sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

ALLAGARSIUTEQQITAQ Leksikografimik taaguusersuuserinermillu suliassanut atatillugu Oqaasileriffimmi AC-fuldmægtigitut atorfik

Namminersorlutik Oqartussat

Nuuk
Ikkunneqarpoq: 20-01-2021
Piffissaq atuuffissaa naassaaq: 11-02-2021
Suliffissamut ID normut: LJA-81613374
Atorfeqarnermi atugassarititaasut: Tamakkiisoq
Suliassaqarfik: Ingeniøri & pinngortitalerineq

 
Oqaasileriffimmi Nuummiittumi leksikografimi taaguusersuuserinermilu AC-fuldmægtigitut atorfik 15. februar 2021-mit ullormilluunniit aalajangersimasumik isumaqatigiissuteqarnikkut inuttalerneqassaaq.

Atorfik pillugu
Atorfik ilinniagartuutut atorfiuvoq makkuninnga suliassaqarfiulluni:

  • Leksikografimut taaguusersuuserinermullu tunngatillugu oqaatsinik suliaqarneq, tamatumunnga atatillugu taaguusersuutinik katersineq, nalunaarsuineq, misissuineq takussutissiinerlu.
  • Leksikografimut taaguusersuuserinermullu atatillugu assigiinngitsunik suleqateqartarneq.

Piginnaasassat piumasaqaatillu
  • Oqaatsit pillugit ilisimatusarnermut tunngasumik kandidatitut ilinniagaqarsimanissaq (minnerpaamilluuniit bacheloritut naammassisimanissaq)
  • Oqaatsinik passussinissamik ilisimasaqarluarnissaq misilittagaqarnissarlu, pingaartumik kalaallisut oqaatsit pillugit.
  • Ilisimatusarnermi misissueriaatsinik assigiinngitsunik misilittagaqarnissaq.
  • Leksikografimik taaguusersuuserinermillu ilisimasaqarluarnissaq.
  • Oqaatsit: kalaallisut oqaatsit ilitsoqqussaralugit, danskisut tuluttullu.

Neqeroorutigisinnaavarput
  • Suliffeqarfik pissanganartoq suliassallu unammillernartut.
  • Suliffeqarfik suliassanik siammasissunik sulialik suleqatillu pikkorissut.
  • Suliaqarfinni assigiinngitsuni ilisimasalinnik suleqateqarneq
  • Suliffik suliat tungaasigut ineriartorfissaqarluartoq.

Sulinermi piffissaq sapaatip-akunneranut nalunaaquttap akunneri 40-t.

Oqaasileriffik pillugu
Ilinniartitaanermut, Kultureqarnermut Ilageeqarnermullu Naalakkersuisoqarfiup ataaniippoq ilisimatusarnikkut ingerlatsiviulluni nammineq ingerlasoq, suliassat inatsisit kalaallit oqaasiinut tunngasut tunngavigalugit ingerlanneqarlutik. Annertunerusumik nittartakkami www.oqaasileriffik.gl-imi atuarit.

Paasissutissat annertunerusut
Atorfik pillugu annertunerusumik paasisaqarusuttut Oqaasileriffimmut saaffiginnissinnaapput, ukununnga:
- Lisathe Møller, taaguusersuutinik suliaqarnermi akisussaasoq (lisathe@oqaasileriffik, tlf.: +299 384068)
- Beatrine Heilmann, Oqaasileriffimmi pisortaagallartoq (behe@oqaasileriffik.gl, tlf.: +299 384061)

Qinnuteqarnissamut killigititaq
Qinnuteqaat, ilinniarsimanermut uppernarsaat CV-lu tiguneqareersimassapput: marlunngorneq 10. februar 2021.
 
 
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia
Suliffissat assigusut