sullissivik.gl
Atorfimmut ussassaarummut oqaatsinut allanut nuunniarlutit tooruk

Allagarsiuteqqitaq: Assistent - Majoriaq

Avannaata Kommunia

Upernavik
Ikkunneqarpoq: 14-06-2024
Piffissaq atuuffissaa naassaaq: 26-07-2024
Suliffissamut ID normut: LJA-85545423
Atorfeqarnermi atugassarititaasut: Tamakkiisoq
Suliassaqarfik: Allaffik & allaffissorneq, Allat, Isumaginnittoqarfik
Attaveqarfissamut paasissutissat

Avannaata Kommunia

 
Oqarasuaat

Upernavimmi Majoriaq allaffimmiutut atorfik inuttassarsiuunneqarpoq 1. August 2024 isumaqatigiissuteqarnikkulluunniit atorfinittussamik.

Assistent-itut sulineq ingerlanneqassaaq ineriartortinneqarsallunilu sulisut allat peqatigalugit. Assistent-ip qaninnertut sulisitsisorissavaa Majoriaq-mi Centerlederi

Suliassat akisussaaffiillu:

  • Suliffissarsiortunik sullissineq
  • Suliffissarsiuussisarnerup iluani suliassat assigiinngitsut
  • Suliffissaaleqisut iliuusissatut pilersaarutaannik suliaqarneq
  • Suliffeqarnermut, pikkorissarnissanut aammalu ilinniaqqinnissamut aqqutissiuussinermut peqataaneq
  • Illoqarfimmi nunaqarfinnilu sulilersitsiniaanermut, piginnaanngorsaqqiinermut aamma pikkorissarnermut tunngasunik suliniutinik pilersaarusioqataaneq

Suliamut ilinniagaqarsimanissaq kissaatigineqarpoq. Sulilernermi ingerlaannartumik Upernavimmi nunaqarfittaanilu innuttaasut ingerlariaqqitsiniarneqarnerannut peqataalersinnaallutit aammalu allaffimmi suliassanik tiguseriaannaassallutit naatsorsuutigineqarpoq.

Majoriaq assigiinngitsunik suliassarpassuaqarmat naatsorsuutigaarput tunniusimasuunissat, suliassallu assigiinngitsut suliakkiissutigineqartut naammassillugit suliarisinnaassangitit.

Piginnaasat:

  • Suliamut naapertuuttumik ilinniagaqarsimasoq.
  • Inuusuttunik inersimasunillu sullisserusuttoq.
  • Marluinnik oqaaseqartoq, kalaallisut qallunaatullu, piumasaqaataanngilarli.

Akissarsiat aamma atorfeqarnermi atugassarititaasut:

  • Atorfinitsitsineq Assistent-itut pissaaq, Naalakkersuisut aamma SIK-p Niuernikkut allaffissornikkullu isumaqatigiissutaat malillugit aningaasarsiaqassalluni.
  • Atorfimmut atatillugu inissaqartitsisoqanngilaq.

Upernavimmi Majoriami allaffimmiutut atorfik pillugu apeqqutissaqaruit, Upernavimmi immikkoortumi aqutsisoq saaffigisinnaavat Johan Kleemann oqarasuaammut uunga: 38 79 31 imaluunniit e-mail-imut: jkle@avannaata.gl

Qinnuteqaat ilinniarsimanermut allangartat, siornatigut atorfigisimasamut uppernarsaatit, kiisalu soraaruummeernermut uppernarsaatit assilineqarneri ilanngullugit tunniunneqarsimassapput, kingusinnerpaamik 26. Juli 2024, nassiunneqassapput Avannaata Kommuniata nittartangaa: www.avannaata.gl/ledige-stillinger

Qinnuteqaaternut allakkianik ilanngussinngilatit. Taamaakkaluartoq qinnuteqaatit nassiunniarukku "Ok" tooruk, imaluunniit "Taamaatiguk" tooruk aammalu qinnuteqaqqilinnginnarni allakkiat ilanngutikkit.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia