Igasoq / Kok Glacier Lodge Eqi

World of Greenland

Ilulissat

Ikkunneqarpoq: 20-03-2024

Piffissaq atuuffissaa naassaaq: 15-04-2024

Suliffissamut ID normut: 331588303

Atorfeqarnermi atugassarititaasut: Sulinngiffeqarnermi suliffik, Tamakkiisoq

Suliassaqarfik: Takornariaqarneq

Atorfiup taaguutaa: Kok

Ilinniagaq: Guide

Misilittakkat - Annertunerusumik: Hotel- og restaurant, Daglig rengøring, Køkkenassistance

Oqaatsit:

Danskisut	Atuarneq/ oqalunneq/ allanneq
Tuluttut	Atuarneq/ oqalunneq/ allanneq
Kallaallisut	Atuarneq/ oqalunneq/ allanneq

Issittumi inuilaarsuarmi illuaraqarfimmi Glacier Lodge Eqi-mi igasunngorit. Tassani kalaalimernit atorlugit pitsaasunik qaarsillarnartunik nerisassiortarput – sermeq iigartartoq isikkiviliullugu!

World of Greenland 2024-imi juunip aallaqqaataaniit septembarip qeqqata tungaanut igasussarsiorpoq/køkkenassistentissarsiorpoq.

Eqimi aasaq immikkorluinnaq misigisaqarfiusarpoq. Tassani allamik soqanngilaq taamaallaat uagut inuilaarsuarmi illuaraqarfipput Glacier Lodge Eqi – neriniartarfik, illuaqqat 20-it toqqillu ilorrisimaarnartut arfinillit, Ilulissat avannaanni 80 km-inik ungasissusilimmi Eqimi sermeq iigartartoq sermersuarlu angeqisoq sanileralugit inissisimasut.

Taamaammat Eqi atugartuussutsimit ungasissumiippoq. Tassani imermut saliiveqarpugut, innaallagiaq seqernup qinngornerinik katersivinneerlunilu sillimmataasumi sarfaliuummeersuuvoq. Immakkut angallammut qulimiguulimmulluunniit ilaalluni aatsaat maanga pisoqarsinnaavoq, oqarasuaatit attaviinut Wi-Fi imullu ungaseqaluni.

Ullut sulinngiffiit Eqimi Ilulissanilu, nunatsinni illoqarfiit annersaasa pingajuanni, atorneqartarput.

Glacier Lodge Eqi-mi igasutut/køkkenassistentitut nerisanut tunngatillugu misigisat tamarmik qaffasissumik pitsaassuseqqarnissaat akisussaaffiuvoq. Taamaalilluni tikeraat annertuunik misigisaqarlutik Eqi-mit aallartarnissaannut pingaarutilittut inissisimavutit. Igasutut; sigaffimmi suleqatit, saqisu, angallassisartut illuaraqarfimmillu aqutsisoq ilanngullugit, suleqatigiit inuusukaat aqqaneq marluk 14-illu akornanniittut akuuffigilissavatit.

Tikeraat nerisussat 70-it pallittut, tamarmik ullaakkorsiutinik (angallassisartunit sassaalliutigineqartussat), ullup qeqqani iffiaq qaqortumik patsitsitamik illinnartumik (sandwich) (tikeraat amerlanersaat ullup qeqqani angalaartarmata) unnukkullu nerisassanik siuleqqiuteqarlutillu kinguleqiutitalinnik sassaallerfigisassat inissaqartippagut.

Igasutut ukkassassavit pingaarnersaat tassaapput ullup qeqqasiutissanik sandwichiliorneq unnukkorsiutissanillu nerisassiorneq, aammali aqagumut ullaakkorsiutissanik piareersaaneq.

Igaffimmi sulineq nalinginnaasumik qaffasissumik pitsaassuseqarpoq, suleqatigiilli akornanni persuarsiorfiunani igaffillu tamakkiinngikkaluamik ammasoq tikeraanik oqaloqateqallattaarfiusarluni. Nerisassiani qitiusoq tassaavoq nerisassiassat nunatsinneersut qaffasissumik pitsaassusillit, soorlu tuttut, umimmaat, kalaallit savaaraat qalerallillu.

Piginnaasatit:

• Igasutut/køkkenassistentitut ilinniarsimassaatit Nunanilu Avannarlerni nerisassiornermik misilitagarqarlutit.
• Pitsaasumik isiginnittariaaseqarputit piumassuseqarluarlutillu – ulapaarfinnissaaq.
• Akisussaassuseqarputit, nerisassiavillu qaffasissumik pitsaassuseqarnissaat soqutigisaralugu.
• Ilinniakkat soqutigilluinnagaraat ilinniartitsinissallu nuannaralugu
• Qiimasuuvutit, suleqatigiinnerup pingaassusaa paasisimavat, suleqatit peqatigalugit pitsaasumik ataatsimooqatigiinnissamik pilersitseqataanissaq kissaatigalugu.
• Oqarasuaammut attaveqanngitsumi atugartuussuserlu qimallugu piffissamik annertuumik atuinissaq siooraginngilat.
• Ilimaginngisamik pisoqarsinnaanera siooraginngilat ajornartorsiummillu takkuttoqariataassappat aaqqiissutissanik isumassarsiullaqqissuullutit.
  
  

Neqeroorutigaagut:

• Suliffimmi inuusuppaluttumi suliffik kajungernartoq, immitsinnullu paaraluta.

• Isumaqatigiissutaasunik akissarsiaqarneq.
• Akikitsumik ineqarneq.

• Københavnimiit imal. nunatsinni mittarfiit arlaanniit Ilulissanut, atorfeqarnerlu naappat uterlugu akeqanngitsumik timmisartukkut angalanissamut bilitsimik pissarsineq
• Akisussaaffik annertooq ilinniarnissamut namminerlu piginnaasatigut inerisarnissamut periarfissalik.
• Sulinerup nalaani misigisassat pissanganartut suliffillu tamatigoortoq.
  
  
• Soqutiginnippit?

Qinnuteqaat tunngavilersugaq, CV ilinniarsimanermullu uppernarsaat uunga nassiutikkit:

JOB@WOG.GL

Qinnuteqarfissaq kingulleq: 15.03.2024

Qinnuteqaatit tiguneqaraangamik naliliivigineqartassapput

Qinnuteqartunik Ilulissaneersunik naapillugit oqaloqateqarnerit ataavartumik ingerlanneqassapput, Ilulissallu avataaneersut oqarasuaatikkut oqaloqatigineqassallutik.

Atorfik pillugu paasissutissat annertunerusut, ingerlatsinermi pisortaq Kristoffer Kynemund oqarasuaatikkut +299 944300 attavigalugu pissarsiarineqarsinnaapput.