Aatsitassanut Naalakkersuisoqarfik Naalakkersuisoqarfimmut pisortamut pisortaaqatigiinni allatsimik misilittagalimmik sullissilluartartumillu sulisussarsiorpoq
Allaffissornikkut suliassarpassuarnik suliaqarusuppit, tassani Naalakkersuisoqarfimmut pisortaanitta tapersersornissaa pingaarnertut illit suliassarissallugu? Suliassat assigiinngitsorpassuit suliaqarfiginissaat pikkoriffigaajuk, peqatigisaanillu tamaasa aqussinnaallugit, aammalu ulluinnaat sukkasuumik suliffiusut kajumissuseqalersittarpaatsit? Taava una takoriaruk.

Pingaartumik suut suliarilissavigit?
Suliassat assigiinngitsorpassuit isumagisarilissavatit aammalu ulluinnarni takorlooruminaatsuni ingerlalluartarputit. Taamaattumik aaqqissugaasumik, sukumiisumik erseqqissorujussuarmillu ilinnut avatangiiserniittunullu paasisimaarinnitsitsilertarnissat pingaartipparput.

Suliffiup iluani avataanilu suleqatigisartakkanut amerlasuunut pissusissamisoortumik attaveqarfiusarputit. Taamaattumik suliniuteqartarnissat, akisussaasuunissat aammalu sullissiumatullutillu inussiarnersuunissat pingaaruteqarpoq.

Suliassatit ilaatigut tassaassapput:

• Naalakkersuisoqarfimmut pisortaanermut allatsitut ikiuunneq, ilanngullugit ullorsiutinik aqutsineq suliassallu assigiinngitsut suliarisarnissaat
• Naalakkersuisoqarfimmut pisortaanerup suliassaannik ulluinnaanillu pilersaarusiorneq ataqatigiissaarinerlu
• Naalakkersuisoqarfimmut pisortaanermut ullormut mappinik suliaqarneq
• Naalakkersuisunut, ataatsimiinnernut, Inatsisatunut najoqqutassat isumagalugit
• Suliassanik Naalakkersuisoqarfimmukartunik passussineq aammalu suliassaqarfiit akimorlugit suliassanik ataqatigiissaarineq
• Naalakkersuisoqarfimmi aaqqissuussaanermilu suliassaalertartut assigiinngitsut
• Kalaallisut danskisullu kukkunersiuineq.

Ilinnut naatsorsuutigisagut
Paasisimaarinnilernissamut, suliassanik naammassinnittarnermut pikkorinnerpaaq, peqatigisaanillu nuannaarnermik siaruartitsisartumik sulisussarsiorpugut. Allaffissornermi assigisaaniluunniit ilinniarsimasuuvutit aammalu atorfimmit assingusumit imaluunniit pisortaanerup/pisortap/pisortaaqatigiit allattaattut atorfimmiit misilittagaqaruit pitsaassalluni.

Tamatuma saniatigut pingaartipparput:

• Paasisimaarinniinnarsinnaasutit aammalu pisut sukkasuumik ingerlatillugit eqqissisimaannarsinnaallutit
• Patajaatsuusutit suliassarpassuaqarnerlu sapinngikkit
• Sukumiisut piginnaaneqarfigigitit pitsaassutsillu pingaartikkitit
• Pilersaarusiullaqqissuusutit ataqatigiissaarillaqqissuusutillu, ilanngullugu piffissamut killigititanik aamma aqutsineq
• Suliniuteqallaqqissutit, akisussaassuseqartutit suleqatigiinnilu sulillaqqissuusutit
• Allattariarsornikkut oqaluinnarnikkullu danskisut kalaallisullu pikkorissuusutit kiisalu tuluttut paasisinnaasutit
• Aaqqissugaasumik periaaseqartutit
• Namminersorlutit sulisartutit aammalu nammineq suliassarnut akisussaasuuneq nuannarigit.

Kikkuuvugut?
Inuussutissarsiornermut, Niuernermut, Aatsitassanut, Inatsisit Atuutsinneqarnerannut Naligiissitaanermullu Naalakkersuisoqarfik arlalinnik immikkoortortaqarpoq, tassaasut Inuussutissarsiornermut Immikkoortortaqarfik (ilanngullugit niuerneq, takornariartitsisarneq il.il.) Aatsitassat, Inatsisit Atuutsinneqarnerat aamma Naligiissitaaneq. Immikkoortortat tamarmik suliassaqarfimminnipingaarnertigut politikkimut, periusissianut, pilersaarusiornermut ataqatigiissaarinermullu akisussaasuupput. 

Sulisut 45-t missaanniippugut, tassaallutalu 1) Qitiusumi atorfilittat, 2) Aningaasaqarnermut immikkoortortaqarfik 3) Ujarassiornermut immikkoortortaqarfik aamma 4) Inuussutissarsiornermut Immikkoortortaqarfik, Inatsisit atuutsinneqarnerannut Naligiissitaanermullu Immikkoortortaqarfik. Qitiusumi atorfilittani ilaalissaatit aammalu Naalakkersuisoqarfimmut pisortaanerup toqqaannartumik ataaniissallutit. Ulluinnarni Naalakkersuisup allattaa, Naalakkersuisoqarfimmut pisortaaneq pisortallu sinneri allat qanimut suleqatigissavatit. Suliniutinik aqutsineq, politikkikkut aalajangiinissamut tunngavissiat ukkataralugit pisortat qanimut suleqatigalugit politikkikkut suliaqarnermut pingaarutilimmik ilaalissaatit.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.