sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Barselsvikar - Skolesocialrådgiver

Avannaata Kommunia

Ilulissat
Ikkunneqarpoq: 25-11-2022
Piffissaq atuuffissaa naassaaq: 16-12-2022
Suliffissamut ID normut: LJA-84284639
Atorfeqarnermi atugassarititaasut: Tamakkiisoq
Suliassaqarfik: Allat, Meeqqat & inuusuttut, Isumaginnittoqarfik

Atuarfik Jørgen Brønlund Ilulissat erninermi taartaasussamik inunnik isumaginninnermut siunnersortimik pissarsiorpoq.

Meeqqanik, inuusuttunik taakkulu ilaqutaannik atugarliortunik sullissinissamut kajumissuseq pigigukku, illiuvoq inunnik isumaginninnermut Atuarfik Jørgen Brønlundimi erninermi taartaasussarput. Immikkoortortaq Ilulissani meeqqanut inuusuttunullu ernunamartumik atugaqartunut, ineriartortunut, sanngiinnerusunut, eqqugaasimasunullu sammititamik siusinaartumik pinaveersaartitsinermik nukittorsaaneruvoq. Atuarfimmi inunnik isumaginninnermut siunnersortip Ilaqutareeqarnermut ingerlatsivik suleqatigalugu, atuartunut inuttut pissusilersornermikkulluunniit ajornartorsiuteqartunut, sapinngisamillu taakku ilaqutaasalu siusissukkut naapertuuttumik neqeroorfigineqarnissaannik qularnaarinnittuussaaq.

Piffissami 1.januar 2023 – 28. april 2023 atorfik erninermi taartaaffiussaaq. Atuarfik Jørgen Brønlundimi atuarfiup pisortaanut attaveqartassaatit. Atuarfik Jørgen Brønlundimi atuartut akornanni atugarissaarnerup, ataqatigiinnerup ataatsimooqatigiinnerullu annertusarnerinut peqataassaatit.

Atuarfik Jørgen Brønlundimi atuartut 322 missaanni atuartuupput 1. - 10. klassenut agguataarsimasut. Atuarfimmi ilinniartitsisut 48 - rupput, allaffimmioq, pisortamut tullersorti ataaseq kiisalu atuarfiup pisortaa ataaseq.

Immikkoortortap ataatsip ineriartorfiusullu ilarilissagaatit Avannaata Kommuniata neqeroorutigaa. Atuarfimmi suleqatigiit pimoorussipput sulinerlu tatigeqatigiiffiusumik ingerlanneqarluni. Atuarfimmi inunnik isumaginninnermut siunnersortitut nutaatut, sunniuteqaqataassaatit misigisassanillu amerlasuunik periarfissaqassallutit.

Naatsorsuutigaarput illit:

  • Inunnik isumaginninnermi siunnersortitut assigisaanilluunniit ilinniagaqarsimasutit.
  • Inunnik isumaginninnermi siunnersortitut suliaqartutut aamma sulianik suliarinnittartut suliaannik atuuffiannillu misilittagaqarluartutit. Ataatsimut isigalugu, meeqqat tapersersorneqarnissaat pillugu Inatsisartut inatsisaannik, atuarfeqarnerup ingerlanneqarneranik ilisimasaqartutit aamma/imaluunniit allatut inunnik isumaginninnermik suliaqartutut misilittagaqartutit.
  • Suleqatigiinni sulisinnaasutit, suleqatiginninnissamullu piginnaasaqarluarlutit allanik akuutitsisinnaasutit.
  • Attaveqarnissamut ilitsersuussinissamullu pikkorissuusutit.
  • Meeqqanut inuusuttunullu attaveqarnermik pitsaasumik pilersitsisinnaassuseqartutit.
  • Namminersorlutit sulisinnaasutit, suliassat aaqqissuunnissaannut, ataqatigiissaarnissaannut, pilersaarusiornissaannut malitseqartinneqarnissaannullu pikkorissuusutit.
  • Qinnuteqartut oqaatsinik marluusunik (kalaallisut/qallunaatut) atuisinnaasut salliutinneqassapput.

Suliassatit ilaatigut makkuussapput:

  • Siusissukkut suliniuteqarneq, taamaaliornikkut ajornartorsiutit annertusinnginninniassammata.
  • Atuarfiup angerlarsimaffiullu akornanni suleqatigiinnerup nukittorsarnissaa.
  • Attaveqaqatigiinnermik ilaqutariit ilaqutareeqarnermullu ingerlatsiviup akornanni siuarsaaneq.
  • Atuartup ingerlanerani ineriartorneranilu ernumassuteqartoqarpat, ilaqutariit atuarfiullu akornanni paaseqatigiinnissaq attaveqatigiinnerlu siuarsarneqassaaq.
  • Inunnik isumaginnittoqarfimmi meeqqanik sullissisunik atuartut pillugit nalunaarutiginninnerit, oqaaseqaatillu suliarineqartussaatillugit qulakkeerinnissaaq attaveqaqatigiinnermik ikorfartuinertalimmik.
  • Atuartut atungaasigut ineriartorneratigullu ernumanartoqartillugu, atuarfiullu ikorfartuutitut iliuuserisinnaasai nalinginnaasumik atorsinnaanngippata, nalunaarutiginninnermi eqqortumik ikorfartuutaasumik nalunaarusiortassaaq.

Atorfik pillugu paasisaqarnerorusukkuit atuarfiup pisortaa Nielsine P. Kruse tlf. 385523 attavigisinnaavat.                 E-mail.: nike@avannaata.gl

Pinerluuteqarsimanermut aamma meeqqanik innarliisimannginnermut uppernarsaat          

Atorfimmi uani pinerluuteqarsimanermut meeqqanillu innarliisimannginnermut uppernarsaammik pissarsiniarsinnaanermik pisussaaffeqarneq pillugu inatsimmut ilaavoq. Inatsit naapertorlugu, pinerluuteqarsimanermut meeqqanillu innarliisimannginnermut uppernarsaammik naammaginartumik kommuni tigusaqarsimatillugu, atorfinitsitsinissaq aatsaat aallartitsinnaavoq. Taamaattumik maluginiaqqussavarput piffissaq atorfimmut ivertinneqarfiusussaq aatsat isumaqatigiissutigineqarsinnaammat, rigspolitiiniit meeqqanut innarliisimannginnermut uppernarsaat politiiniillu pinerluuteqarsimanermut uppernarsaat kommunimiit tiguneqareernerisa kingorna.

Meeqqanik innarliisimannginnermut uppernarsaat, pineqartumit akuersissummik pereernermi kommunimit pissarsiariniarneqartussaavoq, pinerluuteqarsinermulli uppernarsaat politiiniit pineqartup nammineq pissarsiariniartussaavaa.

Akissarsiat aamma atorfininnermi atugassarititaasut

Akissarsiat aamma atorfininnermi atugassarititaasut, Kalaallit Nunaanni Namminersorlutik Oqartussat imaluunniit kattuffiup allap isumaqatiginninniarsinnaasup akornanni isumaqatigiissutaasut malillugit pissapput.

Atorfiup inuttalerneqarnissaa 1.januar 2023 isumaqatigiissuteqarnikkulluunniit pissaaq.

Atorfik taartaaffik sulisumut inissaqartitsinngilaq.

Qinnuteqarneq

Qinnuteqaat, ilinniarsimanermut uppernarsaatit, imminut ilisaritinneq, siusinnerusukkut suliffigisimasanut paasissutissat soraarummeernermilu pappiaqqanik ilaqartillugu, kingusinnerpaamik ulloq 16.dec. 2022 nassiunneqassapput.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia