Allangarsiuteqqitaq Qeqertarsuaq - Najugaqatigiiffik Ikinngutit pisortassarsiorpoq

Kommune Qeqertalik, Qeqertarsuami Najugaqatigiiffik Ikinngutit pisortassarsiorpoq 01. Oktober 2024 aallarnerfigalugu sulilertussamik isumaqatigiissuteqarnikkulluunniit.

Najugaqatigiiffimmut Aqutsisup aaqqissuussaaneq tunngavingalugu qaninnertut qullersarissavaa Qeqertarsuarmi Isumaginninnermut Immikkoortortami Pisortaq.

Akisussaaffiit suliassaqarfiillu:

• Najugaqatigiiffimmi najugaqartunut suliniutaasut qulakkeernissat
• Akisussaaffigissallugu ulluinnarni sulinerup najugaqatigiiffiullu sulisuinik aqutsinerup ataqatigiissaarnissaa.
• Suleriaatsinik iluarsisassaqartillugu iliuuseqarsinnaasoq atortussaanik atukkanik nakkutiginninneq suliassanillu tulleriiaarinissamut pilersaarusiorneq.
• Najugaqatigiiffiup najugaqartullu aningaasaqarnerannut akisussaasuuneq.
• Najugaqatigiiffimmi sulisut ataatsimiinneranni aqutsineq.
• Najugaqatigiiffimmi sammisassanut ataqatigiissaarineq pilersaarusiornerlu.
• Perorsaanikkut najugaqartunut tamanut akisussaaneq.
• Periusissatut pilersaarusiorneq, ukiumullu nalunaarusianik sananeq taakkulu malinneqarnissaannik qulakkeerineq.
• Najugaqartunut pisortanit allakkianik, akiligassanik il.il. ammaaneq, najugaqartunit ataasiakkaanit siumut allakkatigut akuersititsinikkut.
• Najugaqatigiiffinnut missingersuutinik suliaqarneq.

Piumasaqaatit:

• Suliamut attuumassuteqartumik ilinniarsimaneq, ass. Perorsaasutut, Peqqissaasutut, Isumaginninnermi Siunnersortitut, Pillorissaasutut ilinniagaqarneq assigisaannilluunit ilinniagaqarsimaneq.
• Tarnikkut sullissinermut misilittagaqarneq.
• Suleqatiginnilluarsinnaaneq tunniusimasuunerlu.
• Qarasaasiamik atuisutut ilisimasaqarneq.
• Missingersuutinut suliaqarnermut misilittagaqarneq.
• Sulisunik aqutsinermut misilittagaqarneq.

Akissaatit atorfinitsitaanermilu atugassarititaasut:

Atorfininnermi atugassarititaasut Naalakkersuisut peqatigiiffiullu isumaqatigiinniarsinnaatitaasup akornanni isumaqatigiissut atuuttoq naapertorlugu atorfinitsitaaneq pissaaq.

Inissaq:

Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersornerullutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.ini@ini.gl

Erseqqissaatigineqassaaq atorfinitsinneqarnerup uppernarsarneqarnerata kinguninnguatigut ingerlaannartumik initaarnissaq pisinnaanngimmat, aatsaalli inissaq pissarsiarineqarpat nuuttoqarsinnaalluni/atorfinittoqarsinnaalluni. Malittarisassat atuuttut malillugit atorfininnermi angalanermut akiliussisoqassaaq aamma pequtit assartorneqarnerat akilerneqqassaaq.

Pinerliisimannginnermut uppernarsaat:

Atorfik inuttassarsiuussarput pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommunip Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Atorfimmut paasissutissat sukumiinerusut pineqarsinnaapput Qeqertarsuarmi Suliassaqarfik INUIT Inunnik Isumaginnittoqarfimmi aqutsisuugallartoq Gerda B. Heilmann saaffigineratigut oq. 701900 imal. E-mail gbhe@qeqertalik.gl imaluunniit Ando Møller INUIT aqutsisoq oq. 701900  ando@qeqertalik.gl

Qinnuteqarneq:

Qinnuteqaatinik mail-ikkut allakkatigullu tigusineq ajorpugut.

Qinnuteqaatit nassiuguk, CV ilinniarsimanermut pikkorissarsimanermut uppernarsaatit, kiisalu oqaaseqaatit assigisaallu. 

”Atorfik una qinnuteqarfigiuk” toorlugu ikkunneqassapput.

Qinnuteqaatit nassiunnerini ajornartorsiuteqaruit hr@qeqertalik.gl attavigiuk.

Qinnuteqaatissat tigunissaanut qilanaaraarput.