sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.
Kalaallit Nunaanni Brugseni

Brugseni Nuuk iggavimmi delikatesseerniarfimmilu tullersortissarsiorpoq / Brugseni Nuuk søger souschef til køkken- og delikatesseafdelingen

Kalaallit Nunaanni Brugseni

Ikkunneqarpoq: 02-06-2020
Piffissaq atuuffissaa naassaaq: 30-06-2020
Suliffissamut ID normut: 330278276
Atorfeqarnermi atugassarititaasut: Tamakkiisoq
Suliassaqarfik: Pisiniarfik & sullissineq
Atorfiup taaguutaa: Delikatesseleder, Souschef, køkken
Misilittakkat - Annertunerusumik: Kundeservice, Ansvar,
Oqaatsit:
Danskisut Atuarneq/ oqalunneq
Kallaallisut Atuarneq/ oqalunneq

Iggavipput delikatesseerniarfippullu piginnaasalimmik nerisassanik, pisortaanermik paasisimasaqarluartumik qiimasumillu tullersortissarsiorpoq. Igasumik ilinniarsimasumik pisariaqartitsivugut iggavimmik ingerlatsilluarsinnaassusilimmik sulisunillu kajumissaarillunilu siulersuisinnaasumik iggavimmilu pisortamut ikiortaasinnaasumik.   

Kalaallit Nunaanni iggaviit annersaasa ilaattut assigiinngitsorpassuarnik suliassaqassaatit. Nerisassiavut kulturinit assigiinngitsunit mamartuliaasarput, ilaatigut kalaalimerngit assigiinngitsorpassuit sassaalliutigineqartarlutik, aammalu Nunatsinneersunik, soorlu tuttuminernik, umimmaminernik, puisiminernik arfiminernillu tunisassiaqartassaatit. 

Suliarisassaviit sungiutereerukkit isumassarsiorluarnissamut periarfissaqarluassaatit iggavimmilu suliarineqartunik illillu atorfinnik ilusileeqataasinnaassallutit. 

Tullersortitut suliassarissavat immikkoortortami suliaqarfiulluartumik avatangiisigissaartitsinissaq. Brugsenimi pingaartipparput pisortartavut tatigeqatigiinnikkut ataatsimoorussinikkullu angusaqarluartarnissaat. Taamaattumik sullivimmi avatangiisinik sulisunik tulluusimaartitsisinnaasunik pilersitsisinnaasariaqarputit, taakku ullut tamaasa sapinngisartik tamaat sulilluarusulersillugit.

Nuummi pisiniarfitsinni 170-it missaanniittunik sulisoqarpugut, taakkunanngalu 20-t missaanniittut iggavimmi delikatesseerniarfimmilu sulisuupput. Avatangiisini ammasuni pisiniartitsivittalimmi sulisarpugut. Taamaattumik pisinianik sullissinerput soorunami pitsaanerpaajuaannarpoq. Iggavimmi qiimaneq sulilluarnerlu pingaartinneqarpoq. Taamaattumik inuttut inunnik allanik angusarissaartitserusussuseqassaatit nerisassiornermillu nuannarisaqarluinnarnerit iggavimmi sulinissamut kajumississutigissallugu. 

Suliassatit

Pisiniarfimmut suliffeqarfinnullu sullitanut assigiinngitsunik nerisassiortarneq
Iggavimmi pisortaq qanimut suleqatigalugu sulisunik siulersuineq 
Egenkontrol eqqiluisaarnerlu 
Pisiassanik inniminniisarneq tigusisarnerlu
Pisinianik sullissineq
Iggavimmi pisortaq peqanngikkaangat immikkoortortamut akisussaasuuneq
Illit piginnaasatit
Igasutut ilinniarsimaneq (ajornanngippat ukiuni 3-5-ini iggavimmi sulinermik misilittagaqarneq)
Siornatigut atorfigisimasanit pisortatut suliaqarnermik misilittagaqarneq iluaqutaassaaq, piumasaqaataanngilarli (Ilinniartinneqarnissamut periarfissaqassaaq)
Akuersaartuuneq kulturinilu assigiinngissutinik paasinnittuuneq
Pitsaassutsimik akisussaassutsimillu ilisimaarinnittuuneq
Eqqiluisaarluinnartuuneq
Inuttut ammasuuneq suleqateqarluarsinnaanerlu qiimasuunerlu
Iluatsilluarnissamut piumassuseqarneq suleqatigeerusussuseqarnerlu
Pisortatut suliamik imaannaanngitsumik suliaqarusussuseqarneq
Attaveqaqateqallaqqinneq
Ilinnut neqeroorutigisinnaasavut
Pisortatut piginnaasanik ineriartortitsinissamut periarfissaqarneq
Nioqqutissanik nalinginnaasunik kalaaliminernillu suliaqarnissamut periarfissaqarneq
Iggavik delikatesseerniarfillu nutaat pisiniartitsivittallit
Piginnaasat naapertorlugit akissarsiaqarneq
Sulisunut inissiami najugaqarnissamut periarfissaqarneq
Atorfininnermut atatillugu suliffimmillu tunuarnermut atatillugu angalanerit pigisallu nassiunnerinik akiliutsinneq
Qinnuteqarnissamut killigititaq
Kingusinnerpaamik juunip 30-at 2020.
Ingerlaavartumik oqaloqateqartoqartassaaq.
Isumaqatigiissuteqarneq naapertorlugu atorfininneq 01.08.2020.
Qinnuteqaatit nassiunneqartassapput nittartakkatsigut www.brugseni.gl/job (e-mailikkuunngitsoq).
Nuuk pillugu
Nuuk Kalaallit Nunaanni illoqarfiit pingaarnersaraat 18.000-t missaanniittunik inoqarluni. Illoqarfik ilaqutariinnut neqeroorutissaqarluarpoq kiisalu meeqqanut meeqqat atuarfiini atuartunut periarfissaqarluarluni. Illoqarfimmi sammisassaqarluarpoq pisiniarnissamut, caféliarnissamut filmeriarnissamut nalugiarnissamullu periarfissaqarluarluni. Kalaallit Nunaata sineriaani allanisulli Nuuk pinngortitarsuarmit alianaatsumit avatangerneqaqqavoq piniarnissamut, aalisarnissamut angalaarnissamullu periarfissaqarluarluni.
Kalaallit Nunnaani Brugseni pillugu:
Suliffeqarfiuvugut kalaallinit 100%-imik pigineqartoq Kalaallillu Nunaanni illoqarfinni arfineq-pingasuni pisiniarfiuteqarluta. 2020-mi ukiut aappassaannik ”Great Place to Work”-itut uppernarsaaserneqarpugut, tamannalu qulakkeerutaavoq illit pikkorissaarfiusunik avatangiiseqarnissannut suliannilu piginnaasannik pingaartitsiffiusunik ineriartornissamullu periarfissaqarluarfiusunik sulinissannut.

Atorfik pillugu apeqqutissaqaruit attavigiuk:
Iggavimmi pisortaq Susanne Lund
E-mail: 07650d@brugseni.gl
Tlf.: +299 34 98 15

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia