sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Aningaasaqarnermut Naalakkersuisoqarfimmi Tunngaviusumik Inatsisissaq pillugu immikkoortortaqarfik AC-fuldmægtigimik imaluunniit immikkut siunnersortimik pissarsiorpoq

Namminersorlutik Oqartussat

Nuuk
Ikkunneqarpoq: 17-06-2020
Piffissaq atuuffissaa naassaaq: 09-07-2020
Suliffissamut ID normut: LJA-80488798
Atorfeqarnermi atugassarititaasut: Tamakkiisoq
Suliassaqarfik: Ingeniøri & pinngortitalerineq

Aningaasaqarnermut Naalakkersuisoqarfimmi Tunngaviusumik Inatsisissaq pillugu immikkoortortaqarfik AC-fuldmægtigimik imaluunniit immikkut siunnersortimik pissarsiorpoq
Namminiilivinneq aamma tunngaviusumik inatsisiliorneq pillugu suliaqarusuppit? Nunatta siunissaa pillugu innuttaasut ilusilersueqataanerunissaat pillugu suleqataarusuppit? Namminiilivinneq aamma piujuartitsisumik aningaasarsiorneq pillugu pitsaanerpaamik piareersartoqarnerani qulaajaaqataallutillu nassuiaaqataarusuppit?

Taamaappat Aningaasaqarnermut Naalakkersuisoqarfiup Tunngaviusumik Inatsisissaq pillugu immikkoortortaqarfianut AC-fuldmægtigissatut imaluunniit immikkut siunnersortitut qinnuteqarsinnaavutit.

Ulloq atorfimmi sulilerfissaq 1. aug. 2020 isumaqatigiissuteqarnikkulluunniit


Namminiilivinneq pillugu
Namminiilivinnermut tunngasut qulequtarpassuupput: Oqartussaaffiit naalagaaffimmiit tigusassat, nuna nammineertoq, aningaasaqarneq, oqaluttuarisaaneq, kinaassuseq, kulturi, imminut pilersorneq, nunarsuarmut atassuteqarneq, aaqqissuusseqqinneq, naalagaaffiit innuttanut pisussaaffii pillugit inatsiseqarneq aammalu inatsisit tunngaviusut atortinneqarnerat pillugu, nunani allani misilittakkanik aallerneq soorlu nunat namminersorlutik naalagaaffiusut tamatigoortumik suleqatiginerisigut.
Aningaasaqarnermut Naalakkersuisoqarfik Namminiilivinnermut immikkoortortaqarfiup sulineranut akisussaasuuvoq. Namminiilivinnermut immikkoortortaqarfik Namminersorlutik Oqartussat qitiusumik allaffeqarfiani inissisimavoq, Kalaallit Nunaatalu soqutigisai nakkutigalugillu ataqatigiissartarpai, apeqqutillu pineqartumut tunngassuteqartut Naalakkersuisunukartut isumagisarlugit.
Namminiilivinnermut immikkoortortaqarfik Naalakkersuisut pilersitaannut Tunngaviusumik Inatsisissaq Pillugu Isumalioqatigiissitamut aammalu taassuma allattoqarfianut allaffissornikkut qullersaavoq

Suliffik pillugu
Aningaasaqarnermut Naalakkersuisoqarfik 35-t missaanni sulisoqarpoq, immikkoortortanut arlalinnut agguarneqarsimasunik, soorlu; Aningaasaqarnermut, Inatsiseqarnermut, Nuna tamakkerlugu pilersaarusiornermut, Namminiilivinnermullu.
Naalakkersuisoqarfiup pingaarnertut suliassaraa Aningaasaqarnermut naalakkersuisumut siunnersuinissani, tassungalu tunngatillugu inatsisitigut aaqqissuussinerit ilanngullugit, nakkutilliinerit misissueqqissaarnerillu, aningaasaqarneq pillugu suliaqarneq, timitalimmillu pilersaarusiornerit taamatuttaaq aningaasaqarnikkut aaqqissuusseqqinerit.
Namminiilivinnermut immikkoortortaqarfiup suliassaa pingaarneq tassaavoq namminiilivinneq pillugu piareersaataareersimasut sukumiisumik suliareqqissaarnissaat, aammalu innuttaasunik peqataatitsinerup oqallitsitsinerullu qulakkeerluarnissaa. Pingaaruteqarluinnarpoq, namminiilivinnissamut siunertap patajaatsumik tunngaveqarnissaa, orninneranilu innuttaasut piginneqataallutik akisussaaqataallutillu tamatuminnga misigiffiginninninnissaat.Taamatuttaaq pingaaruteqartut allat ilaatigut tassaapput namminiilivinnerup angujartornerani qaammarsaanerit arlallit pisariaqartassammata, matumani pineqarlutik siunissamut aalajangerneqartut tunngaviisa erseqqissartuarnissaat, soorlu aningaasaqarnermut nunanullu nammineertumut apeqqutinut tunngasunut.

Suliassaq malunnarluartussaq tassaavortaaq Tunngaviusumik Inatsisissaq Pillugu Isumalioqatigiissitamik kinguneqarluartumik suleqateqartarnissaq.

Suliassat tunniussaqarfigalugillu nakkutigisassatit, siullertut makkununnga tunngapput:

  • Oqartussaaffiit Naalagaaffimmiit tigusassat misissoqqissaarnissaat
  • Aningaasaqarnermut apeqqutit qulaassallugit
  • Namminiilivinnerup angujartornerani ilisimatusartutut pissutsit misissorlugit qulaarlugillu
  • Innuttaasunik akuunerulersitsinissamut tunngatillugu ilisimatusartutut nutaanik periutsinik ujartuineq
  • Namminiilivinnerup eqqunneqarneratigut kalluarneqarsinnaasut pillugit innuttaasut ilisimatillugit
  • Innuttaasunik pitsaasumik suleqatiginninneq, kattuffiit oqartussallu allat attavigalugit, aammalu namminiileriartornermi ineriartornissaq pillugu nunat allat misilittagaannik aallerneq.
  • Aningaasaqarnermut Naalakkersuisoq taakku suliassanut ikorfartorlugu
Taamaattumik AC-fuldmægtigitut imaluunniit immikkut siunnersortitut sulineq tamatigoortuunermik piumasaqarpoq, taamaattumillu Namminersorlutik oqartussat iluani naalakkersuisoqarfiit arlallit soqutiginnittullu allat qanimut suleqatigisassavatit.

Piginnaasat
Naleqquttumik ilisimatusarnerup iluani naammassisimasannik ilinniagaqarsimassaatit aammalu pisortaqarfimmi piumasaqaataanngitsumik politikkikkut aqunneqartumi misigilittagaqarsinnaavutit.
Naatsorsuutigaatsigit:
  •  Cand.scient.pol.-tut, cand.oecon.-tut, cand.merc.-tut, cand.jur.-tut, cand.mag.-tut imaluunniit allatut ilinniarsimanissat
  • Kalaallit Nunaata politikkikkut ineriartornera pillugu ilisimasaqarluarnissat aammalu politikkikkut ineriartorneq oqaluttuarisaaneq kulturilu pillugu ilisimasaqarnissat
  • Inuiaqatigiit ineriartornerat pillugu aammalu misissueqqissaarnermik piginnaaneqarlutillu ilisimasaqarnissat
  • Oqaatsitigut piginnaasaqarnissat
  • Aaqqissuussaasumik sulisinnaaneq misissueqqissaarnermillu piginnaaneqarnissat
  • Allattariarsorluarsinnaassaatit oqaaseqatigiiliullaqqittuussallutit
  • Nammineq aallarniisinnaassuseqassaatit, namminersorsinnaassuseqarlutit periarfissanillu assigiinngitsorpassuarnik sulisinnaassallutit
  • Ilakkuminartuussaatit, aamma ullut tamaasa suliassanik tamalaanik suliassaqarfiusumiikkaluarlutit
  • Aaqqissuussaalluartumik suleriuseqarsinnaassaatit piffissaliussanullu eqquutsitsilluassallutit.
Neqeroorutigisinnaavagut:
  • Suliffik pissanganartoq sukkasuumik ineriartorfiusoq politikkikkullu maluginiarneqarluartoq
  • Suliffik ulapaarfiusoq suleqatinik pitsaasunik peqateqarfiusoq inussiarnersumillu oqaloqatigiiffiusoq
  • Suliffik pissanganartoq suliassanik unammillernartunik imalik, peqatigiilluni suliffiusoq suliassanullu pikkorissuseqarnissamik annertuumik pingaartitsisoq.
Akissarsiat – atorfininnermilu piumasaqaatit
Akissarsiat – atorfininnermullu tunngasut, Namminersorlutik oqartussat isumaqatigiissutaat atuuttoq aammalu kattuffiit isumaqatigiissutaat qinnuteqartumut atuuttoq naapertorlugit ulloq taanna atorfininnermi atuutilersinneqassaaq.

Ineqarneq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq.

Suliffik pillugu saaffigineqarsinnaapput
Suliffik pillugu apeqqutissaqaruit immikkoortortami pisortaq Natuk Lund Olsen oqarasuaammut uunga saaffigisinnaavat: 345412 imaluunniit e-mail: nlol@nanoq.gl
Qinnuteqaammik tunniussivissaq piffissaq kingulleq 8.juli 2020
Atorfik elektroniskimik linki ataaniittoq toorlugu qinnuteqarfigineqassaaq, qinnuteqaammi CV inaarutaasumillu ilinniarsimanermut uppernarsaatit ilanngunneqassapput, allallu pingaarutillit soorlu pappiaqqat takussutissat kakkiullugit ilanngunneqassallutik.
Qinnuteqaatit e-mailikkut allakkerisarfikkullu allakkatut nassiussat atorsinnaanngillat


 

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia