Aqutsisussaqqissut Pisiffik Nuummi / Ledertalenter søges til Pisiffik i Nuuk
Ikkunneqarpoq: 17-01-2025
Piffissaq atuuffissaa naassaaq: 31-03-2025
Suliffissamut ID normut: 331601679
Atorfeqarnermi atugassarititaasut: Tamakkiisoq
Suliassaqarfik: Pisiniarfik & sullissineq
Atorfiup taaguutaa: Souschef, Butikchef
Misilittakkat - Annertunerusumik: Afdeling (3) 11 - 20 medarbejdere
Oqaatsit:
| Danskisut |
Atuarneq/ oqalunneq |
| Kallaallisut |
Atuarneq/ oqalunneq |
Akisussaaffeqarnissat qunuginngiliut aqutsisussaqqissutsillu ineriartortikkusullugu? Niuernermi suliaqarninni qaffakkiartorninni alloriaqqinnissat sinnattoraajuk? Taamaappat Pisiffik Nuummi nerisassaarniarfimmi tullersortitut imaluunniit pisiniarfimmi aqutsisussarsiornitsinni pisariaqartippatsigit.
Pisiffik A/S-imi, tassaasumi Kalaallit Nunaanni niuertarfinni annerpaami, pisiniarfiup pitsaassusaata suliaqarfimmi pikkorissuseq (professionalisme), pisisartut misigisaat sulisullu pingaartillugit annertunerusumik qaffasinnerulersitsinissarput takoorluugaqarpugut. Suliniutit allat suli pilersaarutigaagut, taamaattumik aqutsisussaqqissussarsiorpugut. Aqqummi tassani pissanganarluinnartumi peqataarusukkuit atuarnerit ingerlatiinnaruk.
Pisiffimmeeqataalerit – aqutsisutullu ineriartorlutit
Anguniakkagut qaffasissut anguniarlugit pisiniarfiutittalu ilaani allanngueqataarusuttumik pimoorussisunik ineriartorusuttunillu piukkunnartussarsiorpugut.
Tullersortitut imaluunniit Pisiniarfimmi aqutsisutut pisiniarfimmi pingaarutilittut aqutsisut akornanniilissaatit, piginnaanitillu suliffeqarfimmi uummaarissumi ikorfartuisumilu ineriartortinnissaanut periarfissaqalissallutit.
Atorfik pillugu
Pisiffimmi nerisassaarniarfimmi tullersortitut Pisiniarfimmiluunniit aqutsisutut pissarsiarissavatit:
- Aqutsisutut sungiusarneq ineriartornerlu: Akisussaaffeqalernissannut piareersassavatsigit aqutsisutullu inissisimaninni ineriartornissat isumagissallugu. Ineriartupallannissat neriorsuutigaarput.
- Ingerlatsinermut akisussaaffik: Ullut tamaasa pisiniarfik tuniniaanissamut piareersimasumut qulakkeerinneqataallutillu pisisartut nuannerluinnartumik misigititseqataanissaq.
- Sulisunut aqutsisuuneq: Aqutsisoqatitit peqatigalugi pisiniarfimmi sulisut ilinniartikkit, kajumissaakkit ineriartortillugillu.
- Ulluinnarni pitsaanerulersitsineq: Pilersaarusiorluarnikkut kisitsisillu pingaarutillit malinnaaffiginerisigut pisiniarfiup anguniagaanut kaaviiaartitaanullu tunniusseqataagit.
Misilittakkatit angorusutatillu apeqqutaatillugit tullersortitut aallartissinnaavutit aqutsinermullu piginnaanertusarlutit – imaluunniit Pisiniarfimmi aqutsisutut akisussaaffimmi tigusillutit pisiniarfiullu iluatsinneranut siuttuullutit.
Kinaavit?
Inuk ingerlarsorsinnaassusilik ilikkagaqarusuttorlu pissarsiariniarparput. Immaqa niuernerup silarsuaani misilittagaqareersuuvutit alloriarusullutillu, imaluunniit aqutsisutut nutaajuvutit, suliassatigulli alliartornissannut kajumissuseqarlutit.
Takorloorparput:
- Aqutsisuunermut soqutigisaqartuusutit sulisunillu aqutsinissannut pisiniarfimmillu ingerlatsinissannut ineriartorusussuseqartuusutit.
- Aaqqissuussaasumik suleriuseqartuusutit ulluinnarmilu ulapiffiusumi sunik tamanik takunnissinnaassuseqartuusutit.
- Alapernaatsuusutit anguniakkavillu angunissaannut pisinnaasanik nutaanik ilinniarnissannut piareersimasuusutit.
- Kiffartuussinermut pikkorissuusutit pisiniarfilerinermilu pitsaalluinnartumik misigititsinissannik kissaateqartuusutit.
Suut neqeroorutigaagut?
Pisiffimmi:
- Suliffik aqutsisutut ineriartortitsinissamut pingaartsisisoq suliffigissavat.
- Piginnaasatit aallaavigalugit aningaasarsiat unammillerluarsinnaapput.
- Ineqartitaanissamut periarfissaqarpoq.
- Atorfik soqutiginartoq kiffaanngissuseqarluartumik akisussaaffilik.
- Misilittagaqarluartunik suleqatinit aqutsinermullu sakkussat atorlugit tapersersorneqarneq avitseqateqarnerlu.
Maanna qinnuteqarit – aqutsisutullu qaffakkiartorninni alloriarlutit!
Pisiffiup pisiniarfiutaasa ilaanni aqutsisutut ineriartornissannut akisussaaffeqalernissannullu piareersimavit?
Taamaappat qinnuteqaatit CV-llu ataani linkikkut nassiussigit. Atorfik pillugu apeqqutissaqaruit Tuniniaanermik pisortaq, Dennis Larsen tlf. +299 59 79 52 imaluunniit mail: denl@pisiffik.gl aqqutigalugit saaffigisinnaavat.
Oqaloqatigiinnerit ingerlatillattaassavagut, taamaammat ullumikkut qinnuteqaatit nassiutereeruk.
Tusarfiginissat qilanaaraarput.
Pisiffik A/S-i pillugu: ?
Pisiffik A/S-i tassaavoq 53-inik pisiniarfittalik/immikkoortortalik 800-llu missaannut sulisulik ataasiakkaanik nioqquteqartartuni Kalaallit Nunaanni annerpaat ilaat. Tunisassianik pitsaasunik assigiinngitsorpassuarnik neqerooruteqartarnikkut pitsassuarmillu pisisartunik sullisseriaaseqarnikkut, pisisartutsinnut ataavartumik niuerfigineqartuarnissaaput anguniagaraarput. Nutaaliornikkut, piujuartitsinikkut sumiiffimmilu inuiaqatigiinnut nukittuumik ataqateqarnikkut, pisiniarnermi misigisaq immikkut ittoq anguniagaraarput.