sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Dynamisk fiskeri- og fangstkonsulent i Sisimiut

Qeqqata Kommunika

Sisimiut
Ikkunneqarpoq: 17-06-2022
Piffissaq atuuffissaa naassaaq: 15-07-2022
Suliffissamut ID normut: LJA-83732351
Atorfeqarnermi atugassarititaasut: Tamakkiisoq
Suliassaqarfik: Allaffik & allaffissorneq

Aalisarnermut piniarnermullu siunnersortimik aalisarnerup piniarnerullu iluani malittarisassanut inatsimmullu ilisimasalimmik pissarsiorpugut. Aalisartunut piniartunullu tapiissuteqarnissamut periarfissanik aammalu angallatinik atortussanillu nutaanik pisinissamut aningaasalersuinissaq pillugu ilisimasaqassaatit. Suliassat assigiinngiiaartuussapput. Ilinniartitsisoqarumaarpoq.

Aalisarnermut piniarnermullu siunnersortitut ilaatigut suliassanik tullinnguuttunik suliassaqassaatit:

  • Sisimiuni aqutsiveqarfimmi pisuussutinik uumassusilinnik aqutsineq
  • Aalisartunut, piniartunut, sunngiffimmi pinialuttartunut, tammajuitsussarsiortitsilluni piniartitsisartunut, aalisarnermut kattuffinnut Namminersorlutillu Oqartussanut attaveqarneq
  • Piniarneq aalisarnerlu pillugit qinnuteqaatinik suliaqarneq
  • Angallatitaarniarnermut tapiiffigineqarnissaq pillugu siunnersuineq
  • Angallatinik Søfartstyrelsen-imut nalunaarsuineq
  • Suleqatit suleqatigalugit tusarniaanernik assigiinngitsunik akissuteqarneq
  • Aalisarnermik piniarnernillu inuussutissarsiuteqarnermik ineriartortitsineq
  • Inuussutissarsiorfiup iluani inatsimmut ilisimasaqarneq
  • Illuatungeriinnik akuutinneqartunik akimortumik suleqateqarneq
  • Ataatsimiititaliamut sulianik saqqummiussassaliornerit
  • Aalisarnermut piniarnermullu ataatsimiititaliamut allattaaneq
  • Suliassat takkussuuttut nalinginnaasut

Inuttut piginnaasassat

  • Tassunga assingusumik suliffeqareersimaninnit allaffissornikkut misilittagaqarluarneq
  • Suliatigut tunniusimasoq siuttuusorlu
  • Nammineersinnaassuseqarluni, akisussaassuseqarluni sullissillaqqillunilu sulisinnaasoq
  • Pitsaasumik ingerlatitseqqissinnaasoq
  • Qarasaasiamik atuinissamik ilisimasaqartutit
  • Aalajaatsoq, tatiginartoq qiimasorlu
  • Tulleriiaarisinnaassuseqarneq, aaqqissuussaasumillu sulisinnaaneq
  • Qallunaatut kalaallisullu oqaatsitigut allattariarsornikkullu pitsaasumik piginnaasalik

Akissarsiat atorfeqartitaanermullu atugassarititaasut:
Akissarsiat atorfeqartitaanermilu atugassarititaasut, taakkununnga akiliunneqarluni angalanermut pequtillu assartorneqarnissaanut pisinnaatitaaffiit ilanngullugit, Namminersorlutik Oqartussat kattuffigisallu isumaqatiginninniarsinnaatitaasup akornanni isumaqatigiissutit atuuttut naapertorlugit pissapput.

Inissamik innersuussisoqarsinnaavoq malittarisassat sukkulluunniit atuuttut malillugit akilerneqartussamik.

Atorfik allaffissornikkut Sisimiuni inissisimavoq, Sisimiunilu Allatseqarfimmi pisortap ataani aaqqissuussaanikkut inissisimalluni.

Piaartumik isumaqatigiissuteqarnikkulluunniit atorfinittoqassaaq.

Atorfik pillugu paasissutissat annertunerusut Sisimiuni Pisortaqarfiup Allatseqarfiani pisortamut Peter Evaldsen, telefon 867307, e-mail pete@qeqqata.gl imaluunniit Pisortaanerup sulisuinut pisortamut Hans Christian Sværd, oqarasuaat (+299) 86 73 02, e-mail: hcsv@qeqqata.gl saaffiginninnikkut pissarsiarineqarsinnaapput Qinnuteqaat ilinniarsimanermut uppernarsaatit assilinerinik, imminut ilisaritinnermik, oqaaseqaatinik attaveqarfissanillu ilaligaq 2022-mi juulip 15-ani tigoreersimassavarput.

Paasissutissat pisariallit:

Qinnuteqaat pinerlussimannginnermut uppernarsaammik, meeqqanik pinerlissimannginnermut uppernarsaammik, ilinniakkanut suliffigisimasanullu uppernarsaammik, ilinniarnermut uppernarsaatinik, sulisitsisumit oqaaseqatinik allanillu PDF-filimut immiussanik ilallugu kommunip nittartagaatigut nassiunneqassapput.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia