sullissivik.gl
Atorfimmut ussassaarummut oqaatsinut allanut nuunniarlutit tooruk
Malugiuk atorfimmut allagarsiissutaasumut matumunnga piffissaliussaq naareerpoq!
Atorfimmut allagarsiissutaasumut qinnuteqarnissamut piffissaliussaq qaangiutereerpoq, aammalu atorfik qinnuteqarfigineqarsinnaajunnaareerppoq. Allagarsiussaq innersuussivittuinnaq takutinneqarpoq.

Iggavimmut aqutsisoq

Kommune Kujalleq

Narsaq
Ikkunneqarpoq: 13-01-2025
Piffissaq atuuffissaa naassaaq: 03-02-2025
Suliffissamut ID normut: LJA-85902626
Atorfeqarnermi atugassarititaasut: Tamakkiisoq
Suliassaqarfik: Aqutsineq, Isumaginnittoqarfik, Peqqinnissaq

Utoqqaat illuat Luuvikasik tunniusimasumik aalajaatsumillu Igaffimmi pisortassarsiorpoq:


Narsami utoqqaat illuanni Igaffiup pisortaanik martsip ulluisa aallaqqaataat 2025 erseqqinnerusumilluunniit isumaqatigiissuteqarnikkut atorfinittussamik pissarsiorpugut.


Utoqqaat illuat 20-nik najugaqarfigineqarpoq. Inissat arfineq marluk innuttaasunut puigortunut atugassaapput.

Katillugu Luuvikasik pingasunik immikkoortortarfeqarpoq. Ataaseq paaqqutarisassaanerusunut, ataaseq namminersornerusunut ataaserlu puigortunut immikkoortortaqarfik, igaffik, errorsivik/eqqiaataasivik allaffillu. Ukiormanna sulisut 30-t missaaniipput.


Atuuffii:

  • Utoqqaat illuanni paaqqutarinniffimmilu aqutsisut suleqatigalugit igaffiup aningaasatigut akisussaassusilimmik aqunnissaa
  • Igaffimmi suleqatigiit suleqatigalugit utoqqarnut innarluutilinnullu peqqinnartunik nukissaninnartunillu nerisassiortarneq
  • Utoqqaat innarluutillillu najugallit eqqortumik akisussaassusilimmillu ingerlanneqartumik nerisaqarnissaannut nerisallu pillugit pilersaaruteqarnissaannut akisussaasuuneq kiisalu nerisassiornermut ikiortinut igaffimmilu ikiortinut suliassanik agguaassisarneq
  • Igaffimmi avatangiisinik pitsaasunik pilersitsineq isumaginninnermilu sulisut allat suleqatigalugit
  • Sulisut ilinniarsimanngitsut najugallit nerisartagaasa iluameersuunissaat pillugit ilinniartinnissaannut akisussaaffeqarneq
  • Ilinniartunik kommunimiillu piginnaanngorsaqqittunik tikilluaqqusisarneq
  • Igaffimmi ilinniartunik naliliisarnermut akisussaasuuneq


Suliassat akisussaaffiillu:

  • Nerisassiornermi igaffimmi suleqatigiit peqatigisarnissaat
  • Sulinerup nalaani igaffimmi sulisut peqatigisarnissaat - aamma unnukkut weekendinilu sulinerni
  • Najugaqartut igaffimmilu sulisut peqatigalugit nerisassanik pilersaarusiornerit
  • Najugallit ataatsimeeqatigisarlugit ataatsimiinnissallu pilersaarusiortarlugit taamaalillutik qaqugu ataatsimiittoqarnissaa ilisimassavaat imaluunniit pisariaqartitsinikkut.
  • Aqutsisut peqatigalugit igaffiup peqqissumik aningaasatigullu akisussaassusilimmik ingerlannissaa isumagalugu
  • Kikkunnit tamanit nioqqutigineqartut isummerfigilluartassallugit, isumaqatigiinniarnissamut ammassalluni. Aqutsisut ilisimatinneqartassapput
  • Igaffimmi sulisut suliffissaannik pilersaarusiorneq
  • Sulisut ataatsimeeqatigisarlugit aqutsisullu tamatuminnga ilisimatittarlugit
  • Aqutsisut peqatigalugit igaffimmi atorfinitsitsinernut peqataanerit
  • Aqutsisut peqatigalugit pisiassanik inniminniinerit


Akissarsiat atorfinitsitaanermilu atugassarititaasut:
Naalakkersuisut, Finansministeriap aammalu Sulinermik Inuussutissarsiuteqartut Kattuffiata inuussutissalerinermi ilinniagaqarsimasut pillugit isumaqatigiissutaat naapertorlugit akissarsiaqartitsisoqarlunilu atorfeqartitsisoqassaaq.


Pinerlussimannginnermut uppernarsaat:
Atorfik una pinerlussimannginnermik allagartamik paasiniaanissamit inatsimmik pisussaatitaavoq. Inatsit naapertorlugu kommune pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik erseqqissaatigineqassaaq ulloq atorfiniffissaq aatsaat isumaqatigiissutaasinnaammat, kommunip pinerlussimannginnermik allagartamik politiinit tigusereernerata kingorna.


Atorfik pillugu paasissutissat sukumiinerusut pisortamut Karen Nørris Christensen oqarasuaat nr. 38 15 16-ikkut imaluunniit e-mail kach@kujalleq.gl atorlugu pissarsiarineqarsinnaapput.


Qinnuteqaat pinerlussimannginnermut uppernarsaammik, ilinniakkanut suliffigisimasanullu uppernarsaammik, ilinniarnermut uppernarsaatinik, sulisitsisumit oqaaseqatinik allanillu PDF-filimut immiussanik ilallugu kommunip nittartagaatigut tunniunneqassaaq kingusinnerpaamik  februaarip ulluisa pingajuat 2025.


MALUGIUK: Qinnuteqaatit pappilianngorlugit mailikkulluunniit tiguneq ajorpavut, qinnuteqaatit nittartagaq aqqutigalugu nassiunneqarnissaat inussiarnersumik piumasarineqarpoq.


Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqarpoq. Tamanna januaarip aallaqqaataani 2018-imi atuutilerpoq. Paasissutissat sukumiinerusut Sulisoqarnermut Immikkoortortaqarfimmut piniarneqarsinnaapput


Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia
Suliffeqarfimmit ataatsimit suliffissat allat