatsorsuutaanik kukkunersiukkanik assigisaannillu tunniussaannik nakkutiginninneq.
  • Peqatigiiffinnut nutaanut aamma pioreersunut siunnersuineq aamma siunnersortitut ikiuunneq.
  • Peqatigiiffinni suliaqarneq, kajumissutsimik suliaqarnerit assigisaannullu pikkorissartitsisoqartarnera isumagalugit.

Missingersuutit aamma Aningaasaqarneq.

  • Nammineq suliassaqarfimmi missingersuutinik ilusilersuineq aamma nakkutilliineq.
  • Susassaqarfiit taaneqareersut uppernarsartarlugillu innersuunneqartarnissaat kommunip karsi- naatsorsuusiornermullu ilitsersuut naapertorlugu.

Assigiinngitsut:

  • Tapiiffigitinnissamut malittarisassat nutarternissaannut siunnersuutinik ilusilersuineq.
  • Timersornerup aamma peqatigiiffiit ineriartornerannut akisussaaneq.
  • Ingerlatsivimmi suleqatinik allanik peqateqarneq aamma suleqateqarneq.
  • Tapiiffigeqqulluni qinnutteqaatinut aamma qinnuteqaatinut allanik suliaqarneq.
  • Aqutsisut suliarigasuagassatut suliakkiussaannik suliaqarneq

Tassa taannaavoq inissisimaffik pissanganartoq aamma unammillernartoq, inuiaqatigiinni tigussaasunik allannguinissami piviusumik ilinnut periarfissaq.

Piginnaasat:

  • Ilinniagaq attuumassutilik: Ilinniagaq attuumassutilik, assersuutigalugu timersornerup, kulturip, perorsaanerup, aqutsinerup imaluunniit assigisasa iluini.
  • Peqatigiiffinni sulinermik misilittagaqartuunissaq Peqatigiiffinni aamma peqatigiiffiit pillugit sulinermi misilittagaqarneq, aamma kajumisutsimik suliaqarnerup pingaassusaanik paasinninneq.
  • Aqutsinermik misilittagaqarneq. Aqutsinermik misilittagaqarneq, ingammik oqartussani aqutsisutut.
  • Qaraasiarsornikkut piginnaasast: Qarasaasiarsornermi sakkunik aamma periutsinik misilittagaqarneq, matumani Microsoft Office-mik (Word, Excel, PowerPoint), e-mail aamma internet. Periutsinik nutaanik sukkasuumik ilikkarsinnaaneq.
  • Attaveqatigiinneq suleqatigiinnerlu: Soqutigisaqaqatigiinnik assigiinngitsunik attaveqarsinnaaneq aamma suleqateqarsinnaaneq, matumani suleqatit, peqatigiiffiit, innuttaasut aamma namminersorlutik suliffiutillit ilanngullugit.
  • Pilersaarusiorneq aaqqissuussaanerlu: Sammisassaqartitsinernut aamma aaqqissuussinernut pilersaarusiornissamut piginnaasaqarneq, kiisalu missingersuutinik ilusilersuineq aamma malitseqartitsineq.
  • Inatsisinut ilisimasaqarneq Inatsisinut attuumassuteqartunut ilisimasaqarneq, matumani Inatsisartut inatsisaat nr.5 6. juni-meersoq ilanngullugu.
  • Oqaatsit: Qallunaatut Kalaallisullu allassinnaallunga oqalussinaaneq. Pitsaasumik tuluttut piginnaasaqarneq iluaqutaassaaq.

Piumasaqaatit:

  • Ilinniartitaaneq: Piukkunneqartoq naleqquttunik ingerlaqqiffiusumik ilinniagaqarsimassaaq
  • Misilittakkat: Piukkunneqartoq peqatigiiffinnik suliaqarnermik misilittagaqassaaq, kiisalu kajumissutsiminnik suliaqarnerup pigaassusaanik paasisimasaqarneq. Aqutsinermik misilittagaqarneq, ingammik oqartussani aqutsisuunermik, taanna aamma piumasaqaaataavoq.
  • Attaveqatigiinneq suleqatigiinnerlu: Piukkunneqartoq soqutigisaqaqatigiinnik assigiinngitssunik attaveqallaqqissuulluni suleqateqallaqqisuussaaq.
  • Pilersaarusiorneq aaqqissuussaanerlu Piukkunneqartoq sammisassaqartitsinernut aamma aaqqissuussinernut pilersaarusiornissamut piginnaasaqassaaq, kiisalu missingersuutinik ilusilersuinermut aamma malitseqartitsinermut pikkorissuulluni.
  • Qaraasiarsornikkut piginnaasat: Piukkunneqartoq qarasaasiarsornermi sakkunik aamma periutsinik misilittagaqassaaq, matumani Microsoft Office-mik (Word, Excel, PowerPoint), e-mail aamma internet-imut atuinermut pitsaasuussaaq. Taanna periutsinut nutaanut sukkasuumik ilikkagaqarnissamut aamma naleqqusarnissamut piginnaasaqassaaq.
  • Inatsisinut ilisimasaqarneq Piukkunneqartoq inatsisinut attuumassuteqartunut ilisimasaqassaaq, matumani Inatsisartut inatsisaannut nr. 5-imut 6. juni-meersoq ilanngullugu.
  • Oqaatsit: Piukkunneqartoq kalaallisut aamma danskisut oqalussinnaallunilu allassinnaassaaq.
  • Inuttut piginnaasat: Piukkunneqartoq sapiilluni tunniusimallunilu najukkamini allannguinissamut piumassuseqassaaq. Taanna ulluni suliffiusut assigiinngitsorpasuarnik suliassartalimmi akunnaatsuulluni passussinaassaaq.

Akissarsiat aamma atorfeqarnermi atugassarititaasut: Atorfinitsinneqarnermi atugassarititaasunut Namminersorlutik Oqartussat Kalaallit Nunaannilu meeqqat atuarfiini ilinniartitsisut kattuffiat IMAK-ip allallu akornanni Isumaqatigissutaat 27. august 2014-imeersoq aamma Kalaallit Nunaanni Naalakkersuisut akornanni pingaarnertut isumaqatigiissutitut 28. oktober 1998-imi isumaqatigiissutaat atuuttoq. Atorfinittut tjenestemandisut atorfimminnit nuuttut isumaqatigiissutaat malillugu atorfeqartinneqaannassapput Sunngiffimmi pisortatut atorfik akissarsiat qaffariarfianni 33-mi inissisimavoq.

Ineqarneq: Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: ini@ini.gl.

Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu A-skat sulitilluni ajunngittorsianut akileraartoqartassaaq inatsit atuuttoq naapertorlugu.

Atorfeqarnerup uninnerani, atorfik aqqutigalugu inissiaq qimanneqassaaq.

Meeqqanik pinerliisimannginnermut uppernarsaat: Atorfik una meeqqanik pinerliisimannginnermut uppernarsaammik pisussaatitaaneq pillugu inatsimmut ilaatinneqarpoq. Taamaattumik naalagaaffiup politiivinit meeqqanik pinerliisimannginnermut uppernarsaammik naammaginartumik kommunimi pissarsisoqareerpat aatsaat atorfinitsitsisoqarsinnaasoq, erseqqissaatigineqassaaq.

Pinerlussimannginnermut uppernarsaat: Una atorfik pinerluuteqarsimannginnermut uppernarsaammik pissarsiornissamut piumasaqaatitaqarpoq. Inatsit naapertorlugu atorfinitsitsineq aatsaat pisinnaavoq meeqqamik pinerluuteqarsimannginnermut uppernarsaammik aammalu pinerliisimannginnermut uppernarsaammik kommune pissarsereerpat.

Atorfininneq pissaaq 1. januar 2024 isumaqatigiissuteqarnikkulluunniit Atorfik pillugu annertunerusumik paasissutissat immikkoortortami pisortamut Mikael Mansi Rasmussen-imut oqarasuaar 387092 imaluunniit Email mmr@qeqertalik.gl-imut aaneqarsinnaapput.

Qinnuteqarneq:

Qinnuteqaatinik mail-ikkut allakkatigullu tigusineq ajorpugut.

Qinnuteqaatit nassiuguk, CV ilinniarsimanermut pikkorissarsimanermut uppernarsaatit, kiisalu oqaaseqaatit assigisaallu. 

”Atorfik una qinnuteqarfigiuk” toorlugu ikkunneqassapput.

Qinnuteqaatit nassiunnerini ajornartorsiuteqaruit hr@qeqertalik.gl attavigiuk.

Qinnuteqaatissat tigunissaanut qilanaaraarput.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia