sullissivik.gl
Atorfimmut ussassaarummut oqaatsinut allanut nuunniarlutit tooruk
Mittarfeqarfiit

Ikkuteqqitaq - Iffiortoq Hotel Kangerlussuaq/ Genopslag - konditor eller bagesvend til hotel Kangerlussuaq

Mittarfeqarfiit

Sisimiut
Ikkunneqarpoq: 12-05-2022
Piffissaq atuuffissaa naassaaq: 26-05-2022
Suliffissamut ID normut: 331148118
Atorfeqarnermi atugassarititaasut: Tamakkiisoq
Suliassaqarfik: Akunnittarfik & neriniartarfik
Atorfiup taaguutaa: Bager
Misilittakkat - Annertunerusumik: Altmuligmand
Oqaatsit:
Danskisut Atuarneq/ oqalunneq
Attaveqarfissamut paasissutissat

Mittarfeqarfiit

Akannguaq Lennert
Siaqqinneq B-1840
Oqarasuaat 364319

Kangerlussuaq Nunatta isaaffigaa. Angalasut nunatsinnukartut tamangajammik Kangerlussuaq aqqusaartuaannarpaat, mittarfiup takissusaa timmisartunut anginernut miffigissallugu sanaajummat.

Kangerlussuup pinngortitaa uumasorpassuaqarpoq, periarfissarpassuaqarporlu pinngortitamik asseqanngitsumik misigisaqarniartumut. Hoteli sermersuarmut qanittunnguuvoq, aamma DNA-tta ilagilluinnarpaa, tikeraartutta nerisassat allattorsimaffiatigut malugissagaat Kalaallit Nunaanniinnertik. Tamanna pissutigalugu kaagiliortumik imaluunniit iffiortumik pissarsiorpugut najoqqutassiarput inerisaqqinniassammat.

 

Sunngiffimmi periarfissarpassuaqareerpoq piniarusukkaanni, pisuttuarniaraanni, qimusserusukkaanni, sikumiit aalisarniaraanni allatigulluunniit misigisaqarusukkaanni. Atorfik inummik annertuumik nammineersinnaassusilimmik piumasaqarpoq, avinngarusimasutut inissisimanerput pissutigalugu, ulluinnarput ilaatigut siumooruminaallisarpoq. Taamaammat eqqarsartariaatsikkut ammaffigisariaqarpat naliginnaanngitsunik inerniliisariaqartaratta. Illit inuttut kulturit assigiinngitsut akimorlugit inooqataaffigissavatit. Naleqassutsitut tunngavigut sisamaasut aamma ilinni ilisarisinnaasariaqarpatit: Akisussaassuseq, tatiginassuseq, ataqqinassuseq atugarissaarnerlu, taakkuummata aalajangiisarnitsinni pissuseqarnitsinnilu tunngaviliisartut.

Akunnittarfik Kangerlussuaq ullut tamaasa sinaakkusiukkamik, ataatsimiinniartunut, ataatsimeersuarniartunut aamma takornarianut neqeroortitsisarpoq. Tamatta suleqatigiilluta Akunnittarfik Kangerlussuaq Nunatsinni ataatsimiinnernut aaqqissuussanullu assigiinngitsunut piumaneqarnerpaattut pilersinniarsarivarput. Tamanna pissutigalugu suleqatissarsiorpugut anguniakkatta angutsernissaannut ikiuisinnaasumik. Suleqatigiit pikkorissut ilagilertussaavatit, tunniussimallutillu suleqataanissat naatsorsuutigaarput, ataatsimeersuariarlutik akunnittarfimmilu pulaartuvut sullinneqarluarnissaat eqqarsaatigalugu.

 

Suliassaqarfiit

Suliassartai tassaapput iffiussalluni iffiukkanik, kaaginik, kinguleqquutit igaffimmut, cafetariamut, neriniartarfimmut pisisartunullu avataanniittunut.

 

Illit

Konditor-itut iffiortutulluunniit ilinniarsimavutit. Pitsaassuseq ukkatarivat misigissusermillu nuannersumik pilersitsiniarlusi peqataavutit, tamannalu pissutigalugu, pulaartuvut misigisimapput aggeqqikkusullutik.

Suliamut pikkorissuuvutit aamma kinaassuseqaravit inuppassuarnik tiguaasinnaasoq kulturit piginnnaasallu tamaasa akimorlugit. Inunnguuseralugu ilakkuminaartuuvit suleqatigiillaqqillutillu. Eqqiluisaarneq aamma ukkatarissavat, tunisassiaativut pitsaassusermut qaffasinnerpaamut inissisimassasut, pisisartuvummi tamanna naatsorsuutigereerpaat.

 

 

Neqereroorpugut

Suliffik nuannersoq unamminartorpassualik namminersornissannullu periarfissaqarluarluni, inuttut suliamullu tunngasutigut inerisarluarnissat inissaqareerluni. Atorfik toqqaannartumik iffiorfimmut naalakkamut atavoq.

 

Atorfininnermi atugassarisat

Akissarsianut atorfininnermullu tunngasut kattuffik isumaqatiginninniartitaasinnaasoq malillugu atorfinitsitaasoqassaaq, tamannalu ilutigalugu imaattunik atugassaqartitaavutit:

 

·Malittarisassiat atuuttut malillugit atorfininnermi soraarnermilu akilikkamik angalaneq

·Malittarisassiat atuuttut malillugit qaammatit 12 atorfeqareerluni ukiumoortumik akeqanngitsumik sulinngiffeqarluni angalasoqarsinnaavoq

·Malittarisassat atuuttut malillugit ineqartitaaneq

·Piffissaq suliffiusussaq sapaatip akunneranut 40-timiuvoq

·Isumaqatigiissuteqarnikkut sulilertoqarsinnaavoq

 

Paasisaqarnerorusukkuit

Siunissami suliffigisassatut periarfissat pillugu uani atuarsinnaavat www.hotelkangerlussuaq.gl. Atorfimmut apeqqutissaqaruit tikilluaqquneqarputit Bagermester Carsten Adeldam attavigisinnaallugu uunga: caia@mit.gl

Apeqqutit naliginnaanerusut uunga apeqqutigineqarsinnaapput HR-mik immikkoortortaqarfik

mail: hr@mit.gl

 

Qinnuteqaat

Atorfik soqutigigukku kaammattussavatsigit qinnuteqaatit, CV, kiisalu ilinniagaqarnermut uppernarsaatit nassiuteqqullugit, online aqqutigalugu ataani tuugassaq toorlugu quppernitsinni iserlutit kingusinnerpaamik 22. marts 2022.

 

Qinnuteqaatit mail-ikkoortut tiguneq ajorpavut.

 

Hotel Kangerlussuaq tassaavoq Mittarfeqarfiit pigisaattut namminersortutut suliffeqarfik. Hotel Kangerlussuaq tassaavoq akunnittarfik nutaaliaq, ataasiuttarissanut ininut, marluuttarissanut ininut, ilaqutariinnut ininut inersuarnullu agguataarneqartunik 70-inik initaqartoq. Tamakku saniatigut Hotel Kangerlussuup ataatsimeersuarnernik ingerlatsisarfik, café, cafeteria, neriniartarfik á la carte, kiisalu imerniartarfik nutaaliaq ingerlappai. Akunnittarfimmi angalasut 20.000-it sinnerlugit ukiut tamaasa unnuisarput. Uani annermik atuagaqarit: www.hotelkangerlussuaq.gl 

Qinnuteqaaternut allakkianik ilanngussinngilatit. Taamaakkaluartoq qinnuteqaatit nassiunniarukku "Ok" tooruk, imaluunniit "Taamaatiguk" tooruk aammalu qinnuteqaqqilinnginnarni allakkiat ilanngutikkit.

Inuit akornanni attaveqaatit
LinkedIn-mut ikkuguk
Google+-mut ikkuguk
Suliffeqarfiup inissisimaffia
Suliffeqarfimmit ataatsimit suliffissat allat