sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Aasiaat - Timi Tarni søger forebyggelseskonsulent

Kommune Qeqertalik

Aasiaat
Ikkunneqarpoq: 30-11-2023
Piffissaq atuuffissaa naassaaq: 26-12-2023
Suliffissamut ID normut: LJA-85139091
Atorfeqarnermi atugassarititaasut: Tamakkiisoq
Suliassaqarfik: Eqqumiitsuliorneq, kulturi & timersorneq, Allaffik & allaffissorneq

Suliassaqarfik Timi Tarni, Aasianni Pinaveersaartsitsinermut siunnersortimik pissarsiorpoq


Kommune Qeqertalik Pinaveersaartitsinermut siunnersortimik pikkorissumik tunniusimasumillu pissarsiorpoq, suliassaqarfimmi Timi Tarni Aasianni piaartumik isumaqatigiissuteqarnikkulluunniit atorfinittussamik. Pinaveersaartitsinermut siunnersorti Aasianni nunaqarfiinilu pinaveersaartitsinermut ataatsimiititaliamut allatsiussaaq, ulluinnarnilu sunngiffimmi sammisaqartitsinermut pisortaq qanimut suleqatigisassallugu. Ataatsimoorlutik pinaveersaartitsinermut peqqinnerulersitsisunillu suliniutinik suliaqassapput, ataqatigiissaarineq, malitseqartitsineq kiisalu avataanit suleqateqatitik peqatigalugit paasititsiniaallutik suliaqartassapput. Suliassanut pingaarnernut ilaavoq imminornissamik pinaveersaartitsineq kiisalu aanngajaarniutinik oorinoorajunnermillu atornerluinermik pinaveersaartitsineq.


Pinaveersaartitsinermut siunnersortip najukkami atuarfiit klub-ilu qanimut suleqatigisassavai, allallu suleqatigalugit atoqatigiinnermut tunngasunik atuartitsinernik aamma inuusanik suliniuteqarnernik isumaginnittassalluni.


Pinaveersaartitsinermut siunnersortip suliassaqarfii tassaapput Aasiaat nunaqarfiilu (Kitsissuarsuit, Akunnaaq aamma Ikamiut), Kommune Qeqertalimmilu pinaveersaartitsinermut siunnersortinik allanik suleqateqarnissaq periarfissaassaaq.


Atorfik piffissaq suliffiusussaq tamaat suliffiuvoq, aamma naatsorsuutigineqassaaq sammisaqartitsinernut atatillugu unnukkut sulisinnaasarnissaq. Qullersarisaq qaninnerpaaq Timi Tarni-mi suliassaqarfimmi aqutsisuuvoq.


Suliassat akisussaaffiillu pingaarnerit:


·Pinaveersaartitsinermut ataatsimiititaliaq peqatigalugu suliniutinik pinaveersaartitsisunik aamma peqqinnerulersitsisunik ineriartortitsineq aamma atuutitsilerneq.

·Pinaveersaartitsineq pillugu politikkikkut anguniakkanik suliaqarneq aamma taakkuninnga tigussaasumik iliuuseqarneq.

·Aasianni nunaqarfiisalu pinaveersaartitsinermut ataatsimiititaliaattut allattaaffigalugit.

·Akisussaaffeqarfiup iluani aningaasaateqarfinnut aamma aningaasaliissutinut immikkoortitanut qinnuteqarneq.

·Suliniutinik pinaveersaartitsisunik siuarsaanissamut avataanit suleqateqarnerit, atuarfinnik, klub-inillu suleqateqarneq.

·Pinaveersaartitsilluni suliniutinik sammisaqartitsinernillu ataqatigiissaarineq aamma malitseqartitsineq.

·Allat suleqatigalugit atoqatigiinnermut tunngasunik atuartitsineq aamma inuusanik suliniuteqarnernik isumaginninneq.

·Suliassat takkussuuttut


Piginnaasat:


·Ilinniagaq attuumassutilik: Naapertuuttumik ilinniarsimanissat, soorlu assersuutigalugu pinaveersaartitsinermut, isumaginninnermut, perorsaanermut, tarnip pissusaanut, peqqinnerulersitsisunik suliniuteqarnernik tunngasumik assigisaanilluunniit.

·Pinaveersaartitsinermut peqqinnerulersinissamullu tunngasunik siuarsaanernik misilittagaqarneq: Pinaveersaartitsinermik aamma peqqinnerulersitsilluni suliaqarnermik misilittagalik, matumani imminnornissamut pinaveersaartitsineq kiisalu aanngajaarniutinik aamma oorinoorajunnermik atornerluinermik pinaveersaartitsinermut.

·Suliniummik aqutsineq: Suliniummik aqutsinermik misilittagalik, matumani iliuusissatut pilersaarutinik aamma politikkinik ineriartortitsineq aamma atuutitsilerneq.

·Suleqateqarsinnaaneq: Soqutigisaqartunik assigiinngitsunik qanimut suleqatiginnissinnaaneq, matumani suleqatinik, avataannit, atuarfinnik aamma klub-inik suleqateqarneq.

·Qarasaasialerinikkut piginnaasat: Qarasaasialerinikkut atortunik aamma systeminik atuinermut ilisimasaqarneq, matumani Microsoft Office-pakken (Word, Excel, PowerPoint), e-maili aamma internetsi. Systeminik nutaanik sukkasuumik ilikkagaqarsinnaassuseqarneq.


Piumasaqaatit:


·Ilinniartitaaneq: Qinnuteqartussaq naapertuuttumik ilinniarsimanissat, soorlu assersuutigalugu pinaveersaartitsinermut, isumaginninnermut, perorsaanermut, tarnip pissusaanut, peqqinnerulersitsisunik suliniuteqarnernik tunngasumik assigisaanilluunniit.

·Misilittakkat: Qinnuteqartussaq pinaveersaartitsinermik aamma peqqinnerulersitsilluni suliaqarnermik misilittagaqassaaq matumani imminnornissamut pinaveersaartitsineq kiisalu aanngajaarniutinik aamma oorinoorajunnermik atornerluinermik pinaveersaartitsinermut.

·Suliniummik aqutsineq: Qinnuteqartussaq suliniummik aqutsinermik misilittagaqassaaq, matumani iliuusissatut pilersaarutinik aamma politikkinik ineriartortitsinermik aamma atuutitsilernermik.

·Suleqateqarsinnaaneq: Qinnuteqartussaq soqutigisaqartunik assigiinngitsunik qanimut suleqateqarsinnaassaaq, matumani suleqatinik, avataannit suleqatinik, atuarfinnik aamma klub-inik suleqateqarnermi.

·Qarasaasialerinikkut piginnaasat: Qinnuteqartussaq qarasaasialerinikkut atortunik aamma systeminik atuinermut ilisimasaqassaaq, matumani Microsoft Office-pakken (Word, Excel, PowerPoint), e-maili aamma internetsi. Qinnuteqartussaq sukkasuumik systeminut nutaanut ilikkagaqarsinnaassuseqassaaq aamma nalimmassarsinnaassuseqassaaq.

·Oqaatsit: Qinnuteqartussaq kalaallisut qallunaatullu oqalussinnaallunilu allassinnaassaaq.


Inuttut piginnaasat:


Qinnuteqartussaq tunniusimassaaq, akisussaassuseqassaaq, aamma inuiaqatigiinni allannguinissaminut piumassuseqassaaq. Qinnuteqartussaq eqinnaattuussaaq, aamma suliffimmi suliassanik assigiinngitsorpassuarnik isumaginnissinnaassuseqassalluni.


Ukua neqeroorutigaavut:

Suliffik unammillernartoq imarisassaanik sunniuteqarfigineqarsinnaasoq suliffeqarfimmilu ineriartortinneqartumi allanngoriartortumilu namminersorluni akisussaaffeqartitsingaatsiartoq. Suliffinnut suliffimmullu patajaatsumik iseriartuaartitsinissaq pingaartipparput aamma suliffiup iluani silaannaap pitsaasuunissaanik qulakkeerinnittarpugut aqutsisut qanimut oqaloqatigittarnerat kiisalu sulianik aallartitsinissamut isumassarsiornissamullu inissaqartitsineq aqqutigalugit.

Akissarsianut atorfinitsitaanermilu atugassarititaasut:

Atorfininnermi atugassarititaasut, tamatuma ataani akiliunneqarluni atorfininnermut atatillugu angalaneq kiisalu pigisat assartorneqarnerat, Naalakkersuisut Kattuffiullu isumaqatigiinniarsinnaatitaasup akornanni isumaqatigiissutit atuutsinneqartut naapertorlugit atorfinitsitsisoqassaaq.

Atorfinitsitsineq qaammatini pingasuni misiliutaaqqaassaaq.

Inissiaqartitsineq: naamik

Pineqaatissinneqarsimannginnermut meeqqanillu pinerliisimannginnermut uppernarsaatit:

Atorfik taanna pineqaatissinneqarsimannginnermut inatsimmi nalunaarsimanermi uppernarsaammik tunniussaqarnissamik pisussaatitaaffeqarpoq. Inatsit naapertorlugu Kommune pineqaatissinneqarsimannginnermut aamma meeqqanut pinerliisimannginnermut uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput Kommunip uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitiinit, aammalu pineqaatissinneqarsimannginnermut uppernarsaat Politiinit tiguneqarpat atorfininnissaq inissinneqassammat.
Meeqqanik pinerliisimannginnermut uppernarsaat Kommunimit piniarneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Atorfik pillugu paaissutissat sukumiinerusut suliassaqarfimmi aqutsisumut Mikael Mansi Rasmussen oqarasuaataatigut 387092 imaluunniit mailiatigut attavigalugu pissariarineqarsinnaapput mmr@qeqertalik.gl.

Qinnuteqarneq:

Qinnuteqaatinik mail-ikkut allakkatigullu tigusineq ajorpugut.

Qinnuteqaatit nassiuguk, CV ilinniarsimanermut pikkorissarsimanermut uppernarsaatit, kiisalu oqaaseqaatit assigisaallu. 

”Atorfik una qinnuteqarfigiuk” toorlugu ikkunneqassapput.

Qinnuteqaatit nassiunnerini ajornartorsiuteqaruit hr@qeqertalik.gl attavigiuk.

Qinnuteqaatissat tigunissaanut qilanaaraarput.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia