sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Ajarsivasik plejehjem Qaqortoq søger ny køkkenleder

Kommune Kujalleq

Qaqortoq
Ikkunneqarpoq: 02-08-2022
Piffissaq atuuffissaa naassaaq: 15-08-2022
Suliffissamut ID normut: LJA-83888032
Atorfeqarnermi atugassarititaasut: Tamakkiisoq
Suliassaqarfik: Allat

Ulloq  septemberip aallaqqaataa 2022 imaluunniit isumaqatigiissusioqatigiinnikkut atorfinitsitsinissaq eqqarsaatigineqarpoq.


Ajarsivasik 48-nit najugaqarfigineqarpoq, kiisalu innuttasunut 18-inut nerisassanik pajuttuisarluni.


Najugartuutitta peqqinnartunik allanngorartunillu nerisaqarnissaat pingaartipparput, najugaqartuutivullu kissaatiminnik saqqummiinissamut periarfissaqarniassammata ataatsimeeqatigisarpavut.


Suliassatit ilaatigut makkuussapput:

  • Igaffimmi angisuumi eqqiluisaarnissamut periutsit attannissaat, matumani nammineerluni nakkutilliinissaq annertuumik pingaartinneqarluni.
  • Ammasuunissaq paasinninnerlu tunngavigalugit sulisunik aqutsinissaq.
  • Aningaasat atugassat eqquutsinneqarnissaat.
  • Najugaqartunik qanimut suleqateqarneq.
  • Ajarsivasiup pisortaanik qanimut suleqateqarneq.
  • Ajoqutilinnut nerisassiat isumaginissaat akisussaaffiginissaallu, aamma utoqqaat tamatigoortunik nerisaqarnissaannik pisariaqartitsinerat pillugu paasinnittuunissaq.
  • Nerisassat illinnarsaarlugit sassaalliutigineqartarnissaasa pingaassusiata nakuutiginissaa.


Suliffik imaattoq neqeroorutigisinnaavarput:

  • Ammasuunissamik, tatigininnermik ataqatigiilluarnissamillu pingaartitsiviusoq.
  • Pisariaqartitsineq najoqqutaralugu allannguinissamik inissaqartitsineq.
  • Nammineersinnaanermik inissaqartitsineq.
  • Suliffitsialak, najugaqartut atugarisaasa pitsaanerpaanissaannik salliutitsisoq.
  • Suliffitsialak, sulisut atugassarititaannik ataatsimut akisussaaqataaffiusoq.


Suleqatissarsiorpugut makkuninnga piginnaasalimmik:

  • Økonomatut imaluunnit igaffimmi aqutsisutut ilinniarsimasoq.
  • Utoqqarnik sullissinissamik soqutiginnittoq.
  • Suleqatigiinni qiimasumik peqataanissamik soqutiginnittoq.
  • Allannguinissamik piumassusilik.



Inissiaq:
Atorfimmut atatillugu inissaqartitsisoqarpoq, taamaattumik qularnaveeqqummut ineqarnermullu, atuinermut il. il. akiliisoqartassaaq, matumanilu Kalaallit Nunaanni Namminersorlutik Oqartussat kommunillu Kalaallit Nunaanni illuutaannut tunngatillugu ineqarnermut akiliuteqartarnermut maleruaqqusat naapertorlugit akiliisarneq pisassalluni. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il qulaani taaneqartoq innersuussutigalugu akiliuteqartoqassaaq. 

Sulisunut inissiamik aatsaat innersuussisoqarsinnaanngorpat atorfinitsitsisoqarsinnaavoq. Atorfininnermi angalanermut pequtillu nassiunnerinut malittarisassat atuuttut naapertorlugit sulisitsisoq akiliussissaaq.


Pinerlussimannginnermut uppernarsaat:
Atorfik una pinerlussimannginnermik allagartamik paasiniaanissamit inatsimmik pisussaatitaavoq. Inatsit naapertorlugu kommune pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaammat malugeqqussavarput atorfinitsinneqarnissamut piffissaq isumaqatigiissutigineqaqqaartussaammat. 

Akissarsiat atorfinitsitaanermilu atugassarititaasut:
Økonomanut imaluunniit igaffimmi aqutsisunut isumaqatigiissut najoqqutaralugu akissarsiat atorfinitsinneqarnermilu atugassaritaasut isumagineqassapput.

Atorfinitsitsineq qaammatini pingasuni misiliutaaqqaassaaq.


Paasissutissat annertunerusut uunga saaffIginninnikkut piissarsiarineqarsinnaapput: Naja Kriegel, Ajarsivasik 64 13 56, e-mail: njkr@kujalleq.gl


Qinnuteqaat, pineqaatissinneqarsimannginnermik uppernarsaatitalik, kiisalu ilinniagaqarsimanermut siusinnerusukkullu sulisimanermik paasissutissartalik, ilinniarsimanermut uppernarsaatit nuunnera, allallu pdf-inngorlugit kingusinnerpaamik kommunimit tiguneqareersimassapput Aggusti 15-at 2022 nittartagarput www.kujalleq.gl aqqutigalugu.


MALUGIUK: Qinnuteqaatit pappilissatigut e-mail-ikkulluunniit tiguneq ajorpagut, inussiarnersumik qinnuteqaatit PDF-fil-inngorlugu nittartagaq aqqutigalugu nassiunniunneqassapput.


Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqalerpoq. Tamanna 2018-imi ukiortaamiit eqqunneqarpoq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia