Elektrisk Feltingeniør / Innaallagisserinermut ingeniøri / Electric Field Engineer
Ikkunneqarpoq: 21-01-2025
Piffissaq atuuffissaa naassaaq: 21-04-2025
Suliffissamut ID normut: 331601720
Atorfeqarnermi atugassarititaasut: Tamakkiisoq
Suliassaqarfik: Assassorluni sulineq & sanaartorneq
Atorfiup taaguutaa: Ingeniør, Elektriker
Misilittakkat - Annertunerusumik:
Oqaatsit:
| Danskisut |
Atuarneq/ oqalunneq |
| Tuluttut |
Atuarneq/ oqalunneq |
| Kallaallisut |
Atuarneq/ oqalunneq |
Pennecon sanaartornermut, suliffissuaqarnermut, kiffartuussinermut aserfallatsaaliuinermullu aamma umiarsualiveqarnermut tunngatillugu ataqatigiissumik aaqqiissutissanik tuniniaanermi siuttuusuuvoq. Canadami tamarmi sulisuutigut eqiasuillutik suleqatigiipput, suliniutinilu ajornakusoornerpaani avatangiisinilu unamminiarnartuni angusaqarluarnissamik aallussilluarlutalu aalajangiusimanninnerput ataasiussuseqalissutigaarput. Suliniutitsinnut assigiinngitsunut eqeersimaartunik, piumassuseqartunik nutaaliorlunilu isumassarsiumasunik suleqataasinnaasunik ujartuivugut.
Pennecon pikkorissunik sulisussarsiorpoq Qaqortumi mittarfissualiorfimmi, Kalaallit Nunaata kujataani.
Suliniummi tamatumani suleqataajumalluta piumassuseqartunik piginnaanillit teknikkikkullu piginnaasalinnik ujartuivugut.
Atorfik: Innaallagisserinermut ingeniøri
Sumiiffik: Nanortalik, Kalaallit Nunaat
Avinngarusimasuni sumiiffinnilu allanngorartuaannartuni atortunik oqimaatsunik suliaqarnermi ilisimasaqarneq misilittagaqarnerlu atorfimmut tamatumunnga piumasaqaataapput.
Atorfeqartoq toqqaannartumik suliaqarnermi suleqataassaaq, suliffeqarfiup isumannaallisaanermut, pitsaassusermut avatangiisinullu tunngasut aaqqissuussinissaannut ikiortaasinnaasumik.
Suliassat makkua ilaapput:
- Innaallagissap aqqutaanik ikkussuineq, misiliineq atulersitsinerillu nakkutigalugit, qulakkeerlugulu suliniummut tunngatillugu paasissutissat isumannaallisaanermullu najoqqutassiat malinneqarnersut.
- Innaallagisserinermut tunngasut teknikkikkut inatsisitigullu piumasaqaatinut naapertuunnersut qulakkeerniarlugu misissuineq
- Innaallagisserisunut teknikkikkut ikiuineq siunnersuinerillu, ilaatigut ajoqutinik paasiniaasarneq aaqqiiniarnerlu.
- Innaallagisserinermut tunngasunik suliat piffissaq eqqorlugu naammassineqarnissaat qulakkeerniarlugu suliniummik aqutsisut, sanaartortitsisut suleqatillu allat suleqatigalugit.
- Titartakkat, diagrammit teknikkimullu tunngasut nassuiarlugillu misissorlugit.
- Suliassanut pilersaarutinik, sulinermut pilersaarutinik siumukarnermillu nalunaarusianik ineriartortitsineq aserfallatsaaliuinerlu.
- Innaallagissap aqqutaasa eqqortumik allagartartaarnissaat qulakkeerlugu, ilaatigut sananeqareersutut titartakkat aserfallatsaaliuinermilu nalunaarsukkat.
- Navianartorsiortitsisunik nalilersuineq, aamma isumannaallisaanermut malittarisassat suliffeqarfiullu politikkianik malinninneq qulakkeerlugu.
Atorfimmut piukkunnarnerpaaq ukuninnga piginnaasaqassaaq:
Ilinniagaqarneq misilittagaqarnerlu:
- Aatsitassarsiornermi, suliffissuarni oqimaatsuni sanaartornermiluunniit innaallagisserisutut ukiuni 3-5-ini misilittagaqarluarneq.
- Innaallagissamik pilersuinermik ilusilersuinermik, ikkussuinermik, aserfallatsaaliuinermillu misilittagaqarluarneq.
- Elektronikkimut tunngasunik ilisimasaqarneq pitsaaneruvoq.
- Avinngarusimasuni avatangiisinilu sakkortusuni sulinermik misilittagaqarnissaq iluaqutaassaaq.
- Ajornartorsiutinik aaqqiisinnaalluarneq isornartorsiuisinnaanerlu.
- Attaveqaqatigiilluarsinnaaneq suleqatigiilluarsinnaanerlu, sulianut assigiinngitsunut tunngasunik suliaqartunit suleqatigiilluarnissamut pisariaqartut.
Isumannaallisaanermut piumasaqaatit:
- Ikiueqqaarnermut ilinniarsimasuusimanissaq iluaqutaassaaq
- Nakkarnermut illersornissamut ilinniarsimasuuneq iluaqutaassaaq.
Sulisarnermi piffissaliussat aamma atugassarititaasut:
- Nunani avannarlerni avinngarusimasumi sulineq
- Silami sulineq
- Inissaqartitsineq sumiiffimmi neqeroorutigineqarpoq, sanitigulli sanaartorfiup nalaani ineqarfissat sanaartorneqaleruttorput
- Atorfimmi piumasaqaataavoq suleriusissaq tasikannernerusoq, sanaartornerup sivikittup iluani suliniut siuarsarniarlugu piffissaq sivisunerusoq weekendillu ilanngullugit sulisoqartassaaq
Qinnuteqartut soqutiginnittut tamarmik CV-ertik aamma ilinniarsimasinnaanermut uppernarsaatitik qaqortoq-airport@pennecon.com-mut nassiutissavaat. Ajornanngippat, paasissutissat tuluttut allaqqasut nassiunneqassapput.
Pennecon naligiissitaaneq anguniarlugu iliuuseqartariaqarpoq, piumasaqaatillu eqqortillugit qinnuteqarsinnaasut tamaasa kajumissaarpai. Aappaatigulli erseqqissaatigissavarput, qinnuteqarnikuni toqqakkagut kisimik attavigineqassammat, soqutiginnillutilli qinnuteqartut tamaasa qutsavigisarpavut. Pennecon pillugu annertunerusumik paasisaqarniarussi, uani alakkarsinnaavusi: www.pennecon.com.