sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.
Mittarfeqarfiit

Atorfik ikkussara / Mit JoHotel Kangerlussuaq inussiarnerlunilu kiffartuusserusussusilimmik unnuami matulerisussarsiorpoqb

Mittarfeqarfiit

Ikkunneqarpoq: 25-07-2022
Piffissaq atuuffissaa naassaaq: 10-08-2022
Suliffissamut ID normut: 331243803
Atorfeqarnermi atugassarititaasut: Tamakkiisoq
Suliassaqarfik: Akunnittarfik & neriniartarfik
Atorfiup taaguutaa: Natportier
Misilittakkat - Annertunerusumik: Altmuligmand
Oqaatsit:
Danskisut Atuarneq/ oqalunneq
Tuluttut Paasisinnaavakka
Kallaallisut Atuarneq/ oqalunneq

Hotel Kangerlussuaq ullut suliffigisatit

Unnuami matulerisutut saaffiginnittarfimmi suleqatigiit, akunnittarfimmi ingerlatsinermi qitiusut ilagilissavatit. Ullut marluk assigiinneq ajorput, taamaattumillu ullut suliffissat pissanganartut neriorsuutigisinnaavagut, tamaani isumatusaarneq ataatsimullu isiginninneq ataatsimoorluta iluatsitsinissatsinnut toqqammavissamik pilersitsillutik. Saaffiginnittarfik sapaatit akunnerini tamani ukiorlu kaajallallugu ulloq unnuarlu inoqartuarpoq.

 

Suliassat

Saaffiginnittarfimmi sulineq tassaavoq assigiinngiiaartupilussuarnik suliassaqarfiusoq, ilaatigut makkuninna ilaqartumik

 

  • Akunnittarfimmi tikeraat tikinnerinik aallarnerinillu nalunaarsuinerit
  • Allakkanik akissuteqartarnerit
  • Neqerooruteqarnerit, ilanngullugit naatsorsuinerit
  • Inniminniinernik ataatsimeersuarnernillu piffissamik inniminniinerit
  • Tikinnerata nalunaarneranit aallarnissaanut tikeraamut akisussaaffeqarneq
  • Inniminniinerit ingerlateqqinnissaannut tunngatillugu immikkoortoqarfiit sinnerinut ilisimatitsinissap qularnaarnissaa
  • Ininik ingerlatsinerit pitsaanerpaanngorsarneri
  • Siunertanut aalajangersimasunut suliassat allat

Neqeroorutigaarput

Suliffitsialak atorfimmi assigiinngiiaarlunilu namminersorfiusumi amerlasuunik tamaviaarfissartalik, tamaani inuttut, soorlulusooq sulianut tunngasutigut ineriartornissamut pitsaasunik periarfissalik. Sulliviup ullut marluk assigiinneq ajorfiata, aammalu akunnittarfiup ”Kalaallit Nunaanni akunnittarfiit pitsaanerpaat ilaannut” akuulersinniarneranik takorluukkamut tunngatillugu uagut sulisuusutut assissaqanngitsumik suleqatigiiffigisatta ilagilissavaatit. Aammattaaq aaqqissuussiffiup assut allanngoriartortup ilagilissavaatit, tamaanilu kiffartuussineq ulapaarnerlu sanileriillutik ingerlapput.

 

Illit

Saaffiginnittarfimmi sulianut ilinniarsimasuuvutit, imaluunniit suliaqarfiusumut attuumassutilimmik allamik ilinniagaqarsimavutit. Inniminniinermut aaqqissuussamik Picasso’mik misilittagaqassaguit iluaqutaassaaq (taamaattorli piumasaqaataanngilaq). Kalaallit, danskit ajornanngippallu tuluit oqaasii sapersaatigissanngikkitit naatsorsuutigaarput. Oqaatsit atorsinnaasat amerlanerit iluaqutaaginnassapput, tikeraartigummi nunarsuarmit tamarmit aggersuupput.

Saaffiginnittarfimmiutut illit tassaavutit akunnittarfiup avammut kiinnerfia, matukkullu isernerminni tassaavutit tikeraap naapitaa siulleq, taamaattumillu ammasuullutillu inussiarnersuunissat pingaartuuvoq. Nalaataqarfinni ulapaarfiusuni ataatsimut isiginnissinnaassuseqassaatit, assersuutigalugu naatsorsuutiginngisamik ulapaarnermik pilersitsisumik tassanngaannaq pisoqassagaluarpat. Malunnaarsaarnissaq tutsuiginassuserlu piareersimaffigissavatit, taakkunatigut tikeraat pitsaanerpaamik misigisaqartinniarlugit.

Piginnaasat tamakku ilinni ilisarisinnaagukkit maannakkut ilinnut eqqortumik atorfissannik peqarpugut.

 

Isumannaallisaanikkut akuerisaaneq:

Atorfinitsitaassaguit politiinit isumannaallisaanikkut akuerineqarnissat piumasaqaataavoq. Taamaattumik pinerluttulerinermut nalunaarsuiffimmit naqitaq ilanngullugu nassiutissavat. Taanna najugarisami politeeqarfimmi pissarsiarisinnaavat.

 

Atorfinitsitaanermi atugassarisat:

Aningaasarsiat atorfinitsitaanermullu atugassarisat attuumassutilittut sulisartut kattuffiat najoqqutaralugu pissaaq. Taamatut ittoqanngippat inunnut ataasiakkaanut isumaqatigiissutikkut atorfinitsitaaneq pisinnaavoq. Sulinerup nalaa tassaavoq sapaatip akunneranut nal. akunneri 40, ullaakkut unnukkullu pigaartuusarfillit. Atorfinitsitsineq pissaaq ull. 1. september 2022, imaluunniit isumaqatigiissuteqarnikkut piaarnerpaamik.

 

Annermik paasisaqarit

Atorfik pillugu annertunermik paasisaqarnissat kissaatigigukku imaluunniit apeqqutissaqaruit akunnittarfiup pisortaanut Trine Møller Larsenimut attaveqarnissannut tikilluaqqusaavutit, mailikkut tmla@mit.gl imaluunniit oqarasuaatikkut: +299 29 29 44.

Apeqqutit nalinginnaanerusut HR-imi immikkoortoqarfimmut saaffiginnissutaasinnaapput, mailikkut ugguuna: hr@mit.gl

 

Qinnuteqaat

Atorfinitsitaanissat naatsorsuutigissagukku qinnuteqaatit, cv, kiisalu ilinniagaqarnermut uppernarsaatit qarasaasiakkut ataani linki aqqutigalugu kingusinnerpaamik ull. 10. August 2022-mi nassiutissavatit.

 

Mailikkut qinnuteqaatinik tigusaqarneq ajornerput ilinnut sianigeqqussavarput.

Hotel Kangerlussuaq tassaavoq Mittarfeqarfinnit pigineqartutut suliffeqarfik namminersortitaq. Hotel Kangerlussuaq tassaavoq akunnittarfik nuannersoq, 86-inik ineqartoq, aamma 176-inik siniffeqartoq, taakku ininut inummut, inunnut marlunnut, ilaqutariinnullu agguataarneqarlutik. Hotel Kangerlussuaq cafeteria, neriniartarfik, imerniartarfik, ataatsimeersuartarfik, kiisalu mittarfiup kioskia tammajuitsussarssisarfillu ingerlatarai.


Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia
Suliffeqarfimmit ataatsimit suliffissat allat