HR-imi siunnersorti assigiinngisitaartunik piginnaasalik

Suliffik immikkoortortaqarfillu pillugit

HR-imut Akissarsialerivimmullu immikkoortortaqarfik tassaavoq sulisunut aqutsisunullu naleqarluartunik pingaarutilinnillu pilersitsisoq. Ingerlatseqatigiiffimmik nukittorsaavoq - Tusassillu 2025-28-mi periusissiaanik aggersumik tapersiinissaq qulakkeerlugu. Suliassat assigiinngisitaarput, avatangiisit allanngorarput, piffissarititallu piumasaqaataallutik. Isumaqarpugut sulisut tamarmik HR-imik tunngaviusumik ilisimanninnissaat, ilaatigut naleqarluartumik isummersoqatigiissinnaassagaanni HR-imik aqutsineq pillugu ilisimasaqarneq pingaaruteqarmat.

Immikkoortortaqarfik saniatigut tallimanik siunnersorteqarpoq, taakkunannga marluk akissarsianut tunngatillugu taamaallaat suliaqartarput, kiisalu HR-imi pisortaq - tassunga toqqaannartumik akisussaasuussaatit. HR-imi allaffissornikkut, atorfinitsitsinermik aamma ineriartortitsinermik suliaqartassaatit, kiisalu akissarsialerivimmut pingaaruteqartumik attaveqarneq qulakkeerlugu. Suliaqarfinni taakkunani marlunni suleriutsit ingerlatseriaatsillu pitsanngorsarniarlugit piuminarsarniarlugillu ingerlaavartumik suliniuteqartarpugut, ilaatigut sakkussanik-, politikkinik-, suliffeqarfiup iluani workshoppinik arfinilinnik- pikkorissaanernillu ineriartortitsinikkut.

Kinaavit?

Ulluinnarni aqutsisut sulisullu taperserlugit HR-imi suliassanik assigiinngitsunik suliaqarusussusilimmik ujaasivugut. Tamatuma saniatigut akissarsiat pillugit ilisimasaqarluarnissat paasinnikkusunnissalluunniit, kiisalu IT-systemit assigiinngitsut atorlugit sulisinnaanissat kissaatigaarput. Ingerlatsinermi ineriartortitsinermilu suliassat, soorlu HR-konceptit minnerusut pillugit pitsaasumik suliaqartarputit, aaqqissuulluakkamillu kiffartuusserusussusilimmillu suleriuseqarlutit. Tamatuma saniatigut suliappit pingaarnerit ilagaat, suleriutsinik sakkussanillu atuutilersitsineq siammarterinerlu. Taamaattumik qallunaatut kalaallisullu ersarissumik attaveqaqatigiinnikkut allassinnaanissat oqalussinnaanissallu iluaqutaassaaq. Ilinniakkat assigiinngitsuusinnaapput, atorfimmili assingusumi ukiuni arlalinni misilittagaqarnissat kissaatigaarput.

Inuttut saaffigiuminarputit, siulliusinnaassuseqarlutit suliassanillu assigiinngisitaartunik akisussaasuuneq nuannaralugu. Suleqatikkuminarputit, attaveqarluarsinnaallutit Tusassilu tamakkerlugu sulisunut ikiuinissat attaveqaatinillu pilersitsinissat pingaartillugu. Nammineerlutit suleqateqarlutillu suliassanik aaqqiiniarneq kajumigaat, suliassannik naammassinnillaqqipputit atorfimmilu ineriartornissannik kissaateqarlutit soqutiginnillutillu.

Ilaatigut suliassatit tassaassapput

• Atorfinitsitsineq aamma onboarding
• Sulisunik ineriartortitsineq
• Allaffissornikkut suleriutsit
• Ingerlaavartumik siunnersuineq sulisunillu siunnersoqateqarneq
• Suliassaqarfinni assigiinngitsuni HR-imi suliniutinik atuutilersitsineq
• Akissarsianik inissiineq – isumaqatiginninniarnerlu
• Sulisut pillugit inatsisinut isumaqatigiissuteqarnernullu tunngasut assigiinngitsut
• Sammisani assigiinngitsuni - sulisut pillugit suliassaniit HR-imi periusissiamut unammillernartut pillugit - aqutsisunik siunnersoqateqarneq.

Tusassip neqeroorutigaa

Atorfik pissanganartoq, suleqatit piginnaasallit suliassaminnut piumassuseqarluartut, sulisut naammagisimaarinninnerannik qitiutitsineq kiisalu siunissamut pilersaarutit annertuut. Sulianut tunngatillugu inuttullu ineriartornissamut periarfissaqarluarpoq.
Atorfik pillugu paasisaqarnerorusukkuit, HR-imi pisortaq Kamomilla Rasmussen attavigisinnaavat, oq. (+299) 389411.

Soqutiginnippit?

Atorfik pillugu apeqqutissaqaruit Flies HR-imiit Suleqataasoq Dorthe Flies attavigisinnaavat, mobilnormu +299583117 imaluunniit dorthe@flieshr.dk

Flies HR-ip atorfinitsitsineq isumagisarpaa, taamaattumik saaffiginnissutit tamarmik tassunga innersuunneqassapput. Inuttassat piukkunnartut oqaloqatiginninnissamut qaaqquneqassapput.

Atorfik pillugu apeqqutissaqaruit, HR-imi pisortaq Kamomilla Rasmussen attavigisinnaavat +299389411.

Tusarfiginissat qilanaaraarput.

Tusass
Tusassi pillugu uani paasisaqarnerusinnaavutit: www.tusass.gl