Malugiuk atorfimmut allagarsiissutaasumut matumunnga piffissaliussaq naareerpoq! Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.
Attaveqatigiinnermut immikkoortortami sulisoq
Ikkunneqarpoq: 13-02-2025
Piffissaq atuuffissaa naassaaq: 25-02-2025
Suliffissamut ID normut: LJA-85948286
Atorfeqarnermi atugassarititaasut: Tamakkiisoq
Suliassaqarfik: Allat
Inuussutissarsiornermut attaveqatigiinnermi pikkorissuuit, assigiinngitsutigut saaffiginnittunut oqaasertaliinermik misilittagaqarlutit? Taamaappat una atuaruk!
Greenland Airports ineriartupiloorpoq apriilillu aallaqqaataaniit attaveqatigiinnermut immikkoortortaqarfitsinnut suleqatissarsiorpugut.
Suliassatit makkuussapput:
- Suliffeqarfiup attaveqaatinik ineriartortitsinera ingerlaavartumik qulakkiissavat, imarisassallu sammisatut, strategiskimik, aammalu nutaaliorsinnaanermik allanneqarnissaat isumagalugit.
- Facebook, LinkedIn, Instagram, aammalu nittartagaq nutaaq immersortassallugit.
- Suliffimmi attaveqatigiinnermut immikkut sammisassaqartinneqassaaq, sulisut ilisimasaqarluarnerulernissaat, suliffeqarfiup kinaassusaata nukittorsarneqarnissaa aamma suleqatigiinnerup nukittorsarneqarnissaa anguniarlugu.
- Avatangiisinut pingaaruteqartunut attaveqarneq.
- Aaqqissuussanik, soorlu tamanut ammasumik isertitsinernut, unnuk kulturisiorfimmi, ilinniartitaanermullu suliniutinut pilersaarusiornermi peqataaneq.
Ilinnut naatsorsuutigut:
- Sammisatut, strategiskimik, nutaaliornermik attaveqatigiinnermik suliaqarnermik misilittagaqartutit, soorlu aamma assinik imaluunniit videonik suliarinnittarnikkut.
- Suliffeqrfiup annertuumik pitsaasumillu ineriartornerani sunniuteqaqataasinnaasutit.
- Qiimasuullutillu inussiarnersuusutit.
- Kalaallisut, danskisut, tuluttullu oqaaseqartuuguit iluaqutaassaaq.
Neqeroorutigaarput:
Greenland Airports tassaavoq suliffeqarfik nutaaq, Mittarfeqarfiit aamma Kalaallit Airports kattunnerisigut pilersinneqartoq. Maanna kulturikkut aamma strategiskimik allanngoriartornermi pingaarutilimmik inissisimavoq, tassanilu peqataassaatit.
Greenland Airpoortsimi suleqatigiit akornanni ineriartortitsinermut, suleqatigiinnissamut, suliffimmi pitsaasumik inuuneqarnissamut pingaartitsisuuvugut. Suliffeqarfik pitsaasoq pilersissallugu anguniagaraarput – suliffimmi toqqissisimasumi, alloriarfissaqartumi, aammalu nutaanik pilersitsiviusumi.
Aningaasarsiat assigiinngisitaarlutik isumaqatigiissutigineqassapput.
Nalunaarsuutinut akuerineqarsinnaaneq:
Suleqatigilerusukkutsigut, taava politiinit pinerlussimannginnermut uppernarsaat tigusimassagit piumasaqaataavoq. Taamaammat qinnuteqaammut ilanngullugu nassiunneqassaaq, illoqarfigisanni politeeqarfimmut imaluunniit www.sullisivik.gl aqqutigalugu piniarneqarsinnaavoq.
Attaveqatigiinnermut pisortamut attaveqaataassaatit.
Qinnuteqarfissaq:
Qinnuteqaativit tigunissaat qilanaaraarput kingusinnerpaamik marlunngorneq februarip 25-iat 2025.
Qinnuteqartunik ingerlaavartumik oqaloqateqartoqartarneq pissaaq, atorfinitsitsineq pisinnaavoq naleqquttumik inuttassarsisoqarpat qinnuteqarfissamut ulloq killiussaq anguneqanngikkaluarpalluunniit. Taamaattumik periarfissaq siulleq atorlugu qinnuteqarnissamut kajumissaarpatsigit.
Paasissutissanik annertunerusunik pissarsiniarlutit:
Atorfimmut apeqqutissaqassaguit, attavigisinnaavat Attaveqatigiinnermut pisortaq Mikkel Lund oqarasuaatikkut 231700 imaluunniit e-mail mbl@airports.gl aqqutigalugu.
Greenland Airports Kalaallit Nunaanni mittarfinnik 13-inik aammalu helikopterinut mittarfinnik 46-inik ingerlataqarpoq. Sulisut 500-t missaanniipput, suliffeqarfillu nunami suliffeqarfiit annersaasa ilagaat. Sulisut ineriartortinnissaat suliassaralugu, suliffimmi ineriartorneq ataavartumik anguniarlugu sulivugut.