Allangarsiuteqqitaq Aasiaat - Meeraaqqerivik Vâva perorsaasussarsiorpoq

Kommune Qeqertalik, Aasiaat, Meeraaqqerivik ”Vâva”-mi perorsaasutut ilinniarsimasumik atorfik 01. Oktober 2024 imaluunniit isumaqatigiissuteqarnikkut atorfinittussanik pissarsiorpoq.

Meeraaqqerivimmi pissutsit:

·Meeraaqqerivimmi atorfik tamakkiisumik suliffiuvoq sap.ak. nal.ak. 40-t. Meeraaqqerivik meeraaqqanut 36-nut inissaqartitsivoq.

·Meeraaqqeriviup ammasarfigai ataasinngornermiit tallimanngornermut 06.30 – 17.00. Arfininngornikkut matoqqasarpoq.

·Meeraaqqerivinni ingerlatsineq Meeqqanut Kultureqarnermullu Immikkoortortaqarfiup ataani inissisimavoq, Perorsaanermut ataqatigiissaarisullu meeraaqqerivimmik siunnersuineq ilitsersuinerlu isumagisarpai.

Qinnuteqarnissamut piumasaqaatit:

·Perorsaasutut ilinniagaqarsimasuunissaq, akisussaassuseqarluartoq, suliumassuseqarluartoq suliffimmullu tunniusimalluartoq, suliffimmut ilisimasaqarluartoq, ulapaarfiusumi eqqissisimasumik ingerlatsisinnaasoq, suleqatigiuminartoq, akuersaartoq aalajaatsorlu. Timikkut tarnikkullu peqqissuuneq, paaqqinnittarfiup anguniagai iliuuserisassatullu pilersaarutai kiisalu malittarisassat assigiinngitsut Kommune Qeqertalimmut atuuttut naapertorlugit sulinissamut piareeqqasoq.

·Qinnuteqartut kalaallisut qallunaatullu oqalussinnaasut piumaneqarnerussapput.

Akissarsiat atorfeqarnermilu atugassat:

Atorfinitsitsinermi akissaasersuineqassaaq nalinginnaasumik malittarisassat isumaqatigiissutillu atuuttut malillugit.

Meeqqanik pinerliisimannginnermut aammalu pineqaatissinneqarsimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.

Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Inissaq:

Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: ini@ini.gl.

Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu A-skat sulitilluni ajunngittorsianut akileraartoqartassaaq inatsit atuuttoq naapertorlugu.

IMALUUNNIIT Qaqugukkut atorfik aqqutigalugu inissamik tunisinnissaq apeqqutaalluni atorfimmi aallartinnissaq aaqqinneqarsinnaavoq. Malittarisassat atuuttut malillugit atorfininnermi angalanermut akiliussisoqassaaq aamma pequtit assartorneqarnerat akilerneqassaaq.

Atorfeqarnerup uninnerani, atorfik aqqutigalugu inissiaq qimanneqassaaq.

Atorfimmut paasissutissat erseqqinnerusut pissarsiarineqarsinnaapput uunga saaffiginninnikkut: meeraaqqeriviup pisortaanut Laila S. Samuelsen oqarasuaat 89 47 74.

Imaluunniit INUIT pisortaamut Ane Joelsen Siegstad-mut oqarasuaat 38 70 89 sianernikkut pineqarsinnaapput.

Qinnuteqarneq:

Qinnuteqaatinik mail-ikkut allakkatigullu tigusineq ajorpugut.

Qinnuteqaatit nassiuguk, CV ilinniarsimanermut pikkorissarsimanermut uppernarsaatit, kiisalu oqaaseqaatit assigisaallu. 

”Atorfik una qinnuteqarfigiuk” toorlugu ikkunneqassapput.

Qinnuteqaatit nassiunnerini ajornartorsiuteqaruit hr@qeqertalik.gl attavigiuk.

Qinnuteqaatissat tigunissaanut qilanaaraarput.