sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.
Kommuneqarfik Sermersooq

Fuldmægtigi Meeqqanut Atuarfeqarnermut Ingerlatsiviup Meeqqeriveqarnermut Immikkoortortaanut / Dagtilbudsafdelingen i Forvaltning for Børn og Skole

Kommuneqarfik Sermersooq

Nuuk
Ikkunneqarpoq: 18-06-2024
Piffissaq atuuffissaa naassaaq: 09-07-2024
Suliffissamut ID normut: 331589630
Atorfeqarnermi atugassarititaasut: Tamakkiisoq
Suliassaqarfik: Meeqqat & inuusuttut
Atorfiup taaguutaa: Fuldmægtig
Misilittakkat - Annertunerusumik: Omsorgsarbejde, Samarbejde
Oqaatsit:
Danskisut Atuarneq/ oqalunneq
Kallaallisut Atuarneq/ oqalunneq

Kommuneqarfik Sermersooq Meeqqanut Atuarfeqarnermut ingerlatsivimmi, Meeqqeriveqarnermut immikkoortortaani pikkorissumik pimoorussisumik kontorfuldmægtigi atorfik ulloq 1. august 2024 aallarnerfigalugu imaluunniit isumaqatigiinnikkut inuttassarsiuunneqarpoq.

Meeqqanut Atuarfeqarnermullu Ingerlatsiviup isumagisarivaa ulluunerani neqeroorutit, atuarfeqarfiit, susassaqartitsineq aammalu anguniagaralugulu Kommuneqarfik Sermersuumi meeqqanut tamanut sinaakkutsit pitsaanerpaat, tamatumuuna ilikkariartornermik, ineriartornermik, atugarissaarnermik inuunerissaarnermillu tunngaviliinissaq peqataaffigerusukkukku, taava illit immaqa suleqatissarivatsigit.  

Meeqqeriveqarnermut Immikkoortortaq akuerisatut ima inuttaligaavoq Immikkoortortami pisortaq, , perorsaanermi siunnertortit pingasut, immikkoortortami aqutsisoq aamma fulgmægtigit sisamat. Qaninnertut immikkoortortami aqutsisoq pisortarissallugu. Meeqqeriuveqarnermut Immikkoortortap suliarissat ilagaat, meeqqanik meeqqerivinnut, AKO, FRO-mut atuarfinullu isaatitsineq suliarivai.

Immikkoortortami sulianik ingerlatsinermik suleriutsinillu pitsanngorsarneq ineriartortitseqqinnerlu sulissutigineqartuartarpoq, Kommunimi innuttaasut sulisullumi allat immikkoortortaqarfiup suliatigut pisariitsumik akimmisaarfeqanngitsumillu suleriutsinik ingerlatsisuunerannik misiginninnissaat qulakkeerumallugu.

Suleqatitaassatta sulisooreersut assigalugit pimoorussilluni qiimasumillu sulineq tunngavigalugit immikkoortortaqarfimmi sulinerup ingerlarnganik pitsanngorsaaqataalluni suleqataasassasoq naatsorsuutigaarput.

Atorfik attaveqarnissamik pisariaqartitsiffiuqaaq, aammalu oqarasuaatikkut, allakkatigigut, mail-ikkullu attaveqarnikkut kalaallisut qallunaatut ilaatigullu tuluttut, taassuma saniatigut Meeqqeriveqarnermut immikkoortortamut saaffiginnissutit/apeqqutit immikkut suliarineqarnissamik pisariaqartitsinngitsut, kommunip Inuttaasunut Saaffiginnittarfianiit ingerlanneqartarput.

Ingerlatsiviup sullivimmi avatangiisigissuunissaq, pissuserissuunissaq, attaveqaqatigiittarneq, akisussaassuseqarneq aamma suleqatigiinneq pingaartippaa.

 

Atorfiup allaaserinera:

·Kommuneqarfik Sermersuumi meeqqerivinni neqerooruteqarnissamut utaqqisutut allattorsimaffinnik pilersitsineq, nutarterineq misissuisarnerlu, taakkunani tuaviortunik qinnuteqaatit ilanngullugit

·Atuartut tikeraat, nuuttut kiisalu atualeqqaartussanik allatsitsineq

·Meeqqerivimmut allatsittunik anisunillu sullissineq

·Angajoqaanik utaqqisuniittunik allatsissimasunillu sullissineq

·Akinik naatsorsuineq akiliisitsisarnerlu kiisalu nalimmassaasarneq

·Akinut nutaanut tunngatillugu akinik allannguinerit kiisalu isertitat allanngornerinut atatillugu akinik il. il. allannguinerit

·Allaffimmi suliassat allat.

 

Piginnaasat/naatsorsuutigisat:

·Allaffimmiutut ilinniagaqarsimasoq assigisaanilluunniit.

·Siusinnerusukkut assingusumik suliaqarnermik misilittagaqarnissaq orniginartinneqarpoq

·Sullinniakkanut suleqatinullu angusaqarfiulluartussamik pitsaasumillu oqaloqatiginnissinnaasoq

 

Tamatuma saniatigut pingaartipparput, illit:

·Attaveqatiginnillaqqissoq suleqatiginnillaqqissoq, oqaatitsigullu piginnaaneqartutit

·Arlalinnik ataatsikkut sulisinnaasoq

·Suliassanut aamma suliassanik agguataarnerinik ingerlaavartumik iluarsiissuteqarnissamut eqaatsumik allanngueriataarsinnaassuseqassasutit

·Ulluinnarni ulapaarfiusumi qitiutitsillutit aaqqissuisinnaassuseqarlutit sulisinnaasutit

·Avammut ammasoq ilakkuminartorlu

·Aalajaatsoq, namminersorsinnaasoq sullissinermillu ilisimaarinnittoq

·Oqaatsitigut allattariarsornikkullu marluinnik oqaasilik iluaqutaassaaq, piumasaqaataanngilarli. Nutsigassanillu ”annikitsunik” nutserisinnaasoq

·Suliaqarfigisami sullissinermik atortunillu ineriartortitsisinnaasoq

 

Makku neqeroorutigaavut:

Atorfik suliassanik unammillernartortalik pissanganartorlu aamma imarisaanik nammineq sunniuteqarfigisinnaasat neqeroorutigisinnaallugulu aaqqissuussaanermi ineriartortinneqartumi allanngorartumilu namminersortorujussuullutit akisussaaffeqalissaatit. Suliffimmut suliffeqarfimmullu iserluartinneqarnissaq pingaartiparput aammalu pitsaasumik suleqatigiittoqarnissaa qulakkeernissaa anguniartuarlutigu.
Attuumassuteqartunut pikkorissarnissanut peqataanissaq periarfissaassaaq.

 

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Immikkoortortami aqutsisoq Lida Lysgaard Jonathansen, oqarasuaat +299 36 73 28 imaluunniit e-mail: llys@sermersooq.gl

 

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

 

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

 

Inissaq:

Atorfininnermut atatillugu inissiamik innersuussisoqarsinnaanngilaq.

 

Qinnuteqaat:

Qinnuteqaat qulequtserlugu Atorfiup ilisarnaataa 637-24-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Malugiuk: 

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: juulip 9.-at, 2024

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia