sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

ALLAGARSIUTEQQITAQ - PI/SPS Kalaallit Nunaanni perorsaanilerinermik ilinniarfinni qallunaatoortitsisussamik ilinniartitsisussarsiorpoq

Namminersorlutik Oqartussat

Ilulissat
Ikkunneqarpoq: 23-06-2022
Piffissaq atuuffissaa naassaaq: 14-07-2022
Suliffissamut ID normut: LJA-83754130
Atorfeqarnermi atugassarititaasut: Tamakkiisoq
Suliassaqarfik: Atuartitsineq & Meeqqerineq

Unamminiagassanut nutaanut sapiissuseqarpit killingusaarlu nutaaq piareersimaffigaajuk, taava PI/SPS-imi Perorsaanermik Ilinniarfimmi Ilulissaniittumi ilinniartitsisutut atorfik soqutiginartoq inuttassarsiorneqarpoq.

PI/SPS Kalaallit Nunaanni perorsaanermik seminariatuaavoq, nunarsuarmi kangerluit iigartartullit annersaat kusanarnerpaallu, nunarsuup kingornutaatut erligisassatut UNESCO-mit ilanngunneqarsimasup, qanittuani inissisimaffeqartoq.
Ilinniarfik 300 missaanik ilinniartoqarpoq, ilinniartitaanernut assigiinngitsunut arfineq-marlunnut agguataarsimasunik: ulluunerani meeqqanik sullissinermi ikiortinngorniarneq, isumaginninnermi ikiortitut ilinniarneq, socialassistentitut ilinniarneq, perorsaasutut sammivilimmik bacheloritut ilinniarneq, najugaq qimannagu perorsaasunngorniarneq, siunnersuinermi ikiortitut ilinniarneq, kiisalu isumaginninnerup iluani siunnersortitut ilinniagaq ilinniagartuutut. PI/SPS-mi 45-nik sulisoqarpugut.

PI/SPS-ip Kalaallit Nunaat tamakkerlugu suliassaqarfii pingaarutillit makkuupput:

  • Perorsaanilerinermik suliaqartunik piukkunnartunik ilinniartitsineq
  • Siunnersuinermi ikiortitut isumaginninnermilu suliaqarnermi siunnersortitut piukkunnartunik ilinniaqqinnissaanut isumaginninneq
  • Perorsaanermik suliassaqarfik tamakkerlugu pikkorissarnernik ilinniaqqinnissanut isumaginninneq
  • Perorsaanermik suliassaqarfimmi – suliatigut ilinniartitaanernullu tunngasutigut - ineriartortitsineq isumassarsiornerlu
Ilinniartitsisumik eqaatsumik ineriartortitserusuttumillu pissarsiorpugut, socialassistentitut ilinniartitaanermi qallunaatoortitsisussamik ujartuivugut, taanna ilinniagaq ikaarsaariarfittut ilinniagaavoq Perorsaasutut sammivilimmik bacheloritut ilinniarnissamut; ilinniartitsineq aamma inuiaqatigiilerinermik perorsaanilerinermillu ilinniartitsiviusassaaq.

Suliassaqarfiup iluani pimoorussinerup saniatigut suleqatinik suleqatiginnikkusuttumik, avatangiisiminnik inussiarnersunik suliassaminnullu ajunngitsumik suleriaaseqartumik.

PI/SPS-imi ilinniartitsisoqatigiinnut ilaalissaatit, Kalaallit Nunaanni perorsaanermik suliassaqarfimmi allannguinernut sunniuteqaqataanissamik Seminariap takorluugaanut naapertuuttumik, ilinniartitsinerit sunniuteqarfiginissaannut ineriartortitseqataaffiginissaanullu periarfissaqassallutit.

Pikkorissaanerup ilinniaqqittarnerullu suliassaqarfiup iluani annertusaagatta, Kalaallit Nunaat tamakkerlugu ilinniartitsinikkut suliassat ingerlatallu assigiinngitsut naatsorsuutigineqarsinnaassapput.

Perorsaanilerinermi tulluartumik masteritut- imaluunniit kandidatitut ilinniagaqarsimassaatit imaluunniit ilinniarnertuunngorniarfinni ilinniartitsisuussallutit pædagogikum ingerlassimallugu.

Pingaartipparput inuussutissarsiutini perorsaanermik suliassaqarfimmi aamma/imaluunniit inersimasunik ilinniartitsinermik misilittagaqassasutit.
  • Kalaallit Nunaannit misilittagaqarlutillu ilisimasaqarputit, kulturillu allat aallaavigalugit sulinissat ammaffigalugu.
  • Nammineerlutit suliaqarsinnaavutit, ilinniartitsisoqatillu suleqatigisinnaallugit ilaatigut namminneq ilinniartitsineq pillugu, ilaatigullu ilinniarnerup ataqatigiinnera siuariartorneralu akisussaaffigissallugu.
  • Suleqatitut akuersaartumik suleriaaseqarnerit, tatiginninneq akisussaassuseqarnerlu ilisarnaatigaatit.
Atorfik aggustip 1-ani 2022-imi imaluunniit piaartumik isumaqatigiissuteqarnikkut.

Qinnuteqarfissaq killilerneqarpoq juulip 14-ani 2022 nal. 8:00 (kalaallit nunaata kitaata nalunaaqutaat malillugu).

Paasissutissat sukumiinerusut uunga oqarasuaat +299 38 35 50 pissarsiarineqarsinnaapput uunga Immikkoortortami aqutsisoq Benedikte Petersen Løvstrøm imal. PI/SPS-imi Tullersorti Marianne Nissen aamma e-mail-ikkut: allaffik@pi.sps.gl-ikkut pissarsiarineqarsinnaapput.

Seminaria pillugu www.pi.sps.gl-imi atuarsinnaavat.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia