Greenland Airports Ground Handling Manager-issarsiorpoq

Mittarfeqarfiit

Nuuk

Ikkunneqarpoq: 11-12-2024

Piffissaq atuuffissaa naassaaq: 06-01-2025

Suliffissamut ID normut: LJA-85853952

Atorfeqarnermi atugassarititaasut: Tamakkiisoq

Suliassaqarfik: Allat

Timmisartut aamma qulimiguullit nunamitiillutik qaffasinnerpaamik piareersarlugit passunneqarnissaat qulakkeerumallugu peqataaffigerusuppiuk Nunatta Mittarfeqarfiini? Aqutsisutut misilittagaqarluarpit nukittuunillu piginnaaneqarpit ingerlatsinermut, isumannaallisaanermut atorfeqartullu inerisarnissaat anguniassallugit? Taava imaassinnaavoq tassaasutit Ground Handling Manager´erput nutaaq!

Atorfik pillugu

Ground Handling Manager´itut Ingerlatsinermut immikkoortortatsinni qitiusussat ilaattut inissisimalissaatit. Timmisartut aamma qulimiguullit passunneqarneri akisussaaffigilissavatit qulakkeerniarlugu pisortat, atuisut aamma Greenland Airport´ip piumasaqaatai maligassaallu naapertuuttumik malinneqartut. Suliassaatitit ilagissavaat annertusaanissaq, aserfallatsaaliinissaq suliffeqarfiullu aaqqissugaanerata iliuuseqarniarnermini sunniuteqarluartumik inissisimaleqqullugu, tamakkualu samminerini qulakkeerniassagit isumannaallisaanikkut pitsaassutsillu tungaanut qaffasinnerpaamik inissisimassasut.

Mittarfimmi pisortat, HR-immikkoortortaqarfia, Niuernermut atasumik immikkoortortaq aamma illup avataani soqutigisaqaqatigiit teknikkikkut inissisimaffiit piareersaataasumik atuutilernissaat, suleriutsit ingerlaasii qaffasinnerpaamik inissinnissaat aamma sulinermik isumannaallisaanikkut nukittunerpaamik kultureqalernissaq suliffeqarfissuup iluani pilersinniassallugu.

Pingaarnerusumik suliassaatitit

• Ilaasut, nassatat timmisartullu piareersaataasumik passunnerini inatsisit atuutereersut, malittarisassat piumasaqaatillu malinneqarnerat qulakkiissallugit.
• HR-imik immikkoortortaq suleqatigalugu ilinniartitaanikkut periarfissaasut nutartertuarnissaat suliarissallugit.
• Niuernermut atasumik immikkoortortaq suleqatigalugu iliuusissanik suliassanik isumaqatigiissusiornerit suliarineqarnissaat.
• Qulakkeerniassallugu iliuuserisassatut ingerlavigisassat nalunaarsugaallutillu uppernarsarneqarsimassasut.
• Suliffeqarfiup iluani avataanilu kukkunersiuinerit tusarniaanerillu akisussaaffigissallugit kiisalu iliuuserisassatut suliassaqarfiit mittarfimmi pisortaasut peqatigalugit ataqatigiissaarinikkut suliarissallugit.
• Isumannaallisaanermut pilersaarutaasumik iliuusissat aaqqissugaanerlu atuutsilernissaat isumagissallugit, isumannaallisaanermik siuarsaataasumik aamma aningaasartuutinik annikillisaataasumik.
• Ingerlatsinermik pisortaasunut nalunaarusianik aamma KPI´t (Key Perfomance Indicator) suliarissallugit.

Illit ujarpatsigit, imaattumik tunulequtaqarsimaguit

• Trafikassistent´itut ilinniarnikuusimaguit, loadmaster´itut assigisaattulluunniit. Pisortatut ilinniarsimanissaq pitsaaqutaavoq.
• Ukiunik arlalinnik pisortatut aqutsinikkut misilittagaqarsimanissaq check-in aamma/imaluunniit isumaqatigiissusiornikkut iliuuseqarnermi
• Siammasissumik aqutsinikkut misilittagaqarneq, iluarsartuullugu pilersaarusiorneq aamma allaffissorneq.
• Kalaallisut, tuluttut qallunaatullu allassinnaallutillu oqalusinnaavutit.

Atorfininnermi piumasaqaataasut

·Atorfik pineqartoq pissanganarlunilu tamatigoortuuvoq ineriartornissamillu periarfissarissaarluni.

·Akissarsiat immikkut isumaqatigiissusiornikkut inississasut neqeroorutigaarput atorfiup piumasaqaatai naapertorlugit, aamma feriartarnermut malittarisassat naapertorlugit feriassamik katersuineq feriarnerlu ingerlanneqassapput, taamaattoq sulinngiffissamik sapaatip akunneranut allat saniatigut tunniussisarpugut. Suliffigisassaq sapaatip akunneranut naliginnaasumik akunnerit 40-uupput. Angalasoqangaatsiarnissaa naatsorsuutigisariaqarpoq.

·Atorfimmik avammut sammisumik pissanganartumilluneqeroorfigineqarputit suliffeqarfimmi Nunatsinni pingaaruteqaqisumi, naatsorsuutigissavallu ilinniarsimaneq akimorlugu suleqaterpassuatillu suliffeqarfiup immikkortortarpassuaaniittut suleqatigissagitit. Greenland Airportsi´mi - Mittarfeqarfiit A/S´imi ulluinnarni pissanganartumi susoqarfiulluartumilu ilaasortaalissaatit suleqatissatillu pikkorissut inooqatigiinnullu tunngasutigut nuannersut ilagissallugit.

Paasissutissat annertunerusutAtorfimmut apeqqutissaqaruit, tikilluaqquneqarputit Niels Grosen oqarasuaatikkut 324302 aamma e-mail-ikkut uunga attavigisinnaallugu: ngr@airports.gl

QinnuteqaatAtorfimmut tigutissaguit taava qilanaarpugut qinnuteqaatit tigussallugu, CV aamma ilinniarsimaninnut uppernarsaatit link ataaniittoq atorlugu kingusinnerpaamik ulloq 6. januar 2025 nassiutissavatit.

Malugiuk: Qinnuteqaatit mail-ikkoortut tiguneqarneq ajorput. Mail-ikkut qinnuteqartut atorfinissinnaanngillat.

Saaffiginnissutit tamaasa isertortumik suliarineqartarput, aamma qinnuteqaatit ingerlaavartumik suliarineqartarput.

Qilanaarpugut tusarfigissallutit!

Greenland Airports ingerlatseqatigiiffiuvoq aktieselskab-i Namminersornerusunit Danskillu Naalagaaffianit pigineqartoq. Ataatsimik siunertaqarpugut: Mittarfeqarfinnut ingerlalluartunut tikinneqarsinnaalluartunut qulakkeerinnissalluta tassungalu tunngasumik sullissinerit timmisartuutileqatigiinnut aamma angalasunut tunniussaqassalluta. Tamanna immaqa ittangalaaraluarpoq tusassallugu. Kisianni angalanermi ajunngitsumik naviananngitsumilu toqqavittut inissisimassagutta taava tamanna nunami issittumik silaannalimmi ingasattajaartumillu ungasissusilimmi immikkut ittumik piumasaqarpoq.