Malugiuk atorfimmut allagarsiissutaasumut matumunnga piffissaliussaq naareerpoq! Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.
Aningaasaqarnermut, Allaffissornermut, Sulisoqarnermullu immikkoortoqarfia pissarsiorpoq sulisoqarnermut siunnersortimik
Namminersorlutik Oqartussat
Nuuk
Ikkunneqarpoq: 08-08-2024
Piffissaq atuuffissaa naassaaq: 29-08-2024
Suliffissamut ID normut: LJA-85631775
Atorfeqarnermi atugassarititaasut: Tamakkiisoq
Suliassaqarfik: Aalisarneq & fabrikki
Aningaasaqarnermut, Allaffissornermut, Sulisoqarnermullu immikkoortoqarfik, Aalisarnermut, Piniarnermullu Naalakkersuisoqarfimmiittoq, Sulisoqarnermut siunnersortimik pissarsiorpoq. Suliat pingaarnerit tassaassallutik, sulisunut ilorrisimaartitsisinnaaneq, taassumap ataaniillutik: sulisoqarnermut atortitaasut, ilinniaqqittarnerit, pikkorissartarnerit, allaffinni atortorissaarnissat, ilaalu ilanngullugit.
Atorfininnissaq: Piaartumik atorfinissinnaassooq.
Immikkoortoqarfik atorfillu:
Sulilersussap isumannaassavaa, Naalakkersuisoqarfiup iluani piumasaqaataasut naammassiniartassallugit, Naalakkersuisoqarfimmut maleruaqqusaasutut allassimasut malillugit.
Naalakkersuisoqarfimmi aqutsisuusut siunnersortaaffigisinnaassagakkit akisussaaffinniissooq, uani aalajangiisariaqarnernut matussusiliisarnissat, uanilu aalajangiinerit malittarisassat maleqqissaarlugit iliuuseqartoqartassammat akisussaaffigissallugu.
Naalakkersuisukkut Inatsisartoqarnikkullu aalajangersakkat sulisoqarnermut tunngassutillit atuuttut malillugit sulisoqarnermut tunngassutillit aallutassat ingerlatarissavatit, pilersaarusiornerit suliarisassallugit.
Sulisoqarneq pillugu ineriartortitsinermut suleqataassaatit.
Uani atorfinittussap akisussaaffigissavaa, Naalakkersuisoqarfiup suliassarititassaanut uani pineqartumi suliffeqarfiup iluani aaqqissuussinernut aammalu sulisoqarnermut ineriartortitseqataanermut suliaqarnermi naammaginartumik malittarisassallu eqqortut malillugit suleriuseqarnissaq.
Suliassat
Sulisoqarnermut tunngassutillit suliassat isumagineri
Atorfinitsitsinerit soraartussallu sullinnissaat
Atorfinnut qinnuteqartunik oqaloqateqartarnernut peqataanerit
Atorfinnut inuttassarsiuinerit
Sulisunik nalunaarsueriaaseq Webtas
Ilorrisimaarneq
Suleqatigiissitalianut peqataaneq uani aamma ilaalluni Suleqatigiinnissamut ataatsimiititamut allattaaneq
Pisortanut annertuunut aalajangiinernut, ineriartortitsinernut suliaqarnernut inatsisillu nassuiaateqarnissaanut ikiortaaneq
HR-imi suliassat assigiinngitsut
Piginnaasat
Naatsorsuutigaarput:
Allaffissornermut ilinniagaqartuusutit
Atorfimmut uunga assingusumut misilittagaqarluareersimanissat
Namminersorlutik Oqartussat suleriusaat, inatsisaat sakkussaannullu ilisimasaqareernissat, piumasaqaataanngilarli
Nammineq sulisinnaassuseqarnissaq, ilusilersuilluarsinnaaneq anguniagaqarnissamullu suliniuteqarluarsinnaasoq
Akisussaaffimmik tigusisinnaanissamut piareersimasoq suliap siuariaateqarnissaa pillugu ajunngitsumillu inerniliisinnaasarnissaq
Suleqatigiilluarsinnaanissamut piumassusilik, sulerusussusilik aammalu suleqataalluarsinnasoq
Qallunaat kalaallillu oqaasiinik oqaatsitigut allattariutsikkullu piginnaasaqarnissaq
Suleqatikkuminartoq
Suleriutsimut suleqatikkuminartutullu inissisimaffilik
Attavigineqarsinnaapput:
Atorfimmut paasissutissat annertunerusut pissarsiarerusukkukkit Emanuel Rosing saaffiginninnisannut tikilluaqqusaavutit:
tlf. + 299 34 53 32, e-mail: emro@nanoq.gl
Namminersorlutik Oqartussat pillugit paasisaqarnerorusukkuit, paasissutissat allat www.nanoq.gl-imi, Atorfiit ataani atuarsinnaavatit.
Qinnuteqarnissaq
Tunniussisinnaaneq kingulliussooq 29.08.2024
Atorfinittoqarsinnaassooq piaartumik isumaqatigiinnikkulluunnit ulluliilluni.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.