Account Manageri

Account Manager – Wholesale

Suliffeqarfinni sullitat internetimi paasissutissanillu sullisinissamik neqerooruteqartarnermut Tusassimi atuisut suleqatiginissaannut inummik nammineersinnaasumik piumassuseqartumillu pissarsiorpugut.

Aamma sullississutitta, atugassarititatta akigititattalu ingerlaavartumik ineriartortinneqarnerannut tapersiisassaatit. immikkoortoq Tusassip aningaasaqarneranut aningaasaliisarneranullu pingaartuuvoq aammalu Kalaallit Nunaanni internetimik ataatsimut isigalugu ineriartortitsinermut sunniuteqarluni.

Tamassuma saniatigut sulllitat anginerusut sullinnerannik suliassallu annertunerusunik suliarinerannik suliaqarsinnaassaatit.

Atorfik immikkoortortaqarfillu pillugit

Whosalemut immikkoortortaqarfimmut ilaavugut, kisiannili suliffeqarfimmi immikkoortortaqarfiit allat suleqatigalugit suliassagut suliarisarpagut. Wholesale ikittuinnarnik sullitaqarpoq, peqatigalutali ingerlatsinerat annertuvoq. Tusassip sinneranut taakku sinnerlugit suliaqartassaatit aammalu sukkasuumik suliamillu ilisimasaqarlutit siunnersuisarnermik sullissinermillu qulakkeerinnissallutit. Immikkoortunni nammineerlutit akisussaaffeqassaatit, ksiannili suleqatit piginnaasaqarluartut toqqaannartumik isumasiueqatigisinnaallugit. Ataqatigiissaarineq qulakkeertassavat immikkoortortaqarfinnilu allani Wholesalemut pingaaruteqartunik sullissisartuni arlalinni suleqatinut suliakkiisassallutit: Inniminniinernik suliaqartartut, ikkussuisartut, IT-mi teknikerit, suliniutinik aqutsisut, naatsorsuusiortut il.il.

Kinaanerit

Qanorpiaq ilinniagarsimanissat pingaarnerpaajunngilaq, kisiannili IT-mik/teknikkimik aningaasaqarnermillu piginnaasaqarputit. IT-mi attaveqartarfinnik immikkut ilisimasaqartariaqanngilatit, kisianni annertuumik alapernaatsuussaatit suliaqarfinnilu piginnaasaqarnerulernissamut piumassuseqassallutit.

Suliassanik ataqatigiissaarisarlutit pingaarnersiuisarlutillu ulluinnarni assigiinngisitaartunik suliaqarsinnaassaatit aammalu sullitat suleqativillu ilimasuutaat tulluarsarnissaat qulakkeertassallugu.

Suleqatiginnissinnaassuseqassaatit suliassallu aaqqissorsinnaallugit, taamaalilluni suleqativit piginnaasaat pitsaanerpaamik atorneqartassallutik. Akerlianik suut tamaasa nammineerlutit suliarerusunnerusarukkit atorfik una ilinnut tulluanngilaq.

Torersumik ingerlatsilersitsilertarneq periuseqarnerlu pingaartippatit. Sunniutikitsitsisarneq affaannermillu isumaqatigiissuteqartarnerit nuannarinngilatit taamaammallu suleriatsit sulianillu ingerlatsinerit pitsanngortinniarlugit aqutsisoorusuttartuuvutit. Suliniutinik aqutsinermik misilittagaqaruit iluaqutaassaq piumasaqaataananili. Akerlianik allattarianngorlugu tuluttoorsinnaaneq, Excelimik atuilluarsinnaaneq piumasaqaapput IT-milu nalunaarsuiffitsinnik allanik atuisuullualernissaq piareersimaffigissavat.

Aamma isortuussanik ingerlatitseqqiisassanngilatit; Sullitatta Tusassimut niuereqateqarneranni pissutsinik paasissutissanik isortuussanik pissarsisassaatit, taakkunnngalu tatigineqarnissarput pimooruttorujussuuarput.

Neqeroorutigaagut

Atorfinnik unammillissaqarfiusoq pineqarpoq tassani nammineq sunniuteqarnissannut periarfissaqarluassallutit. Suliamik ingerlatsinermi inuttullu ineriartornissaq periarfissaaginnanngilaq, atorfimmili iluatsitsinissamut pisariaqarluni.

Aamma piginnaasatit malillugit akissarsiaqarnissannik neqerooruteqarpugut.

Atorfik pillugu annertunerusumik paasisaqarusukkuit Whoesalemi Immikkoortortaqarfimmi pisortap Allan Lyngep ukunatigut 55 19 70 / lynge@tusass.gl attaviginissaanut tikilluaqqusaavutit.