sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.
Mittarfeqarfiit

Akunnittarfimmi Pisortaq / Restaurantschef

Mittarfeqarfiit

Sisimiut
Ikkunneqarpoq: 12-09-2022
Piffissaq atuuffissaa naassaaq: 25-09-2022
Suliffissamut ID normut: 331302644
Atorfeqarnermi atugassarititaasut: Tamakkiisoq
Suliassaqarfik: Akunnittarfik & neriniartarfik
Atorfiup taaguutaa:
Ilinniagaq:
Misilittakkat - Annertunerusumik: Hotel- og restaurant,
Oqaatsit:
Danskisut Atuarneq/ oqalunneq

Akunnittarfik Kangerlussuaq Neriniartarfimmi Pisortassarsiorpoq

 

Sinnattorisarpiuk Nunatta pinngortitarsuaani pinneqisumi sulissallutit, qaasuitsup killeqarfiata avannaatunginnguaniittumi? Akunnittarfipput Nunatta nunarsuarmioqatigiinnut mittarfissuaani inissisimavoq, Nunatta sineriaaniit 200 km ungasitsigisumi – issittup qeriuaannartup masarsuata qeqqarpiaani Kangerlussuup paavani

 

Akunnittarfik Kangerlussuaq suliffeqarfittut unamminarpoq pissanganarlunilu, Neriniartarfitsinnilu Restaurant Muskox-mut pisortassarsiorpugut. Atorfinilluni sulileqqaarfissaq tassaavoq oktoberip ulluisa aallaqqaataat 2022 imaluunniit isumaqatgiissuteqarnikkut.

Sinaakkutissatut pilersitatta iluani ataatsimiinnerit, ataatsimeersuarnerit takornarissanillu sammisassat ingerlappavut. Tamatta sulissutigaarput Akunnittarfik Kangerlussuaq Nunatsinni piumaneqarnerpaanissaa, ataatsimiittartunut assigiinngitsunillu aaqqissuussiniartunut tamanut. Taamaattumik suleqatissarsiorpugut anguniakkatsinnik ikiuisussamik. Suleqatigiinni pikkorissuni pingaaruteqartut ilagissavaatsit, illimmi suliamut tunniusimallutit ataatsimeersuartunut akunnittarfimmilu pulaartutsinnut sullissilluarnissat pingaartinniarpat.

Suliassaqarfitit

Neriniartarfik Muskox ulluinnarni ingerlatsinerani akisussaavutit, pulaartullu ullup qeqqanut unnukkullu neriniartut sullittussaallugit, ataatsimeersuartut nerinerat inuillu immikkut pingaarutillit (VIP) neriniartarnerini.

Ingerlatsineq pisiortuinerlu pilersaarusiornerat

Pitsaassutsimik qulakkeerinninneq ingerlatsinermilu/ingerlaatsinilu immikkoortumi:  Iliuusissanik pilersaarusiorneq, iliuusissanik qinersineq, kisitsineq suleriaatsillu ingerlarnat

Ulluinnarni aqutsineq, siunnersuineq immikkoortortallu sulisuinut kaammattuineq

Malittarisassat atuuttut malillugit pigaartuusussanik pilersaarusiorneq

Immikkoortortap sulisuinik inerisaallunilu sungiusaanermi akisussaatitaaneq

Illit pillutit

·Suliffeqarfimmit assingusumit misilittagaqarputit inuussutissalerinermilu ilinniarnikuullutit

·Ulloq unnuarlu ingerlatsinermi peqataalultit nuannarivat

·Pulaartuvut nerisaqarnikkut imigassatigullu immikkut ittumik misigisaqartinnissaat pimoorutivippat

·Inuit peqataatittarpatit, attaveqaqatigiillaqqipputit piumasarisatit takorluukkatillu sulisunut paasinartumik ersarissumillu ingerlateqqittarpatit

·Aqqissuillaqqipputit oqaaserisatillu piviusunngortittarpatit

·Pulaartunut ammasumik, tuniniaallaqqissumik aamma tatiginartumik pissuseqartarputit

·Peqqissaartuuvutit ingerlatsinermi, allaffissornermi aningaasaqarnikkullu aaqqissuillaqqillutit

·Pitsaassutsimik aalajaassusermillu ukkatarinnipputit, pulaartutsinnullu misigissusermik nuannersumik pilersitsinissaq peqataaffigisinnaallugu

·Suliamut pikkorissuuvutit inuttullu kinaassuseqareerlutit, inuppassuarnik assigiinngitsunik kulturilinnik inissisimaffinnillu paasinnissinnaallutit

·Pinngortitaassutsikkut ilakkuminartuuvutit aamma suleqatigiillaqqissuullutit

·Eqqiluisaarnissamik ukkatarinnittussaavutit aamma sassaalliuteqarnermi sullissinerput qaffasissuunissaa pulaartutsinnik takorloorneqareerpoq

Ulloq naallugu suliffiuvoq nikerartunik suliartortarfeqarluni, ullukkut, unnukkut weekendinilu.

Neqeroorutigaarput

    Suleqatigiinnermut immikkut ittumut ilanngunneqarnissat, akunnittarfipput akunittarfinni ataatsimeersuartarfinnilu ”nunatsinni pitsaanerpaanngornissaa” anguniassallugu

    Suliffeqarfimmi inerisarujussuartumi peqataalernissat, aqutsisooqatigiinnilu ilaasortaallutit

    Atorfik namminersorfiusoq pissanganartorlu unaminnartorpassualik,, tassanilu illit suleqatigiinni inissisimaffigisanni, malunnaatilinnik angusaqarsinnaasusi, illillu inuttut suliamullu periarfissanik pitsaasunik tunineqassallutit  

    Atorfik akunnittarfimmi pisortamut atatinneqarpoq

 

Atorfininnissami atugassarititaasut

Akissarsianut atorfininnissamullu tunngasut kattuffimmut naleqquttumut tunngatillugu ingerlanneqassaaq.

  • Sapaatip akunneranut akunnerit 40-ut suliffiupput
  • Sulilernermi suliunnaarnermilu akeqanngitsumik angalatitaaneq malittarisassat atuuttut naapertorlugit
  • Malittarisassat atuuttut naapertorlugit inissaqartitaaneq

 

 

Paasisaqarnerorusuppit

Siunissami suliffigiumaakkat pillugu annertunerusumik paasiaqarusukkuit, taava tikilluaqquneqarputit akunnittarfimmi pisortaq hotelchef Øjvind Leth Karlsen allaffigisinnaavat uunga: ojlk@mit.gl Apeqqutit naliginnaanerusut HR-immikkoortortaqarfimmut apeqqutigineqarsinnaapput mail`imut uunga: hr@mit.gl

Akunnittarfik Kangerlussuaq pillugu paasissutissanik annertunerusumik nassaarsinnaavutit uani: www.hotelkangerlussuaq.gl

QinnuteqaatAtorfik soqutigigukku kaammattussavatsigit qinnuteqaatit, CV, kiisalu ilinniagaqarnermut uppernarsaatit nassiuteqqullugit, online aqqutigalugu ataani tuugassaq toorlugu quppernitsinni iserlutit kingusinnerpaamik 25. september 2022.

Qinnuteqaatit E-mail-ikkoortut tiguneqarneq ajorput.

Akunnittarfik Kangerlussuaq

Akunnittarfik Kangerlussuaq tassaavoq Mittarfeqarfiit pigisaattut namminersortutut suliffeqarfik. Akunnittarfik Kangerlussuaq tassaavoq akunnittarfik nutaaliaq, ataasiuttarissanut ininut, marluuttarissanut ininut, ilaqutariinnut ininut inersuarnullu agguataarneqartunik 70-inik initaqartoq. Tamakku saniatigut Akunnittarfik Kangerlussuup ataatsimeersuarnernik ingerlatsisarfik, café, cafeteria, neriniartarfik á la carte, kiisalu imerniartarfik nutaaliaq ingerlappai. Akunnittarfimmi angalasut 20.000-it sinnerlugit ukiut tamaasa unnuisarput. Uani annertunerusumik atuarsinnaavatit: www.hotelkangerlussuaq.gl 

 

Qinnuteqarnissamut killissarititaasoq: septembarip 25.-at, 2022

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia
Suliffeqarfimmit ataatsimit suliffissat allat