CNS-teknikeri Ilulissat

Mittarfeqarfiit

Ilulissat

Ikkunneqarpoq: 21-05-2024

Piffissaq atuuffissaa naassaaq: 15-06-2024

Suliffissamut ID normut: LJA-85495042

Atorfeqarnermi atugassarititaasut: Tamakkiisoq

Suliassaqarfik: Assassorluni sulineq & sanaartorneq

Teknikeriuvit, Elektroniktekniker-i/IT-teknolog-i, elektronik fagtekniker-i, aamma ulapaarfimmi tamakkerlugu isiginninneq atatiinnartarpiuk? Ilanngullugu aamma isumassarsillaqqippit aamma namminersorlutit ajornartorsiutinik aaqqissuillaqqippit, taava imaassinnaavoq atorfimmut tulluartutit Teletekniker-itut/ CNS-tekniker-itut, immikkoortumut CNS-mut (Communication, Navigation & Surveillance) Ilulissaniittumut.

 Kikkuuvugut?

Immikkoortortaqarfipput piumassuseqqortuunik sulisoqarpoq, CNS-teknikerit 6 ilinniartorlu 1 sulisoralugu taakkunani 2 Kangerlussuarmiipput aamma tekniker-i ataaseq Ilulissaniilluni. Suleqatigiittut ataqatigiilluaqaagut ilinniarsimanivullu akimorlugit suleqatigiillaqqilluta.

Mittarfissamut nutaamut Ilulissani tekniker-imik ekstra-mik atorfissaqartitsivugut.

Immikkoortup pingaarnerusumik suliassai tassaapput CNS-atortut isumannaatsumik sunniuteqarluartumillu ingerlatsinerup tungaatigut isumagissallugu Mittarfeqarfiit A/S mittarfiutaanni 13-iusuni aamma qulimiguulimmut mittarfissaq 1, taamaalilluni ICAO’p aamma Trafikstyrelse´p maleruaqqusai eqqortinneqassammata, taamaalilluta qaqugukkulluunniit Nunatsinni mittarfeqarnikkut timmisartuussinermut isumannaatsumik tapitartuunniassagatta.

Suliassatit

Teknikeri-tut suliassatit makkuninnga ilaqassapput:

• CNS-atortuinik ingerlatsinermik aserfallatsaaliinermilu peqataanissaq
• CNS-atortunik/aaqqisugaanermullu tunngasunik ikkussuinermut timitaliinermilu peqataanissaq
• Mittarfeqarfiup atortui kukkunersiorneri iluarsaannerilu, ilaatigut makkuusut, localizer, radiofyr, radar-i, VHF nassitsisoq/tigusisoq, tårn-inilu allatigut elektronisk-mik atortut
• Mittarfeqarfiini suliassaasunik angalalluni suliaqarneq
• Pigaartuusarnermut aaqqissuussineq

Piginnaasatit

Atorfimmut qinnuteqartoq eqqortoq makkuninnga tulluartunik ilinniarsimalluni tunulequtaqassaaq, torersaallaqqissaaq, suleqatiginnillaqqissuseqassaaq aamma inuit ajornanngitsumik ilagisinnaassavai.

• Elektroniktekniker-i/IT-teknolog-i, elektronik fagtekniker-i.
• CNS-avatangiisinut ilisimasaqarneq soorunami pitsaaqutaassaaq
• VHF nassitsisunik / tigusisartunik aallakaatitsiviusinnaasunillu ilisimasaqassaaq
• Danskisut/tuluttut oqalussinnaallunilu allassinnaassaaq
• Naliginnaasumik ingerlatitsisinnaanermut allagartaqassaaq.

Atorfinninnermut tunngasut

Akissarsianut atorfininnermullu tunngasut sulinermik kattuffik naleqquttoq naapertorlugu ingerlanneqassapput. Ilulissani atorfinissaaq:

• Sapaatip akunneranut naliginnaasumik akunnerit 40-ut suliffiussaaq
• Immikkoortortaqarfimmut CNS-mut allamut nuunnissamik periarfissaqassaaq
• Piaarnerpaamik isumaqatigiissuteqarnikkulluunniit sulilertoqarsinnaavoq

ID-kort

Atorfinissaguit piumasaqaataavoq ID-allagartaligaanissamik akuerisaanissat, korti mittarfeqarfiup matoqqasortaannut atugassaammat. Akuersissut atorfinninnerup tamaat ingerlanerani atuuffeqassaaq. Tamanna pissutigalugu aallarniutigalugu pinerlussimannginnermut allagartat ilanngullugu nassiutiguk.

Paasisaqarnerorusuppit:

Atorfimmut apeqqutissaqaruit tikilluaqquneqarputit attavigissallugu: CNS-pisortaq Niels Erik Petersen, mail-ikkut: niep@mit.gl imaluunniit oqarasuaatikkut +299 38 26 70, imaluunniit suleqatigiinni pisortaq/Teamleder Jens-Peter Kleist mail-ikkut jekl@mit.gl, imaluunniit oqarasuaatikkut +299 38 26 72. Ingerlaavartumik oqaloqatiginnittoqassaaq.
Apeqqutit naliginnaanerusut HR-imik immikkoortortaqarfimmut nassiunneqarsinnaapput mail-imut: hr@mit.gl.

Greenland Airports pillugit aamma paasissutissanik amerlanerunik uani nassaarsinnaavutit www.airports.gl.

Qinnuteqaat

Qilanaarpugut qinnuteqaatit tigussallugu, cv aamma ilinniarsimanermut uppernarsaatit ataani link-iusoq atorlugu uani www.airports.gl kingusinnerpaamik junip ulluisa 15-ani 2024. Ingerlaavartumik oqaloqatiginnittoqassaaq.

Qinnuteqaatit E-mail-ikkoortut tiguneqarnavianngillat