sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

AC-fuldmægtigimik Avatangiisinut Aningaasaateqarfimmi ataqatigiissaarisussamik

Namminersorlutik Oqartussat

Nuuk
Ikkunneqarpoq: 25-02-2021
Piffissaq atuuffissaa naassaaq: 23-03-2021
Suliffissamut ID normut: LJA-81760071
Atorfeqarnermi atugassarititaasut: Tamakkiisoq
Suliassaqarfik: Aatsitassanut suliassaqarfik

Ilisimatusarnermut Avatangiisinullu Naalakkersuisoqarfik
AC-fuldmægtigimik Avatangiisinut Aningaasaateqarfimmi ataqatigiissaarisussamik sulisussarsiorpoq

Kalaallit Nunaata mingutsinneqannginnerulernissaanut peqataarusuppit?

Ilisimatusarnermut Avatangiisinullu Naalakkersuisoqarfimmi Avatangiisinut Upalungaarsimanermullu immikkoortortaqarfik pikkorissumik suleqatissarsiorpoq avatangiisinut suliassaqarfimmut kissalaarfiginnittumut aammalu Kalaallit Nunaata mingutsinneqannginnerunissaanut peqataarusuttumik.   

Sullivik pillugu naatsumik
Avatangiisinut Upalungaarsimanermullu immikkoortortaqarfik Ilisimatusarnermut Avatangiisinullu Naalakkersuisoqarfimmut ilaavoq. Immikkoortortaqarfimmi sulineq avatangiisini pissanganartuni aammalu suliatigut unammilligassaqarfiusumi, ineriartornissamut periarfissaqarluartumik, ingerlanneqarpoq.

Avatangiisinut Upalungaarsimanermullu immikkoortortaqarfiup suliassaqarfinnut arlalinnut akisussaasuuvoq, ilanngullugu Avatangiisinut Aningaasaateqarfik, eqqagassalerineq, imeq imerneqarsinnaasoq, sinerissap qanittuani imaani avatangiisit, imikoornerit, VVM, poortuusersuutit, suliffeqarfiit immikkut mingutsitsiviusut, upalungaarsimaneq kiisalu nunani tamalaani avatangiisinut isumaqatigiissutinik arlalinnik ingerlatsivimmi aqutsineq. Immikkoortortaqarfimmi sulisorineqarput immikkoortortaqarfimmi pisortaq aammalu AC-fuldmægtigit 12-it.

Sullivimmi inussiarnersunik pikkorissunillu suleqateqalissaatit, persuarsiorfiunngitsumik attaveqatigiiffiulluni aammalu atugarissaarnissaq ineriartornissarlu annertuumik pingaartinneqarluni.

Suliassatit
Avatangiisinut Aningaasaateqarfimmi ataqatigiissaarisutut immikkoortortaqarfimmi eqqagassalerinermik suliaqartuni ilaassaatit, pingaarnertigut Naalakkersuisut 2020-2031-mut eqqagassalerinermut pilersaarutaata atuutsinneqarnissaa suliarineqarluni. Avatangiisinut Aningaasaateqarfik tassani pingaarutilittut ilaatinneqarpoq.

Avatangiisinut Aningaasaateqarfik pillugu annertunerusut atuarsinnaavatit uani: https://naalakkersuisut.gl/da/miljoefonden
Naalakkersuisut eqqagassalerinermut pilersaarutaat uani atuarsinnaavat: https://naalakkersuisut.gl/~/media/Nanoq/Files/Publications/Natur/Affaldshandlingsplan%202020-2031.pdf

Avatangiisinut Aningaasaateqarfimmi ataqatigiissaarisutut Avatangiisinut Aningaasaateqarfimmi allaffissornikkut aqutsisuussaatit aammalu qinnuteqaatit suliarisassallugit, Avatangiisinut Aningaasaateqarfik pillugu politikkikkut inassuteqaatit suliarisassallugit, suliniutinut qinnuteqaatinut neriorsuutit/itigartitsinerit suliarissallugit, suliniutit ingerlasorpassuit malinnaavigiuaannassallugit aammalu kommuninut, suliniutini qinnuteqartunut allanillu suleqatigisartakkanik ingerlaavartumik oqaloqatigiinnerni pilersitsiviulluartumik isumasioqataasassallutit.

Tamatuma saniatigut suliniutit atugassarititaasunut neriorsuutinik akuersinermi tunngavigineqartunut naapertuuttumik ingerlanneqarnersut qulakkeertassavat.

Piffissap suliffiusup minnerpaamik affaa Avatangiisinut Aningaasaateqarfimmut atortassallugu naatsorsuutigissavat. Piffissap sinnerani immikkoortortaqarfiup suliassaqarfiini allani akuutinneqarsinnaassaatit, taamaattoq pingaartumik eqqagassalerinermut suliassaqarfimmi.
 
Avatangiisinut Aningaasaateqarfimmi suliaqarneq siullermik pingaarnertullu ingerlatsinermi suliassaavoq, kisianni aamma Avatangiisinut Aningaasaateqarfimmut taamatullu suliassanut allanut tunngatillugu ineriartortitsinermi suliassanik suliaqartarnissaq periarfissaqarpoq.

Ataatsimut isigalugu ulluinnaat pissanganartuunissaat naatsorsuutigisinnaavat, amerlanertigut politikerit tungaanniit, innuttaasuniit imaluunniit kommuniniit saaffiginnissutit suut takkuttarnersut apeqqutaassalluni.

Suliassani allani illit assersuutigalugu eqqagassalerinermi aaqqiissutissanut pitsaasunut killissaliussanik suliaqartarnissat ilimanarpoq, ilanngullugu 2020-2031-mut Naalakkersuisut eqqagassalerinermut pilersaarutaat aammalu assersuutigalugu plastikkit pillugit suliniutissanut pilersaarutinut tassunga attuumassuteqartunut atuutsitsilernissap piviusunngortinnissaa.

Sulinermi Nalaakkersuisoqarfimmi immikkoortortaqarfiit allat aamma Namminersorlutik Oqartussani oqartussat allat kiisalu suleqatigisartakkat avataaneersut, pingaartumik kommunit aammalu kommunit ataatsimoorlutik eqqagassalerinermut ingerlatseqatigiiffiat ESANI A/S nalinginnaasumik suleqatigineqartarput.
 
Suliassani ilaatinneqarput:
 
Avatangiisinut Aningaasaateqarfimmi ataqatigiissaarineq aamma ingerlatsineq (50 % miss.)

Suliassani allani (50 % miss.) ilaatinneqarsinnaapput:
- Politikerinik sullissineq, ilanngullugit allakkianik, politikerit isummernissaannut tunngavissianik aamma politikkikkut oqariartuutinik suliaqarneq
- Kommuninut suliffeqarfinnullu siunnersuineq ilitsersuinerlu
- Inatsisinik, nalunaarutinik malittarisassanillu suliaqarneq iluarsaassisarnerlu
- Avatangiisinut suliassaqarfiup iluani ineriartortitsinermut suliniutit
- Paasissutissiinernut ilitsersuutinullu najoqqutassanik suliaqarneq
- Avatangiisinut suliassaqarfiup iluani ineriartortitsinermut suliniutit
- Pisortanik sullissineq

