Civilinspektør / Civilinspektøri / Civil Superintendent
Ikkunneqarpoq: 21-01-2025
Piffissaq atuuffissaa naassaaq: 21-04-2025
Suliffissamut ID normut: 331601707
Atorfeqarnermi atugassarititaasut: Tamakkiisoq
Suliassaqarfik: Assassorluni sulineq & sanaartorneq
Atorfiup taaguutaa: Bygningsinspektør
Misilittakkat - Annertunerusumik: Bygge & anlæg
Oqaatsit:
| Danskisut |
Atuarneq/ oqalunneq |
| Tuluttut |
Atuarneq/ oqalunneq |
| Kallaallisut |
Atuarneq/ oqalunneq |
Pennecon tassaavoq inuit najugaanni, atortussiornermi, kiffartuussinermi, aserfallatsaaliuinermi kiisalu imarsiortunut atortussionermi aaqqiissutissanik pilersuisuusut sallersaat. Suleqatigiit Canada tamakkerlugu sulilluartuuvugut, sullivinni pisariunerpaajusuni avatangiisinilu unamminartuni aaqqiissutissanik pilersuerusussutsimik piumassuseqarnermillu tunngaveqarlutik ataatsimooqatigiittut. Inunnik savituunik suleqatissarsiorpugut, suliassani assigiinngitsuni aaqqiissutissanik nassaarniarnissamut kajumissuseqarlutillu nutaaliorusussuseqartunik.
Penneconip pissarsiariniarpai inuit piukkunnarsarsimallutik Kalaallit Nunaanni Qaqortumi mittarfiliornermi sulisinnaasut. Suliassamik aallartitsileratta pissarsiarerusuppavut inuit piumassusillit piginnaaneqarluartullu teknikkimut tunngasunik piginnaasallit, avatangiisini suleruluffiusussani suleqatigiinnermik tunngaveqartumik ingerlatseqataarusussinnaasut.
Atorfik: civilinspektøri
Sumiiffik: Qaqortoq, Kalaallit Nunaat
Inspektørip akisussaaffigissavai suliassap ilusissaata, aningaasaqarnermut missingersuutit pilersaarutillu piffissalersugaasut naapertuuttumik ingerlanissaasa qulakkeernissaat.
Inspektøri sullivimmi sulissaaq akisussaaffigissallugulu suliap ingerlanneqarnerani suliffeqarfiup isumannaallisaanermut, pitsaassutsimut avatangiisinillu mianerinninnissamut najoqqutassat ingerlalluarnissaat.
Suliassanut piumasaqaataapput:
- Suliami sulisunut ingerlatsinermullu tunngatillugit peqqinnissamut isumannaallisaanermullu tunngasut illersorsinnaassusilimmik ingerlanneqarnerisa uppernarsaatissaqartinnissai
- Navianarsinnaasut allallu nalorninarsinnaasut isumannaatsumik ingerlanissaannik ineriartortitsillunilu aserfallatsaaliuinissaq
- Isumaqatigiissut pillugu sukumiisumik ilisimasaqarnissaq, itisiliinerit kiisalu isumannaallisaanermut avatangiisinullu aalajangersakkat ilanngullugit;
- Sunniuteqarluartumik ataqatigiissaarineq nakkutilliinerlu ingerlatissallugu, sullivimmi nukissat tamarmik atorluarneqarnissaat eqqarsaatigalugu qulakkiissallugulu sulisut tamarmik sulilersigatik suliassamik suunerinik paasitinneqarsimanissaat;
- Sananeqartup pingaarnerusutigut ingerlarngata siuariartornera nakkutigissallugu kiisalu isumannaallisaanermi avatangiisinillu mianerinninnissamut tunngatillugu piumasaqaatit malinneqarnissaat nakkutigissallugit;
- Illuatungeriinnut pisussaaffeqarfigisanut akunnermusiat eqqortumik nalunaarsorneqarsimanissaat qulakkeertassallugit;
- Sullivimmi sunniutilimmik aqutsisinnaassuseqarneq ataqatigiissaarisinnaanerlu pilersuisut allat suliamillu ingerlatsinermi peqataasut allat eqqarsaatigalugit;
- Qulakkeertassallugu suliat isumannaallisaanermut pitsaassusissamullu najoqqutassat malillugit ingerlanissaat, politikkit suleriaatsillu malinneqarnersut pilersaarutaasumik pilersarutaanngitsumillu misissuiffigineqartarnissaat eqqarsaatigalugit;
- Sullivimmi sulisut, pilersuisut allat allallu attuumassuteqartut pulaartartussat akornanni suleqatigiinnissaq tunngavissiortassallugu;
- Aqutsilluarsinnaassutsimik takutitsisinnaaneq kiisalu suliami suleqatigiit tamarmiusut oqartussaasullu akornanni ataqatigiinnissamut isumaginnittuunissaq
- Pilersuisuusut allat sulisinnaassusaannik nakkutilliineq mikisialunnillu pingaarutilinnik nalunaarutiginnittarnissaq
- Sullivimmi pingaarnerusutigut ingerlatanik pitsanngorsaanissamut inassuteqartarnissaq;
- Sullivimmi ullut tamaasa ataatsimeeqatigiinnerit ingerlasarnissaannik qulakkeerinissaq, pilersaarutit piffissaq malillugu ingerlanissaasa aamma/imaluunniit iluarsiissuteqarfigisarnissaasa qulakkeertarnissaat
- Pissutsinik peqqinnissamut isumannaallisaanermullu tunngasunik pisoqartillugu misissuisarnissaq nalunaarusiortarnissarlu
Qinnuteqartup piukkunnartup makkua piginnaasaqarfigissavai:
- Ilinniagaqarsimaneq misilittakkallu:
- Civilingeniøritut bachelorinngorsimaneqi imaluunniit diplomingeniørsimaneq
- Siornatigut nunniorfinni sanaartorfiusuni sulisimanermik misilittagaqarneq
- Sanaartorlutik suleqatigiinnik aqutsinermik misilittagaqarneq, avatangiisini ilinniarsimaneq tunngavigalugu aaqqissuussaasuni aamma aaqqissuussaanngitsuni;
- Sanaartornermi atortunik teknikkinillu, titartakkanik erseqqissaatinillu, atortussanik najoqqutassanillu piumasaqaataasunik suliami atuuttussanik ilisimasaqarnissaq;
- Ingeniørit sanaartortullu qarasaasiatigut atortagaannik paasisimasaqarnissaq, P6-imik, Navisworksimik kiisalu tunuliaqutaalluartunik excelimiittunik;
- Atortunik Cat-inik Komatsunillu, assaatinik, nivattaassuarnik, usilersuutinik assigisaanillu suliaqarnermik misilittagaqarnerit
- Avatangiisini sulliviusuni namminerisamik allaffeqarluni sulinermik, uppernarsaasiornermik ingerlatsinerlu pillugu nalunaarusiortarnermik ilisimasaqarnissaq;
- Tuluttut piginnaaneqarluarnissaq, allattariarsornermi oqalunnermilu
- Maskinat atortussallu pisariaqartut suliap pilersaarutit malillugit siumukarnissaanik qulakkeerinnissutaasartunik ilisimasaqarnissaq
- Isumannaallisaanermik pitsaassutsimillu qulakkeerisarneq pillugu misilittagaqarnermut uppernarsaateqarneq
- Avatangiisini ulapaarfiusuni atortut inuillu qanillugit sulliviusuni pitsaassusilimmik aalajangiisinnaassuseqarneq
Piumasaqaatit allat
- Peqqinnissaq isumannaallisaanerlu pillugit pikkorissarsimanermi angusisimanissaq
- Avannaarsuani avinngarusimasumi sulisinnaaneq
- Silami sulisinnaaneq
- Najukkami inissaqartitsisoqarpoq, ataatsimut ineqarfiusussat utaqqiisaa
- Atorfimmi pineqartumi sivitsukkamik sulinermi najoqqutassaqarnissaq naatsorsuutigisariaqarpoq, sivikitsukkamik sulisarnissaq kiisalu weekendini sulisarnissaq pisariaqarpoq, piffissap sanaartorfiusinnaasup sivikitsup iluani suliassamik ingerlatsilertornissaq pissutigalug
Soqutiginnillutik qinnuteqartut tamarmik CV-tik allagartatillu uunga nassiutissavaat: qaqortoq-airport@pennecon.com
Ajornanngippat uppernarsaataatitit tuluttuunngorlugit nassiuteqquneqarput.
Penneconimut tamatigoortuuneq nukiuvoq, taamaammat sulisussat assigiinngitsunik tunuliaqutaqartut kissaatigineqarput. Taamaattumik piukkunnaatillit tamaasa inuttut tunuliaqutaat aalajangiisuutinnagit atorfimmut qinnuteqallaqquagut. Qinnuteqarnissamut soqutiginnittut tamaasa qutsavigaavut ilisimatitsissutigissavarpulli oqaloqatigineqartussatut toqqarneqartut kisimik attavigineqarumaarmata.
Pennecon pillugu sukumiisumik paasisaqarnerorusukkuit nittartagarput alakkartersinnaavat, ugguuna: www.pennecon.com