
Faglært Instrumenteringstekniker / Teknikeritut atortorissaarutilerisoq / Instrumentation Journeyperson
Ikkunneqarpoq: 21-01-2025
Piffissaq atuuffissaa naassaaq: 21-04-2025
Suliffissamut ID normut: 331601721
Atorfeqarnermi atugassarititaasut: Tamakkiisoq
Suliassaqarfik: Assassorluni sulineq & sanaartorneq
Atorfiup taaguutaa: Instrumenttekniker
Misilittakkat - Annertunerusumik: Instrumentering
Oqaatsit:
Danskisut |
Atuarneq/ oqalunneq |
Tuluttut |
Atuarneq/ oqalunneq |
Kallaallisut |
Atuarneq/ oqalunneq |
Pennecon sanaartornermut, suliffissuaqarnermut, kiffartuussinermut aserfallatsaaliuinermullu aamma umiarsualiveqarnermut tunngatillugu ataqatigiissumik aaqqiissutissanik tuniniaanermi siuttuusuuvoq. Canadami tamarmi sulisuutigut eqiasuillutik suleqatigiipput, suliniutinilu ajornakusoornerpaani avatangiisinilu unamminiarnartuni angusaqarluarnissamik aallussilluarlutalu aalajangiusimanninnerput ataasiussuseqalissutigaarput. Suliniutitsinnut assigiinngitsunut eqeersimaartunik, piumassuseqartunik nutaaliorlunilu isumassarsiumasunik suleqataasinnaasunik ujartuivugut.
Pennecon pikkorissunik sulisussarsiorpoq Qaqortumi mittarfissualiorfimmi, Kalaallit Nunaata kujataani.
Suliniummi tamatumani suleqataajumalluta piumassuseqartunik piginnaanillit teknikkikkullu piginnaasalinnik ujartuivugut.
Atorfik: Teknikeri atortorissaarutilerisoq
Sumiiffik: Nanortalik, Kalaallit Nunaat
Avinngarusimasuni sumiiffinnilu allanngorartuaannartuni atortunik oqimaatsunik suliaqarnermi ilisimasaqarneq misilittagaqarnerlu atorfimmut tamatumunnga piumasaqaataapput.
Atorfeqartoq toqqaannartumik suliaqarnermi suleqataassaaq, suliffeqarfiup isumannaallisaanermut, pitsaassusermut avatangiisinullu tunngasut aaqqissuussinissaannut ikiortaasinnaasumik.
Suliassat makkua ilaapput:
- Atortut assigiinngitsut, soorlu kuseriarnernik uuttuutit, naqitsinermik malussarisassiortut, kiassutsimik uuttuutit allallu nakkutilliissutit, ikkussuinissaat, naleqqussaanissaat aserfallatsaaliornissaallu.
- Uuttortaatit aquttullu aaqqiissutissarsiorlugit pitsaanerpaamillu atorneqarsinnaanissaat tatiginartuunissaallu qulakkeerlugu.
- Uuttortaatit aalajangersimasumik misissortarnissaat, misilittarnissaat aserfallatsaaliornissaallu.
- Titartakkat, diagrammit ilitsersuutillu atuarsinnaanissai suliaralugillu.
- Innaallagissamut mekanikkimullu tunngasunik suliaqartut qanimut suleqatigalugit, atortorissaarutit ataqatigiissumik ingerlanissaat qulakkeerniarlugu.
- Suliffeqarfiup suliniummillu ingerlatsinerup isumannaallisaanermut malittarisassai maleruarlugit.
- Aserfallatsaaliuinerit, ilaatigut suliarineqartut atortorissaarutillu qanoq innerat allattorlugit.
- Suliat pitsanngorsarneqarnissaannut isumassarsisitsinissaq pisariaqartitsinerlu naapertorlugu aallartitsinermut peqataanissaq.
Atorfimmut piukkunnarnerpaaq ukuninnga piginnaasaqassaaq:
Ilinniagaqarneq misilittagaqarnerlu:
- Teknikerimut atortorissaarutilerisutut allagartaqarneq (imaluunniit assigusumut allagartaqarneq)
- Minnerpaamik ukiuni pingasuni atortunik aserfallatsaaliuinermi iluarsaassinermilu misilittagaqarnissaq, pitsaanerpaamik aatsitassarsiorfimmi suliffissuarmiluunniit.
- Process Control Systeminik ilisimasaqarluarneq.
- ·vinngarusimasuni unamminiarnartunillu avatangiiseqartuni sulinissamut piginnaasaqarneq.
- Ajornartorsiutinik aaqqiilluarsinnaaneq, isumannaatsuunissaq sunniuteqarluarnissaallu pingaartillugu.
- Attaveqaqatigiilluarsinnaaneq suleqatigiilluarsinnaanerlu.
- Suliffimmi isumannaallisaanermut najoqqutassianik maleruaanissamut pingaartitsineq
Isumannaallisaanermut piumasaqaatit:
- Ikiueqqaarnermut ilinniarsimasuusimanissaq iluaqutaassaaq
- Nakkarnermut illersornissamut ilinniarsimasuuneq iluaqutaassaaq.
Sulisarnermi piffissaliussat aamma atugassarititaasut:
- Nunani avannarlerni avinngarusimasumi sulineq
- Silami sulineq
- Inissaqartitsineq sumiiffimmi neqeroorutigineqarpoq, sanitigulli sanaartorfiup nalaani ineqarfissat sanaartorneqaleruttorput
- Atorfimmi piumasaqaataavoq suleriusissaq tasikannernerusoq, sanaartornerup sivikittup iluani suliniut siuarsarniarlugu piffissaq sivisunerusoq weekendillu ilanngullugit sulisoqartassaaq
Qinnuteqartut soqutiginnittut tamarmik CV-ertik aamma ilinniarsimasinnaanermut uppernarsaatitik qaqortoq-airport@pennecon.com-mut nassiutissavaat. Ajornanngippat, paasissutissat tuluttut allaqqasut nassiunneqassapput.
Pennecon naligiissitaaneq anguniarlugu iliuuseqartariaqarpoq, piumasaqaatillu eqqortillugit qinnuteqarsinnaasut tamaasa kajumissaarpai. Aappaatigulli erseqqissaatigissavarput, qinnuteqarnikuni toqqakkagut kisimik attavigineqassammat, soqutiginnillutilli qinnuteqartut tamaasa qutsavigisarpavut. Pennecon pillugu annertunerusumik paasisaqarniarussi, uani alakkarsinnaavusi: www.pennecon.com.