Naatsorsuutigisavut
Takorusupparput:
- Ingerlaqqiffiusumik ilinniagartuutut ilinniagaqarsimasutit, imaluunniit allatut naleqquttumik ilinniakkamik tunuliaqutaqartutit
- Avatangiisinut suliassaqarfimmut soqutiginnittutit ilisimasaqartutillu
- Suliassanik suliarinninnermik misilittagaqartutit
- Suliniutinik aqutsinermik misilittagaqartutit, ilanngullugu aamma aningaasaqarnikkut imaluunniit missingersuutinik malinnaasarneq
- Aaqqissuussaanermit politikkikkut aqunneqartumit misilittagaqartutit 
- Pisortani ingerlatsivimmit imaluunniit suliffeqarfimmit siunnersuisartumit misilittagaqartutit
- Oqaatsit ersarissut atorlugit ajornartorsiutinik pisariusunik paasissutissiillaqqissutit
- Suleqatiginnillaqqissuusutit kiisalu suliniutit siunnerfimmut ingerlassinnaagitit 
- Oqaatsitigut piginnaasaqarluartutit, ilanngullugit tuluttut, danskisut kalaallisullu
- Allattariarsornikkut pitsaasunik piginnaasaqartutit

Ataqatigiissaarisuuneq nuannaraat, ilanngullugu suliassanik suliarinninneq aamma ingerlatsineq. Tulleriissaartumik periaaseqarlutit aaqqissuussaasumillu periaaseqarputit,

Avatangiisinut aningaasaateqarfimmi suliniutinut tunngatillugu suliaqartunut attuumassuteqartunut isumaqatigiissutit malinnaaviginissaannik qulakkeerisumik. Aammattaaq suliassat suliarisavit politikkikkut eqqumaffigineqarnerat iluarisimaarsinnaassavat, aammalu tassunga ilaatillugu oqaatsit ersarissut atorlugit ajornartorsiutit pisariusut paasissutissiissutigisinnaassallugit.

Nammineersinnaanissat, aallussilluarnissat, sioqqutaaralutit periarsinnaasuunissat aammalu suliassanut taamatullu suleqatinut qiimasumik periartartuunissat pingaartipparput.

Aningaasarsianut atorfininnermullu tunngasut
Aningaasarsianut atorfininnermilu atugassarititaasut, ilanngullugit atorfininnermi soraarnermilu akiliunneqarluni angalanissaq aamma pequtit nuutinnissaat, Namminersorlutik Oqartussat aammalu kattuffiup pineqartup isumaqatiginninniarsinnaatitaasup akornanni isumaqatigiissut/sulisartut isumaqatigiissutaat atorfininnerup nalaani atuuttoq naapertorlugu pissapput. Piffissap suliffiusoq sapaatip akunneranut nalunaaquttap akunnerini 40-ni pissaaq.

Naalagaaffimmi tjenestemandit aammalu AC-nut isumaqatigiissutit arlallit malillugit atorfeqartut, ilaatigut DJØF aamma Finansministeriet akornanni isumaqatigiissut, Namminersorlutik Oqartussat ataanni atorfeqarnermut atillugu aningaasarsiaqaratik sulinngiffeqarnissamut pisinnaatitaapput. Indenrigsministeriet taamatuttaaq Namminersorlutik Oqartussat ataanni atorfininnermi aningaasarsiaqarani sulinngiffeqarnissaq pillugu qinnuteqaatinut akuersaartumik inissisimanissamik kommuninut aamma nunap immikkoortuinut innersuussivoq. Sulinngiffeqarnissaq pillugu aalajangersakkani aamma inunnut Namminersorlutik Oqartussat ataanni atorfinitsinneqartunut katissimallugu aappaasoq/inooqatigisaq pineqartunut ilaatinneqarput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Paasissutissat annertunerusut
Atorfik pillugu annertunerusunik paasisaqarusukkuit, immikkoortortaqarfimmi pisortaq Karen Anne Arleth attaveqarfigisinnaavat oqarasuaammut (+ 299) 34 54 65 

Qinnuteqaat
Qinnuteqarnissamut killiliunneqarpoq 22.03.2021
Ulloq atorfiniffissaq 01.05.2021
Oqaloqateqarnerit sapaatip akunneq 13-imi ingerlanneqassasut naatsorsuutigineqarpoq

 

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia