Allangarsiuteqqitaq Aasiaat - Majoriaq Aasiaat ilinniartitsissarsiorpoq

Majoriaq Aasiaat Ilinniartitsisussarsiorpoq atorfinittussami 1. Oktober 2024 isumaqatigiissuteqarnikkulluunniit sulilertussamik.

Majoriaq atuartitsisuussartussatut imaluunniit ilinniartitsisutut suliassarissavatit inuusuttut inersimasullu kaammattuivigissallugit piareersimatilissallugillu ilinniangaqalersimanissaannut aammalu suliffissamik pissarsisinnaanissaanut piukkunnartunngortissallugit. Atuartitsisinnaanermut ilinniagaqarsimanermik tunuliaquteqassaatit ukunani ilinniartitsiviusinnaasuni minnerpaamik marlunni tunngaviusussamik:

• Qallunaatut
• Tuluttoornermik
• Inuiaqatigiilerineq

Danskisut aammalu tuluttut inuiaqatigiilerinermilu atuartitsisinnaasumik maanna ujaasivugut.

Majoriami meeqqat atuarfianik sivitsuinerunngilaq, kisiannili ilinniartitaanermik immik-koortitaakkanik inuusuttunut inersimasunullu neqeroorutaalluni. Pilersaarusiukkanik atuartitsisin-naassuseqartariaqarputit, Majoriami atuartut atuartinneqarnerminni imaqarluartumik qanilaas-susermillu misigisaqartissallugit.

Ilinniartitsinissaq pilersaarusiorneqartarpoq siunnersortit atuarfimmilu ilinniartitsisut atuartitsi-sartullu allat peqatingalugit, taamaattumillu makkua pikkoriffigisariaqarpatit:

• suleqatigiissinnaaneq
• eqqarsallaqqissuseq isumassarsiullaqqissuserlu
• inunnik immikkut ittumik pisariaqartitsisunik paasinnissinnaaneq

Naatsorsuutingaarput:

• Ilinniaqqiffiusimasunik imaluunniit atuagarsornikkut ilinniagaqarsimassasutit.
• Kalaallisut, qallunaatut aammalu matematik gymnasianut nallersuussinnaasunut ilinniagaqarsimassaatit.
• Oqaatitsigut oqalussinnaalluassuseq allattariarsornikkullu piginnaasaqarfigilluassavatit.
• Naliliilluarsinnaaneq aammalu atorfimmut assigusumik misilittagaqarneq.
• Piumassuseqarluarneq atuarfiullu ineriartortinneqarneranut malunnarluartumik peqataasinnaassuseqarluarneq.
• Qaraasaasiamik atuisinnaaneq.
• Pinerluttulerinermi pineqaatissinneqarsimannginnermik uppernarsaamik takutitsineq.

Akissarsiaqartitsineq atorfinitsitsinerlu:

• Atorfeqartitaanermi akissarsiallu pillugit apeqqutit kattuffiup isumaqatiginninniarsinnaatitaasup Naalakkersuisullu akornanni isumaqatigiissutit naapertorlugit inissinneqassapput.

·Atorfimmut atatillugu inissaqartitsisoqassaaq aalajangersakkat atuuttut naapertorlugit akilerneqartartussamik. Sulilernermi angalaneq pisattallu nassiunnerat suliffigisassamit aamma akilerneqassapput.

Meeqqanik pinerliisimannginnermut aammalu pineqaatissinneqarsimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.

Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Atorfik pillugu annertunerusumik paasiniaasinnaavutit uunga: Centerleder Gerda Olsen Christoffersen, gech@qeqertalik.gl , oqarasuaat nr.: 38 70 73.

Qinnuteqarneq:

Qinnuteqaatinik mail-ikkut allakkatigullu tigusineq ajorpugut.

Qinnuteqaatit nassiuguk, CV ilinniarsimanermut pikkorissarsimanermut uppernarsaatit, kiisalu oqaaseqaatit assigisaallu. 

”Atorfik una qinnuteqarfigiuk” toorlugu ikkunneqassapput.

Qinnuteqaatit nassiunnerini ajornartorsiuteqaruit hr@qeqertalik.gl attavigiuk.

Qinnuteqaatissat tigunissaanut qilanaaraarput.