Facility manager Ilulissat mittarfianut

Mittarfeqarfiit

Ilulissat

Ikkunneqarpoq: 11-03-2025

Piffissaq atuuffissaa naassaaq: 21-04-2025

Suliffissamut ID normut: LJA-85988109

Atorfeqarnermi atugassarititaasut: Tamakkiisoq

Suliassaqarfik: Allat

Facility manager Ilulissat mittarfianut

Ingerlatsinermi aammalu aserfallatsaaliuinermut atatillugu teknikkikkut atortunik atortunillu suliaqarnissat soqutiggaajuk? Suleqatit suleqatigiillaqqissut akornanni nutaamik timmisartoqarfimmi nutaarluinnarmi nutaaliaasumilu suleqataarusuppit?
Taamaappat ingerlatsinermut aserfallatsaaliuinermullu tunngasuni suleqatitaarilerpatsigit! 

Atorfiup ilisaritinnera: 
Facility manageritut Ilulissat timmisartoqarfiani pingaarutilimmik inissisimassaatit, timmisartoqarfiup atortui teknikkikkullu systemiisa pitsaasumik ingerlannissaat qulakkeerniarlugu. Suliassatit ilagaat pilersaarusiorluakkamik kiisalu piaartumik iluarsaassinerit, soorlu illuutit, mittarfiit, teknikkikkut atortorissaarutit ikkussuunneri, angalasunut tunngasut, atortullu allat. 

Ilulissat nutaamik timmisartoqarfittaarnissaa 2026-ip naajartuaarnerani ammarnissaa naatsorsuutigaarput, taamaalillutillu suliassatit silaannakkut maannakkorpiaq mittarfeqarfimmut atuuttumut attuumassuteqarsinnaapput. 

Suliassatit pingaarnerit: 

·Ulluinnarni mittarfiup ingerlanneqarnerani aammalu aserfallatsaalineqarnerani teknikkikkut systeminik illuutinillu nakkutiginninnerit

·Teknikkikkut atortunik misissuineq, iluarsaassineq akornutinillu ujaasinerit

·Ukiukkut upalungaarsimaneq, mittarfimmi aputaajaanerit, sermernartillungulu mittarfimmi sermiaaneq 

·Ingerlatsinermut atatillugu kalerrisaarutinik isumaginninneq aammalu teknikkikkullu ajortoqarsimatillugu isumaginninnerit

·Avataanit suliartortunik teknikkikkullu sulisut suleqatigalugit 

·Aaqqissuussanik ineriartortitsineq pitsanngorsaanerlu 

·Sillimaniarnermut malittarisassat atuuttut malinneqarnerat qulakkeerinninnerlu 

Piginnaasat naatsorsuutigisagut: 

·Suliatigut tulluartumik ilinniagaqarsimaneq, assersuutigalugu sanasutut, teknikkikkut sulianik ingerlatsisutut assigusumilluunniit 

·Aaqqeerusussuseqarlutit suliaqarusussuseqartuusutit

·Teknikkikkut atortorissaarutinik ingerlatsinermut aserfallatsaaliuinermullu misilittagaqarneq 

·Sulianut ammasuuneq, vagtinut pilersaarutinut peqataasinnaaneq, kiisalu sapaatip akunnerisa naanerini unnukkullu sulisinnaaneq 

·Biilinut ingerlatsisinnaaneermut allagartaq kat. B (C-D iluaqutaassaaq) 

Suli iluaqutaasinnaasut: 

·Systeminut Serticamut Opscom-mullu ilisimasaqarnissaq 

·Tuluttut pitsaasumik oqalussinnaaneq 

Aalajaatsumik namminersorluni sulisinnaaneq aaqqissuulluakkamillu suleriuseqarsinnaavit? IT-mullu pitsaasunik piginnaasaqarlutillu, systemillu kukkunerinik nalunaarsuisinnaallunilu aserfallatsaaliornissaanik pilersaarusiorsinnaavit? Sillimaniarnermut tunngatillugu pitsaasumik anguniangaqarsinnaallutillu sillimaniarnermut atatillugu pikkorissarnissanut piareersimavit? 

Neqeroorutigisinnaasagut: 

·Mittarfimmi nutaami nutaaliaasumilu atorfiup iluani suliffimmik pissanganartumik assigiinngitsunillu unammilligassanik misigisaqarfiusoq 

·Inuttut suliatigullu ineriartornissamut periarfissanik pitsaasunik periarfissinneqarneq

·Suleqatit pikkorissut peqatigalugit suleqatigiilluarnermik avatangiiseqarnermi suleqataaneq 

·Akissarsiat atorfininnermilu atugassarititaasut isumaqatigiissutit naapertorlugit aalajangersarneqassapput 

Suliassanut ersarissumik takussaasumillu aalajangiisuusinnaavit? 
Greenland Airports Regional-imi periarfissaqassaatit isumassarsianik nutaanik pilersitsinissamut akisussaaffimmillu tigusisinnaanissamut, tamatumalu saniatigut suleqatigiinnik piumassuseqarluartunik suleqateqassaatit, ataatsimoorussamik anguniagaqartunik. Qinnuteqaat nassiuguk, Kalaallit Nunaannilu timmisartoqarfiit siunissaanik ilusilersueqataallutit!

Sillimaniarnermut uppernarsaat: 
Atorfimmut qinnuteqartup sillimaniarnermut akuerisaareernermi aatsaat atorfininnissamut innersuunneqarsinnaavoq. Taamaattumik pinerluuteqarsimannginnermut uppernarsaat ilanngullugu nassiunneqassaaq. Pinerluuteqarsimannginnermut uppernarsaat politiinit imaluunniit www.sullissivik.gl-kkut pissarsiarineqarsinnaavoq. 

Qinnuteqaat & attaveqarnissarlu:
Qinnuteqaat aamma CV link-ikkut kingusinnerpaamik 21. april 2025 nassiunneqassapput.

Atorfimmut tunngatillugu apeqqutissaqaruit, Ole Damgaard attavigisinnaavat ugguuna olda@airports.gl. 
Atorfinitsitsinermut tunngasunik apeqqutissaqaruit, HR-imut allassinnaavutit ugguuna hr@airports.gl.