sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.
Asiaq

Geodatanut GIS-inullu immikkoortortaqarfimmi aqutsisoq / Afdelingsleder for Kort, Geodata og GIS i Grønland

Asiaq

Nuuk
Ikkunneqarpoq: 17-02-2020
Piffissaq atuuffissaa naassaaq: 09-03-2020
Suliffissamut ID normut: 330179006
Atorfeqarnermi atugassarititaasut: Tamakkiisoq
Suliassaqarfik: Assassorluni sulineq & sanaartorneq
Atorfiup taaguutaa: Afdelingsleder
Ilinniagaq: , Geografi, mag.scient., Kartograf
Misilittakkat - Annertunerusumik: Geoteknik/geologi, Kartografi, Budgetansvar, økonomi,
Oqaatsit:
Danskisut Atuarneq/ oqalunneq
Tuluttut Atuarneq/ oqalunneq

Kalaallit Nunaanni Nunap assinginut, Geodatanut GIS-inullu immikkoortortaqarfimmi aqutsisoq

Asiaq, Greenland Survey Nuummi Nunap assinginut, Geodatanut GIS-inullu immikkoortortaqarfimmi aqutsisoq

 

Ukiuni kingullerni Nunap assinginut, Geodatanut GIS-inullu immikkoortortaqarfik assut ineriartorpoq. Nunap assinginut, Geodatanut GIS-inullu immikkoortortaqarfimmi aqutsisutut suliaqarfiup iluani Kalaallit Nunaanni suup tungaanut ingerlasoqassanersoq qanorlu anguniagaqartoqassanersoq peqataaffigissavat.

 

Neqeroorutigisinnaavarput aqutsisutut atorfik Kalaallit Nunaanni nuna tamakkerlugu geodatat pillugit periusissiaq malillugu attaveqaatit geospatielle-usut akornanni qitiusumik inissisimassaatit. Ilisimasaqarnerup iluani pissanganarluinnartumik inissisimassaatit Kalaallit Nunaata kulturia pinngortitarsualu immikkuullarissoq tunuliaqutigalugu.

 

Nunap assinginut, Geodatanut GIS-inullu immikkoortortaqarfimmi suliassat pingaarnerit tassaapput teknikkitigut topografisk-imillu nunap assinginik suliaqarneq kiisalu geografisk-imik attaveqaatit iluini suliaqarneq aserfallatsaaliuinerlu.

 

Aasaanerani Kalaallit Nunaat tamakkerlugu suliffigisassavat, taamaalineranimi ilaatigut RTK-GNSS-it, totalstationit, dronet, timmisartukkut assiliinerit satellititigullu assiliinerit aallaavigalugit paasissutissanik katersisassaatit suliaqartassallutillu. Ukiullu sinnera nunap assinginut geodata-nullu attuumassuteqartut Nuummi allaffitsinninngaanniit pitsaassusaat qulakkeertarpagut, suliarisarpagut siammartertarlugillu.

 

Immikkoortortaqarfimmi geodatat pillugit nittartagaq NunaGIS allaffissornikkut ingerlataraarput, aqutaraarput ineriartortitaralutigulu kiisalu ulluinnarni NunaGIS-imik atuisunut kiffartuussisarluta.

 

Suliassat

  • Ulluinnarni Nunap assinginut, Geodatanut GIS-inullu immikkoortortaqarfimmi sulisunik aqutsineq ineriartortitsinerlu.
  • Asiami aqutsisoqatigiinnut peqataaneq.
  • Geodatalerinerup iluani pilersaarusiorluakkamik ilisimasatigullu ineriartortitsineq.
  • Nunap assinginut, Geodatanut GIS-inullu immikkoortortaqarfiup iluani suliarineqartartut avataatigut suliassanik allanik ujartuineq.
  • Asiami geospatialip iluani neqeroorutit kiffartuussissutillu nittarsaanneqarnissaat.
  • Immikkoortortaqarfiup aningaasaataannik aqutsineq.
  • Namminersorlutik Oqartussaqarfiup soqutigisaasa iluani geodatat pillugit pilersaarusiassanik anguniagassanillu suliaqarnermi peqataaneq.
  • Kalaallit Nunaanni tunngaviusumik paasissutissanut tunngatillugu Asiaq sinnerlugu sassartarneq.
  • Nunap assinginut geodatanullu tunngatillugu Kalaallit Nunaanni nunanilu tamalaani oqartussaqarfimminnut inunnullu oqaloqateqarneq.
  • Asiami aqutsisut naalakkersuisoqarfillu peqatigalugu Asiap suliffeqarfiup iluanut avataanullu nittarsaanneqarnera Aningaasaqarnermullu Naalakkersuisoqarfimmut.

Naatsorsuutigaarput

  • Aqutsinerup sulisunillu ineriartortitsinerup iluani misilittagaqarlutillu piginnaaneqassasutit.
  • Nunap assinginut geodatallu pillugit ilinniarsimaneq.
  • geospaltiali iluini ineriartorfissaasullu iluini soqutigisaqarneq ilisimasaqarnerlu.
  • Kalaallit Nunaata iluani Nunap assinginut, Geodatanut GIS-inullu tunngatillugu siunnerfilersinnaasoq ersarissaasinnaasorlu.
  • Eqqarsarluarsinnaasoq niuerpalaartumillu eqqarsarsinnaassusilik.
  • Iliuuseqarsinnaassusilik aammalu qallunaatut tuluttullu allannikkut oqalunnikkullu attaveqarluarsinnaasoq.
  • Kalaallit Nunaannut nunamilu pissutsinut soqutiginnittoq.
  • Misissuisarnissaq peqqutigalugu timikkut iluserinneq.

Asiaq Namminersorlutik Oqartussat ataanni suliffeqarfiuvoq namminersortitaq, Nuummi inissisimasoq Kalaallit Nunaannilu paasissutissat geografiskinut attuumassusillit iluani pingaarutilimmik inissisimasoq. Paasissutissaatigut pilersaarusiornermi, nunaatit atorneqarnissaannut aqutsinermi, upalungaarsimaniarnermi, aatsitassarsiornissamut ilisimatusarnermi pinngortitamillu illersuiniarnermi kiisalu sanaartortoqarnissaanut pilersaarusiornermi atorneqartarput. Asiaq sisamanik allaffeqarpoq sulisullu nunanit kulturinillu assigiinngitsorpassuarninngaanneerput.

 

Atugassarititaasut

Atorfik akissaateqarfik 36-mi inissisimavoq. Atorfininneq Namminersorlutik Oqartussani allaffissornikkut pisortanut kattuffiullu attuumassuteqarfigisap akornanni isumaqatigiissutaasimasut naapertorlugit inissisimapput. Atorfinittussamut inatsisit malillugit inissaqartitsisoqassaaq. Inatsisit malittarisassallu atuuttut naapertorlugit illit, aappaqaruit aappat meeqqasilu ilanngullugit sulilernissannut atatillugu nutsernissannut angalanissannullu aningaasartuutit matussuserneqassapput, kiisalu minnerpaamik ukiut pingasut atorfeqarsimaguit soraarninnut atatillugu angalanissannut attuumassusillit matussuserneqarumaarlutik. Maajip allaqqaataa 2020 atorfinittoqassaaq.

 

Paasissutissat sukumiinerusut

Asiaq suliarineqartartut kiffartuussinerillu pillugit www.asiaq.gl -imi paasisaqarnerusinnaavusi, NunaGIS-ilu nutaaq nunagishub-asiaq.opendata.arcgis.com atorlugu misissorneqarsinnaalluni. Atorfik pillugu paasisaqarnerorusukkuit suliaqarfimmi aqutsisoq Jens Gottlieb imaluunniit pisortaaneq Bo Naamansen saaffigineqarsinnaavoq oqarasuaammut +299 34 88 00.

 

Qinnuteqarnissamut killigititaq

Qinnuteqaat kingusinnerpaamik Asiamut tunniunneqassaaq Martsip 9-at 2020.

Qinnuteqaat ”Afdelingsleder for Kort, Geodata og GIS”-imik nalunaaqutserneqassaaq CV kiisalu soraarummeernermit uppernarsaatit ilanngullugit nassiunneqassapput. Qinnuteqaat uunga mailimut nassiunneqassaaq: asiaq@asiaq.gl

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia