Greenland Airportsimi attaveqaqatigiinnermik suliaqartussamik pissarsiorpugut

Mittarfeqarfiit

Nuuk

Ikkunneqarpoq: 07-08-2024

Piffissaq atuuffissaa naassaaq: 28-08-2024

Suliffissamut ID normut: LJA-85630247

Atorfeqarnermi atugassarititaasut: Tamakkiisoq

Suliassaqarfik: Allat

Suliffeqarfiup iluani attaveqaqatigiinnermik soqutiginnippit aamma sullinniakkanut assigiinngitsunut assigiinngitsunik inissisimaffilinnut akunniliulluni sulissussinermik misilittagaqarpit? Aaqqissuulluakkamik suleriaaseqarpit aamma sukkasuumik suleriuseqarlutit iluarusuppit? Taava imaassinnaavoq illiusoq, oktoberip aallaqqaataaniit Greenland Airportsip attaveqaqatigiinnermik immikkoortortaani suleqatissatut nutaatut ujaripput

Sunaana atorfissaqartikkipput?

Greenland Airports annertungaatsiartumik allannguinermik ingerlaaseq nalaateruttorpaa. Siusinnerusukkut ingerlatseqatigiiffiusimasut Kalaallit Airports Holding A/S aamma Mittarfeqarfiit A/S Ingerlatseqatigiiffittut aaqqissuussaanikkut ataasiusutut kattutsinneqarsimapput: iliuusissatut pilersaarut nutaaq sananeqareersimavoq, nioqqutigisap, suliffeqarfiup kulturia aamma kattussinermi suliassat annertoorujussuit ingerlaruttorput, mittarfeqarfiit nutaat naammassillugit sananeqaruttorput aamma erniinnaq nunap sinnerani mittarfiusut qulimiguulinnillu mittarfiusut ingerlanneqarnerat kattunneqangajalerput.

Allannguinerit annertuut qiterpiaani inissisimavoq attaveqaqatigiinnissamik immikkoortortaq nutaaq suliffeqarfimmit ataatsimoortumik atorneqartussaq, suliffeqarfissuullu immikkoortortai suliffiup iluatigut avammullu tamakkiisumik attaveqaqatigiinnikkut isumagisussaallugu.

Greenland Airportsip oqaluttuai nuannersut namminersorlutit ujartorlugit, nittarsaallugit aamma paasiniaavigalugit suliarissavatit, taakkuummata allannguiniarnitsinni ikorfartugassavut ilisarnaatissavullu iliuusissatut pilersaarusiornitsinni, nioqqutigisavut naleqartitavullu ersarissarniassallugit.

Suliassatit

Pingaarnerusumik inuttaaffigalugu qulakkeerniagassat tassaavoq, suliffeqarfiup tunngavigisatut ikorfavii ingerlaavartumik nutarterneqartuarput iliuusissatigut pilersaarusiornikkut anguniagalimmillu imarisassai aalajangersornerini.

Tamanna ilaatigut makkununnga atuupput:

• Facebook, LinkedIn, Instagram aamma nittartagarput
• Suliffeqarfiup iluani attaveqaqatigiinnermik immikkut ukkatarinnittoqassaaq, tassanilu anguniagaalluni suleqataasut naammattumik naleqqutumillu paasissutissinneqartarnissaat aamma suliffeqartut kulturiusoq suliffeqarfittut kinaassuseq aamma ataqatigiinneq inerisassallugit.
• Tusagassiuutinut nalunaarutit, tusagassiuutinut attaveqarneq aamma tusagassiuutinik passussineq.
• Qitiusumik pingaarutilittut soqutinnitsivut/soqutiginnitsit attaveqaqatigissallugit
• Aaqqissugaasumik pisoqartitsinerit assigiinngitsut akuuffigissallugit inerisarlugit aaqqissorlugillu soorlu suliffeqarfik tamanut ammatinneqarnera eqqarsaatigalugu il.il.

Ilinniit ilimagisavut

Ilinniartitaanikkut naleqquttumik tunulequtaqarputit, s.a. aviisiliortutut, cand. comm. assigisaattulluunniit, suliarisannut aamma sakkortuumik tunniusimavutit.

• Nittartakkakkut inuit attaveqatigiittarfiisigut suliffeqarfiullu iluani inissisimaffiitigut anguniagalimmik aamma iliuusissatut pilersaarutaasut atorluarlugit tunniussisinnaaneq
• Aaqqissukkamik namminnersortumillu sulisinnaasoq
• Suliffeqarfimmiit allamiit pisortaniilluunniit attaveqaqatigiinnermik misilittagaqarneq
• Inuttut malunnaatilimmik ammasumik nuannersumillu piginnaanilik
• Kalaallisut oqalulluarsinnaaguit tamanna pitsaaqutaassaaq

Neqeroorutigaarput

Greenland Airports´imi atorfeqalerninni suliassanik pissanganarluinnartunik, taartigiiaartunik aamma inerisarnartunik suliassaqalissaatit kiisalu suleqatissatit nuannersuullutik. Oqartussaaqataanissamik periarfissarissaarluarpoq.

Atorfiup piumasaqaatai naapertorlugit inuttut immikkut isumaqatigiissuteqarlutit akissarsiaqartussaavutit.

Sulinngiffeqarneq il.il. katersorneqartarput sulinngiffeqarnermullu inatsisaasutut atuuttoq naapertorlugu isumannaartussaallutik, taamaattoq uagut sapaatip akunnera ataaseq immikkut kiffaanngissuseqarnissat tunissutigisarparput.

Atorfininnissannut piumasaqaataavoq, tunulequtaasumik misissortinnissat aamma pinerluuteqarsimannginnermut allagartaqarnissat piumasaqaataavoq.

Attaveqaqatigiinnermut pisortaasumut atatinneqartussaavutit.

Annertunerusumik paasisaqarusuppit?

Atorfimmut apeqqutissaqaruit, taava tikilluaqquneqarputit attaveqaqatigiinnikkut pisortaasoq Mikkel Lund oqarasuaatikkut 231700 imaluunniit mail´ikkut mbl@airports.gl attavigisinnaallugu.

Qinnuteqaat

Qinnuteqaatit aamma CV-iutit toqqaannartumik nittartakkakkut nassiunneqassapput kingusinnerpaamik marlunngornermi augustip 28-ani. Saffiginnissutit suulluunniit isertortumik suliarineqartarput, aamma qinnuteqaatit atorfimmullu tunngasumik oqaloqatiginninnissat ingerlaavartumik suliarineqarumaarput.

https://www.mit.gl/job-uddannelse/

MALUGIUK: Mailikkut qinnuteqaatinik tigusinavianngilagut. Tamanna pissutigalugu mailikkut qinnuteqarsimasut peerneqartarput.

Greenland Airports Kalaallit Nunaanni mittarfinnik 13-inik qulimiguullillu mittarfiinik 46-nik ingerlataqarput. Sulisuvut 500 missaaniipput taamaattumik Nunatsinni suliffeqarfinni anginersaat ilagivaatigut, sulissutigiuarparpullu, sulisuvut niuerpalaartumillu tunngavipput inerisartuassallugu. Taamaalilluta kiffartuussinernik ilinniakkanillu arlalippassuarnik neqerooruteqarpugut, tamakkulu inuiaqatigiit ineriartuaarnerannut ilorraap tungaanut ilapittuuteqarnissatsinnut periarfissippaatigut.