sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Børnehave Nuka i Kangerlussuaq søger en souschef, pædagoger og socialhjælper

Qeqqata Kommunika

Sisimiut
Ikkunneqarpoq: 03-08-2022
Piffissaq atuuffissaa naassaaq: 09-09-2022
Suliffissamut ID normut: LJA-83893537
Atorfeqarnermi atugassarititaasut: Tamakkiisoq
Suliassaqarfik: Meeqqat & inuusuttut, Atuartitsineq & Meeqqerineq

Meeqqerivik Nuka Kangerlussuarmi atuarfiup, kommunip allaffiata aammalu timersortarfiup naluttarfiullu eqqaani inissisimavoq. Nuka meeqqanut affarmit arfinillit tikillugit ukiulinnut 44-nut inissaqarpoq.

Meeqqerivik ininut pingasunut aggulugaavoq, Norrakkut affarmit marluk tikillugit ukiullit, aammalu Ukaliakkut marlunnit sisamat tikillugit ukiullit, Umimmakkut sisamanit arfinillit tikillugit ukiullit, init tamarmik sinittarfeqarlutillu pinnguartarfeqarput, tamatuma saniatigut ataatsimoorfimmik inersuaqarpoq.

Sulisut: aqqaneq-marluk ima agguataarneqarlutik. Aqutsisoq 1, tullersorti 1, perorsaasut 2, meeqqerisut isumaginninnermilu ikiortit 3, perorsaanikkut ikiortit 3, nerisassiornermi eqqiaanermilu ikiorti 1.

Suliassat akisussaaffiillu:

Meeqqanut suli atualinngitsunut perorsaanikkut inerikkiartuutaasunik ulluunerani neqeroorutit pillugit Inatsisartut inatsisaat nr. 16, 3. december 2012-meersoq malinnissaanut akisussaaqataassaatit, tamatuma saniatigut Qeqqata Kommuniata nittartagaani meeqqanut inuusuttunullu politikkia, kiisalu FN-p meeqqanut isumaqatigiissutaat aallaavigalugit sulissallutit.

Piginnaasat:

  • perorsaasutut ilinniarsimasuusutit
  • aqutsinermik pikkoriffeqartutit
  • akisussaassuseqarluartutit
  • eqeersimaartuusutit, tunniusimasuusutit nutaamillu eqqarsartartutit
  • tamat takunnissinnaassuseqartutit.
  • ulapaarfimmi uippakajaarneq ajortutit
  • nikerarsinnaasutit allannguisinnaasutillu
  • Suleqatikkuminartuusutit, kiinneraartutit avatangiisinilu akuersaartumi patajaatsuusutit

Ilinnit naatsorsuutigisagut:

  • Perorsaasutut Ilinniagaqartuusutit
  • Pisortaq qanimut suleqatigisinnaassagit
  • Pisortaq peqanngitsillugu akisussaaffimmik tigusisinnaasutit
  • Ersarissuunissat pisariaqarfimmilu killiliisinnaasutit
  • Illup iluani pisunik eqqummaarittuusutit
  • Meeqqerivitsialak ilisimaqarfigissagit
  • Meeqqap ineriartorneranut tunngatillugu angajoqqaanik oqaloqateqartarsinnaasutit
  • Pilersaarusiorsinnaasutit sulianillu agguataarisinnaasutit
  • Nutaanik pilersitsisinnaassuseqartutit
  • Suliannut tunngatillugu tamakkiisumik isiginnillaqqissuusutit
  • Suliffinnut patajaatsuusutit/tunniusimasuusutit
  • Suliannut akisussaassuseqartumik sulisinnaassasutit
  • Nuannaartoq/uummaarissoq ammasuunissarlu
  • Kalaallisut qallunaatullu oqaatsit piginnaasaqarfigissagitit
  • IT/qarasaasiamut piginnaasaqarnissat
  • Suliniutinut nutaanut eqqummaarinnissaq
  • Akuersaartumik perorsaanermi isiginnittariaaseqassasutit
  • Ulapaarnermi eqqissillutit sulisinnaasutit
  • Meeqqat immikkut pisariaqartitaannik eqqummaariffeqassasutit

Neqeroorutigissavarput:

  • Akissarsiat atorfeqartitaanermilu atugassarititaasut, taakkununnga akiliunneqarluni angalanermut pequtillu assartorneqarnissaanut pisinnaatitaaffiit ilanngullugit, Naalakkersuisut kattuffigisallu isumaqatiginninniarsinnaatitaasup akornanni isumaqatigiissutit atuuttut naapertorlugit pissapput
  • Inissaqartitsisoqarsinnaavoq, malittarisassat atuuttut malillugit ineqarnermut qaammammut akiliisoqartassalluni
  • Sulinermi atugassarititaasut pitsaasut
  • Aallartitsisinnaasoq nutaamillu eqqarsarsinnaasoq
  • Sulisut angajoqqaallu akornanni suleqatigiinneq pitsaasoq
  • Akeqanngitsumik timersortarfimmi timigissarsinnaanermut neqeroorut
  • Sulernermi avatangiisit pitsaasut
  • Isumassarsianut/siunnersuutinut nutaanut ammasuuneq

Akissarsiat, atorfinitsitaanermilu atugassarititaasut

Akissarsiat atorfeqartitaanermilu atugassarititaasut, matumani atorfininnermi angalaneq pisattanillu assartuinerit, Naalakkersuisut kattuffigisallu isumaqatiginninniarsinnaatitaasup akornanni isumaqatigiissutit atuuttut naapertorlugit pissapput.

Qaammatini pingasuni misiligummik atorfinitsitsisoqassaaq.

Ineqarneq:

Atorfik inissaqartitsivoq, taamaattumik qularnaveeqqummut ineqarnermullu, atuinermut il.il. akiliisoqartassaaq, matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Sulilernermi aalajangersimasumik suliffimmut atasumik inimik/illumik tunniussisoqarsinnaanngippat, sulisunut utaqqiisaasumik inigigallagassamik neqerooruteqartussaatillugu utaqqiisaasumik tunniussisoqarsinnaavoq, inimut/illumut akiliutit, atuinermut il.il. qulaani allassimasut naapertorlugit akiliisoqassaaq. Malittarisassat atuuttut malillugit atorfininnermi angalanermut akiliussisoqassaaq aamma pequtit assartorneqarnerat akilerneqassaaq.

Pineqaatissinneqarsimannginnermut aammalu meeqqanik pinerliisimannginnermut uppernarsaat:

Atorfik matumani pineqartoq pineqaatissinneqarsimannginnermut meeqqanillu pinerliisimannginnermut uppernarsaammik pissarsiniarnissamut pisussaaffeqarneq pillugu inatsimmi ilaatinneqarpoq. Inatsit naapertorlugu kommuni uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput Kommunip uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit piniarneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Qinnuteqarnermi piumasaqaatit:

  • Ilinniarsimanermut uppernarsaat
  • Imminut ilisaritinneq
  • Suliffigisimasami oqaaseqaatit attavissallu
  • Pikkorissarsimanermut uppernasaatit

Atorfimmut atatillugu annertunerusumik paasisaqarusukkaanni, Meeqqerivimmi aqutsisoq Ingrid Larsen Kruse attavigineqarsinnaavoq, oqarasuaat: 84 11 75 imaluunniit Meeqqeriveqarnermut allaffimmi pisortaq Amos Frederiksen 86 74 02.

Atorfinitsitsineq 2022-mi aggustip aallaqqaataani imaluunniit isumaqatigiissuteqarnikkut pissaaq.



Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia