Aasiaat - Timi Tarni sunngiffimmi sukisaarsaartarfik Igdlo klub sisamanik sulisussarsiorpoq

Aasianni suliffimmut pissanganartumut sunngiffimmi sukisaarsaartarfik Igdlo klubbimut meeqqanik inuusuttuaqqanik inuusuttunillu sammisassaqartitsiviusumi, sisamanik atorfinittussarsiorpoq.

Meeqqanut inuusuttuaqqanut inuusuttunullu sullissinissamut piumassusilik suliassanullu tunniusimasumut ulloq 15. Februar 2025 sulilertussanik sisamanik pissarsiorpugut, sapaatip akunneranut 40-tiimit suliffingineqartussami qaammammulittut, akunnermusiaqarnissamillu periarfissalimmut akissarsiaqartinneqartussanik.

Qaninninertut Timi Tarni Igdlo klub aqutsisoq saaffissaavoq.

Pingaarnertut suliassat:

·Meeqqanik inuusuttuaqqanik inusuuttunillu sammisassaqartitsineq, angallassisinnaanerit

·Meeqqat inuusuttuaqqat inuusuttullu sunneeqataaffigissavatit.

·Suliffik ineriartorfiusinnaasoq.

·Klubbip aqutsisuanik Klubrådenillu suleqateqarneq.

·Timi Tarnimi suliaqarfiit assigiinngitsut suleqataaffigineri.

 Ilinnut piumasaqaatit / piginnaasatit 

·Tulluartumik ilinniagaqarsimaneq iluaqutaassaaq, piumasaqaataanngilarli

·Meeqqanik, inuusuttuaqqanik inuusuttunillu sullitaqarnermik misilittagaqassasutit.

·Ualikkut unnukkullu nikerartumik sulisinnaassasutit

·Meeqqanut inuusuttuaqqanut inuusuttunullu pitsaasumik tamakkiisumillu sullissisinnaassasutit, kiisalu aalajaatsuussasutit.

·Peqataalluartuussasutit nutaanillu aallartitsisinnaassuseqarlutit.

·Suleqatikkuminartuussasutit.

·Qiimasoq

·Suliffimmut aalajaattoq, akisussaassuseqartoq, tunniusimasorlu

·Attaveqallaqqissoq

Atorfimmut ilitsersuunneqarnissamik neqeroorfiginninneq

·Atorfimmut ilitsersuunneqarnissat isumagineqassaaq

·Timi Tarnilu suliaqarfiit assigiinngitsut suleqataaffiginissaat piareersimaffigissagit

·Kulturimik inunnillu paasinnillaqqissuuneq, amerlasuunik sullissaqarsinnaaneq eqqarsatigalugu

Aningaasarsiat atorfeqarnermilu atugassarititaasut

Akissarsiat atorfeqarnermilu atugassarititaasut, atorfeqarnermi isumaqatigiissut SIK isumaqatigiissutaat,  imaluunniit alla isumaqatiginninniarsinnaatitaasup isumaqatigiissutai atuuttut malillugit.

Atorfimmullu atatillugu inissaqartitsoqanngilaq.

Qaammatini pingasuni misiliutaasumik atorfinitsitsisoqassaaq

Meeqqanik pinerliisimannginnermut aammalu pineqaatissinneqarsimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.

Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Paasissutissat sukumiinerusut 

Atorfik pillugu paasissutissat amerlanerit Timi Tarni Igdlo klub aqutsisoq: Karen Thorleifsen, kath@qeqertalik.gl oqarasuaammulluunniit +299 89 47 82 aqqutigalugu pissarsiarineqarsinnaapput.

Qinnuteqarneq:

Qinnuteqaatinik mail-ikkut allakkatigullu tigusineq ajorpugut.

Qinnuteqaatit nassiuguk, CV ilinniarsimanermut pikkorissarsimanermut uppernarsaatit, kiisalu oqaaseqaatit assigisaallu. 

”Atorfik una qinnuteqarfigiuk” toorlugu ikkunneqassapput.

Qinnuteqaatit nassiunnerini ajornartorsiuteqaruit hr@qeqertalik.gl attavigiuk.

Qinnuteqaatissat tigunissaanut qilanaaraarput.