sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Genopslag - socialrådgivere til Atuarfik Kilaaseeraq og Nalunnguarfiup Atuarfia

Qeqqata Kommunika

Sisimiut
Ikkunneqarpoq: 26-01-2022
Piffissaq atuuffissaa naassaaq: 16-02-2022
Suliffissamut ID normut: LJA-83287801
Atorfeqarnermi atugassarititaasut: Tamakkiisoq
Suliassaqarfik: Meeqqat & inuusuttut, Atuartitsineq & Meeqqerineq

Nalunnguarfiup Atuarfia Sisimiuni inissisimavoq. Atuarfik Nalunnguarfiup kulturikkullu illorsuuup Taseraliup eqqaani inissisimavoq. Nalunnguarfiup Atuarfiani ilinniartitsisut 50-iupput, atuartullu 1.-10. klassiniittut 385-it missaaniillutik, klassinut 20-nut immikkullu atuartitsivinnut arfineq-marlunut agguataagaallutik.

Atuarfik Kilaaseeraq Maniitsumi inissisimavoq. Atuarfik illoqarfiup qeqqani inissisimavoq. Atuarfimmi ilinniartitsisut 42-pput, atuartullu 1.-10. klassiniittut 330-t missaaniillutik, klassinut 21-nut immikkullu atuartitsivinnut tallimanut agguataagaallutik. Atuarfik Kilaaseeraq 9.-10. klassimi kommunimi tamani nunaqarfinnit atuartoqarpoq, kommunip atuartunut angerlarsimaffia Maniitsumi inissisimasuummat.

Qeqqata Kommuniani illoqarfinni atuarfiit tamarmik atuartitsivinnik kiisalu pequtinik nutaalianik aammalu qarasaasiatigut atortunik, soorlu Apple TV- aamma iPads-inik peqarpoq.

Suliassat akisussaaffiillu

· Atuarfimmi aqutsisut, atuarfimmi siunnersorti, ilinniartitsisoq siunnersorti ilinniartitsisullu qanimut suleqatigalugit, atuarfimmi isumaginninnikkut sulianik ataqatigiissaarineq pingaarnertut suliassarissavat.

· Tunuliaqutinut peqataaneq aammalu Atugarissaarnermut immikkoortortami isumaginninnermut siunnersortinik MISI-millu suleqateqarneq.

· Atuarfik suleqatigalugu atuarfik-angerlarsimaffiullu suleqatigiinneranik pitsanngorsaaneq annertusaanerlu kiisalu nalunaarutiginninnermut tunngasuni suliani ilinniartitsisunik siunnersuineq suliassaassapput.

· Atuartunik angajoqqaanillu oqaloqatiginnittarneq kiisalu isumaginninnermut tunngasunik ilinniartitsisunut siunnersioqatigiittarneq.

· Nalunaarutiginnittarneq imaluunniit nalunaarutiginninnermut assingusunik sulianik ilitsersuinikkut saqqummiinikkullu ilinniartitsisunik ikiuineq

· Qeqqata Kommuniani atuarfinni isumaginninnermi siunnersortit allat isumaginninnermi siunnersortip nutaap suleqatigissagai aammalu siunnersiueqatigisassagai naatsorsuutigaarput.

Atuarfimmi sulisut sinneri kiisalu Atugarissaarnermut immikkoortortami sulisut suleqatigalugit, isumaginninnermi siunnersorti atornerluinermut pimmatiginninnermillu pinaveersaartitsinissamut iliuusissatut pilersaarummik suliaqassaaq.

Klassimi atuarfimmiluunniit ajutoornermik nalaassisoqartillugu ataqatigiissaarisuussaaq.

Atuarfimmi aqutsisut ilinniartitsisullu suleqatigalugit, isumaginninnermi siunnersorti klassimut iliuusissatut pilersaarusiussaaq.

Kommunimi nunaqarfinni tamani atuarfinnut aamma isumaginninnermi siunnersorti sullississaaq.

Isumaginninnermi siunnersortip atuarfiup pisortaa qaninnerpaatut qullersarissavaa.

Piginnaasassat

  • Isumaginninnermi siunnersortitut assingusumilluunniit ilinniagaqartutit.
  • Aallartitsillaqqissuussutit namminerlu sulisinnaassuseqarluartutit.
  • Isumaginninninnermik suliaqarnermi misilittagaqartutit, ajornanngippat kommunimi ingerlatsinermi (tamannali piumasaqaataanngilaq)
  • Allattariarsornikkut oqaasiinnakkullu kalaallisut qallunaatullu piginnaasaqartutit.
  • Aammattaaq pingaartipparput, inuttut suleqatiginnillaqqissuunissat, tatiginnilersitsisinnaassuseqartutit inissaqartitsisuunissallu
  • Allaffissornikkut, suliatigut inuttullu unammilligassanik isumaginnissinnaasuusutit

Neqeroorutigissavarput:

Isumaginninnermi siunnersortinut atorfiit nutaajupput, isumaginninnermi siunnersortit allat atuarfeqarfillu suleqatigalugit, atorfiup imassaanik ineriartortitsinissamut sunniuteqaqataanissamut periarfissaqassallutit.

Akissarsiat atorfininnermilu atugassarititaasut

Akissarsiatigut sulinermilu atugassarititaasut, pisattallu angallanneqarnerat, Namminersorlutik Oqartussat qinnuteqartullu kattuffiata isumaqatigiinniussisinnaatitaasup isumaqatigiissutaat naapertorlugit pissapput.

Inissamik innersuussisoqarsinnaavoq malittarisassat sukkulluunniit atuuttut malillugit akilerneqartussamik.

Atorfininnissaq 1. marts 2022-mi isumaqatigiissuteqarnikkulluunniit pissaaq.

Atorfiit uku pinerluuteqarsimannginnermut uppernarsaammik pissarsinissamik inatsisitigut pisussaaffiupput. Inatsit naapertorlugu kommunip pinerlussimannginnermik meeqqanullu pinerluuteqarsimannginnermut allagartamik tigusinerata kingorna aatsaat atorfinittoqarsinnaavoq. Taamaattumik malugeqqussavarput kommunip Politiinit pineqaatissinneqarsimannginnermut meeqqanillu pineqaatissinneqarsimannginenrmut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Atorfik pillugu annertunerusumik paasissutissat kissaatigineqarpata, atuarfimmi pisortat Dan Gert Christensen (dgch@qeqqata.gl oqa. 86 25 80), aamma Mina Marie Andersen (mina@kilaas.gl oqa. 81 75 22) atorlugit saaffiginninnikkut pissarsiarineqarsinnaapput.

Inussiarnersumik qinnuigissavatsigit atuarfimmut sorlermut qinnuteqarnerlutit qinnuteqaammi erseqqissaatigissagit.

Paasissutissat pisariallit:

Qinnuteqaat pinerlussimannginnermut uppernarsaammik, meeqqanik pinerlissimannginnermut uppernarsaammik, ilinniakkanut suliffigisimasanullu uppernarsaammik, ilinniarnermut uppernarsaatinik, sulisitsisumit oqaaseqatinik allanillu PDF-filimut immiussanik ilallugu kommunip nittartagaatigut nassiunneqassapput.


Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia