HR-imi siunnersorti

torfik immikkoortortaqarfillu pillugit

HR-i akissarsialerivillu ingerlatseqatigiiffiup nukittuumik inissisimanissaanut sulisunut pisortanullu qitiusumik pingaarutilimmik inissisimavoq, suliassaqarfittalu pingaarnersaraat ingerlatseqatigiiffik nukittorsartuassallugu. Suliassat assigiinngisitaartuupput, avatangiiseq allanngorarpoq tunniussinissamullu piffissarititaasut ulluinnarni sulinermi ilaallutik. Upperaarput pitsaasumik avitseqatigiittarluta siunersiueqatigiissinnaassagutta HR-imi tunngaviusumik suliassat, taassumalu ataani HR-imik ingerlatsineq tamatta ilisimasariaqarigut.

Immikkoortortaqarfik tallimanik siunnersorteqarpoq, taakkunannga marluk akissarsialerineq suliaqarfigaat, illillu atorfinikkuit HR-imi pisortamut atasumik atorfeqalissaatit. Aqutsineq, sulisussarsiorneq HR-imillu ineriartortitsineq suliarisassavatit aammali akissarsialerisunut atassuteqartuusassallutit. Suliassaqarfinni tamani aqutsisunut sulisunullu sakkussanik pisariitsunik suliaqarnerit, pitsanngorsaaneq suleriaatsinillu oqilisaaneq ingerlanneqartassaaq.

Illit pillutit

HR-imi suliassanik siammaseqisunik suliaqarnissaminut kajumittumik pissarsiorpugut. HR-imut tunngasunik ingerlatsinermi ineriartortitsinermilu suliaqarneq nuannarissavat, aaqqissuulluakkamillu sullisserusussusilimmillu suleriuseqassallutit. Ingerlatsinermi sakkussanik atuutilersitsineq nassuiaanerlu suliassaapput pingaarutillit. Taamaattumik allattariarsornikkut oqaloqatigiinnikkullu danskit oqaasii piginnaasaqarfigissavatit, kalaallisoorsinnaaguit tamanna iluaqutaassaqaaq. Assigiinngitsunik ilinniagallit atorfissaqartippagut, taamaattumik ilinniakkatut tunuliaqutarisat apeqqutaavallaarani atorfimmili assingusumi ukiuni arlalialunni misilittagaqarsimanissat pingaartipparput.

Inuttut naapikkuminartuussaatit, siulliullutit suliniuteqarsinnaallutit suliassaqarfiillu assigiinngitsut suliarinissaannut akisussaaffimmik tigusisinnaallutit. Suleqateqarneq attaveqaqatigiinnerlu pikkoriffigissavatit, Tusassilu tamakkerlugu suleqatinik ikiuineq attavinnillu pitsaasunik pilersitsineq pingaartitaralugu. Suliassat takkuttut namminersorlutit kiisalu suleqatit peqatigalugit ingerlannissaat kajumissuseqarfigissavatit sulianillu naammassinnissinnaasassallutit. Atorfimmi ineriartornissaq alapernaaffigalugulu kajumissuseqarfigissavat.

Ataani allassimasut ilaatigut suliarisassavatit

• sulilerlaanillu ilisarititsinerit
• ineriartortitsineq (piginnaanngorsaaqqinneq aqutsisutullu ilinniarneq)
• sulianik ingerlatsineq
• ataavartumik siunnersuinerit
• attuumassutilinnik suliaqarfinnit assigiinngitsunit suliniutinik atuutilersitsineq pilersitsinerlu
• tunngatillugu inatsisilerinermi isumaqatiginninniarnermilu suliassat assigiinngitsut
• peqatigalugit sulisunut tunngatillugu suliassat ajornakusoortut HR-imilu pilersaarusiornermi unammillernartut pillugit siunersiueqatigiilluni avitseqatigiinneq

 Tusassip neqeroorutigaa

Avatangiisini pitsaasuni atorfik pissanganartoq, suleqatit piginnaasallit suliaminnullu nuannarinnittut sulisullu naammagisimaarinninnissaannut ukkatarinnittut. Atorfik siunissami angusaqarluarnissamut pilersaarutilik, sulianut tunngatillugu aammali inuttut ineriartornissamut periarfissaqarluartoq.

Soqutiginnippit?

Atorfik pillugu apeqqutissaqaruit Flies HR-imi suleqatigisarput Dorthe Flies attavigisinnaavat oq. +299583117 imaluunniit emailikkut dorthe@flieshr.dk

Flies HR atorfinitsitsiniarnermi suliassanik isumaginnittarpoq, taamaattumik apeqqutissaqaruit tassunga attaveqaqquatsigit. Qinnuteqartut piukkunnartitagut oqaloqatiginninnissamut aggersartarumaarpagut.

Atorfimmut tunngatillugu allanik apeqqutissaqaruit sianerlutit saaffigisinnaavat pisortaq Kamomilla Rasmussen uunga attavigisinnaavat: +299 386161

Tusass

Tusass pillugu uani paasisaqarnerusinnaavutit: www.tusass.gl